احـــلـــى مــــســا مع ( Nefertiti)

[انت احلى الناس]

مساء الورد والياسمين والفل مساء جميل ملئ بالحب والاخلاص مساء كله امل وتفاؤل ومحبه واحلى مسا مع احلى ام ( ام حمني ) ضيفه خفيفه وعسوله وطيوبه واخت الكل هنا 1/ اوصفلنا شخصيتك في جميلتين ؟ انا انسانه وشخصيتي متتحكيش بكلام تتعرف بس لان محبش حد ميعرفنيش يحكم عليا 2/ هواياتك وطموحاتك في الحياه ؟ هوايتي التجدد والبحث والتعلم وبرضو قلمي وطموحي رضا ربنا عليا وعلي ابني واخويا وبعد كدة احلامي باللي يخصني ويخص اخويا وابني 3/ حلم بيكبر كل يوم جواكي ونفسك تحققيه ؟ ان ربنا يكرمني بزيارة البيت الحرام ربنا مأردش اروح السنه دي فربنا يكتبهالي السنه الجاية 4/ اكتر قسم بتحبيه في المنتدى وبتحب تشاركي فيه ؟ الفضفضه والخزعبلات والعاميه ومدونتي 5/ اكتر حد في المنتدى قريب منك وصديق مقرب ليكي ؟ كلكم اخواتي 6/ مدونتك بتمثلك ايه ؟ وايه اكتر مدونه بتحبها وبتحبي تتابعي كل جديد فيها ؟ مدونتي جزء مني برتاح فيها ومش بتابع كتير اللي بدخلهم معروفين واكيد بحب اتابعهم 7/ موقف جميل في حياتك ومش ممكن تنسيه ؟ لما بقيت ام وشيلت ابني بين ايدي حمدت ربنا انه محرمنيش من النعمه دي ودمعت دموع لاول مرة اجربها 8/ موقف صعب مريتي بيه ومش ممكن تنسيه ؟ وفاه بابا ومن بعده امي الله يرحمهم فرق الوفاه كان ايام مكنش اعرف احزن علي ايه ولا ايه 9/ كل انسان عندو شخص قريب من قلبو مين اقرب شخص لقلبك ؟ اخويا واختي وابني 10/ احكيلنا مغامره من مغامراتك في الحياه ؟ حياتي كلها مغامرات اكبرها اني ام وانا 21 سنه ودا في حد ذاته مغامرة لاني لسه بدرس ومخلصتش جامعه 11/ مثلك الاعلى في الحياه ؟ الرسول عليه الصلاة والسلام ومن بعده امي 12/ المظهر بيعكش جزء من الشخصيه هل انتي من الاشخاص اللى بتحكم على النس من المظهر ؟ لا طبعا يهمني الجمال الروحي 13/ .... من الاشخاص اللى بتثق في الناس بسهوله وعمرك ندمتي على ثقتك في حد ؟ اه كنت بثق بسهوله ولما ندمت مبقتش بثق خالص 14/ كل انسان عندو نقطه ضعف نقطه ضعفك ايه ؟ اخويا وابني 15/ صفه موجوده في الناس بتكرهيها وصفه تانيه بتحبيها ؟ بكره النفاق والكدب والاستغلال وبحب اوي العدل والاحترام 16/ لو معاكي 3وردات لمين تهديها داخل المنتدى ولو معاكي كمان 3 وردات لمين تهديها خارج المنتدى ؟ هديهم لكل الاعضاء كل واحد ورقه ويارب يكفوا وخارج المنتدي واحده لحمني وواحدة لكريم وواحده لاختي 17/ اخر حاجه بقا تحبي تقولي ايه ؟ بشكرك علي البرنامج الجميل وبقول للجميع كل سنه وانتوا بألف خير وسعادة يارب وانتى بالف خير يا قمر

[مُنـــــايا]

أحلي مسا مع ملكة المنتدي حبيبة قلبي
إجابات هاديه وعقلانيه ....لا ياعم مش عايز تزعل حد

ربنا يسعدك حبيبتي ويبارك لك في ابنك واخوكي واختك

انا عايزه روده علي بعضها مش بحب المقطوف منها أنا
مجهود جميل نورهان
لروحك السعاده

[phalsteen]

نـــــــــــور
حبيبه قلبي
ميرسي علي البرنامج الجميل دا حبيبه قلبي
تسلمي من كل شر يارب

[phalsteen]

اقتباس المشاركة الأصلية كتبت بواسطة مُنـــــايا أحلي مسا مع ملكة المنتدي حبيبة قلبي إجابات هاديه وعقلانيه ....لا ياعم مش عايز تزعل حد ربنا يسعدك حبيبتي ويبارك لك في ابنك واخوكي واختك انا عايزه روده علي بعضها مش بحب المقطوف منها أنا مجهود جميل نورهان لروحك السعاده

احم احم
بس يا بت بتكسف انا بقي
وحمني هيزعقلي
انتي حبيبه قلبي والله
ان شاء الله احلي بوكية ورد
لما نخلص منك
قصدي نفرح بيكي يعني
يصبرك يا كريم يا اخويا يارب
وهاخده معايا وانا مروحه بئه

[Lamees]

نفرتيتي شخصية تفرض احترامها على من يعرفها
ربنا يوفقك حبيبتي ويكرمك ويخليلك ابنك

شكراً للأستضافة نورهان

[phalsteen]

تسلمي يارب روني
الف شكر لوجودك الراقي غاليتي
كل الود

[ساحر الأحزان]

حلقة جميلة نورهان
مع ام عباس

ربنا يحقق حلمك

بزيارة بيتة

[phalsteen]

اقتباس المشاركة الأصلية كتبت بواسطة ساحر الأحزان حلقة جميلة نورهان مع ام عباس ربنا يحقق حلمك بزيارة بيتة

الاجمل وجودك
ءامين يارب
ليا وللجميع

[همس الحنين]

دبلوماسيه يا سمسم

كان الله فى عونك مسئوليه كبيره بس أنتى قدها يا غاليه

طبعا حلقتك متوقعه انها تبقى الاروع

كفايه وجودك يا حبيبتى

نورهان

بجد مجهود رائع وبرنامج ممتاز
موفقين

[العاشق الذى لم يتب]

احلى مسا
واحلى الناس
واحلى برنامج
واحلى ضيفة
ماشاءالله عليكما
روعة الكلام
وام حمنى منورة الدنيا
تسلمى نورهان
مودتى