( اتكلم ) مع ( morshooo ) و ( امنيه شافعى)

[morshooo]

بسم الله الرحمن الرحيم

مزاج الخير

اهلا بيكم جميعا

والحلقه الاولى من

( اتكلم ) مع ( morshooo )

حلقه النهاردة هتكون عن

( ::: الاعضاء الجدد ::: )

وهتكون ضيفه الحلقه

العضوة المتميزة /

امنيه شافعى




تعالو الاول نشوف ياترى ضيفتنا قالت ايه

س / فى البدايه اهلا بيكى فى ( اتكلم ) ؟

اهلا وسهلا بيك وبكل اعضاء المنتدي




س / طبعا انتى عضوة جديدة فى المنتدى ؟ ايه الصعوبات الى بتواجهك فى المنتدى ؟

بحس اني غريبه محدش عارفني وزي ماانت عارف

اي عضو جديد بيكون من ناحيته خوف

يكون بتاع مشاكل بس بردوا لقيت هنا اصدقاء ليا زي جراح المشاعر ورفعت

فايعني كنت مطمنا وخصوصا انهم استقبلوني وحسسوني اني صاحبه مكان




س / شايفا ان الاعضاء مهتمه بمواضيعك ؟ والا حاسه ان الاقبال قليل على
مواضيعك بسبب انك لسه عضوة جديدة ؟

انا من رائي اي عضو جديد مايرفعش مواضيع الا لما يشارك بالمنتدي

والكل يبتدي يعرفه وانا عملت كده

علشان كده الحمد لله لاقيت اقبال علي مواضيعي




س / لما بتدخلى توبيك وتلاقيه مش قوى او مش مفيد وانتى منزله توبيك مهم
وحصرى بقلمك بتضايقى ان محدش بيدخل يرد عليكى ؟

اكييد بضايق وبزعل بس برجع واقول يكفيني رد واحد




س / ايه ملاحظتك عن المنتدى حتى الان ؟ سواء ايجابيات او سلبيات ؟

في اقسام زي قسم الخواطر مش شغال وياريت يتعمل تنبيه للخواطر هناك

كمان في اعضاء هناك بتنقل الخواطر وبتكون سطر واحد المفروض ده للي سبق

نشره بس بقلم العضو الايجابيات عجبني اوي قسم الحوار والنقاش والفضفضه

شغالين وكمان الاقلام هناك مبدعه والنقاش كله حصري

وقسم الابداعات في اقلام كتير مميزه جدا




س / لو قولتلك وجهى رساله لاعضاء المنتدى بخصوص الاعضاء الجدد ؟
هتقولى ايه ؟

هقول تبعوهم وشوفوا موضوعهم هما اولي بالاهتمام والرد

علشان نحفزهم انهم يفضلوا معانا




س / لما بتنزلى موضوع وبتلاقى ادارى بيرد عليه دا بيفرق معاكى فى المنتدى ؟
يعنى بيكون فى تشجيع ليكى انك تستمرى والا مش فارق معاكى ؟

لا طبعا بيفرق كتير وبحس بتحفيز للاستمرار




س / انا لاحظت ان اهتمامك كبير بالخواطر من وجهة نظرك ايه رئيك فى قسم الخواطر ؟

ايوه انا جاوبت في السلبيات

وياريت نظره لقسم الخواطر

اناشفت خواطر جميله ومش واخده حقها بالرد




س / نظره ازاى للقسم يعنى اقترحى حاجا لادارة المنتدى تعملها للخواطر ؟

تعمل تنبيه للخواطر والمشرفين يتابعوا




س / انتى ممكن تدخلى اصدقائك المنتدى ؟ والا شايفا ان المنتدى مايشجعش الاعضاء
الجدد انهم يسجلو ؟

لا المنتدي جميل بجد واكيد بقول لاصدقائي




س / اخيرا تحبى تقولى ايه ؟

اقول كل سنه وكل المنتدي بخير بمناسبه عيد الاضحي

وربنا يوفقنا جميعا لرفع المنتدي




دى كانت وجهه نظر

امنيه شافعى

الى واضح اصلا انها مكسوفه ومش واخده

على جو المنتدى حتى ردودها باين عليه

انا بقول احنا كا اعضاء فى المنتدى لازم نستغل الاعضاء الجدد

يعنى مفيهاش حاجا لما نعمل استضافات ليهم

مفيهاش حاجا لما الاقى عضو جديد مهتم بقسم معين

المشرف او المراقبين او الاداريين يدخولو يردو عليها

حد يبعتلها تقييم .

دا احنا اعضاء يعتبر لينا اسم هنا ولينا ناس

بتستنى ننزل موضوع واول لما نلاقى اعضاء بترد

بنكون مبسوطين فاكيد العضو الجديد

محتاج اننا نتابعه ونشوفه بينزل ايه ونرد على مواضيعه

ونبعتله تقييمات نشجعه اعتقد وقتها العضو دا ممكن يجبنا

( 100 عضو جديد )




انتظرونى وحلقه جديده

وظاهرة جديده

[الأميرة رودي]

أمنيه من وقت تسجيلها وهى ليها شخصيه مميزه
وطبعا قلم محتــرم
العضو الجديد بيكون فى الاول حاسس انه غريب شويه
وكلنـــا حسينا بالاحساس ده فى اول وجودنا هنـا
وبعد مرور الوقت وبعد التعامل المستمر بتلاقي الاحساس ده اتغير تماماً

قسم الخواطر بيكون فيه منقولات زي مافيه خواطر بقلم الاعضاء ودي طبيعه القسم
يعني اللى بينقل مش مخالف ولا حاجه
بس المخالف حقيقي انه ينسب العمل لنفســه ومش يذكر اسم صاحب الخاطره

أما القسم المختص ب الحصريات هو قسم ابداعات الاعضاء الادبيه والعاميه
فعشان كده يمكن الخواطر مش باين اوي

استضافه مميــزه مورشو
واتعرفنا على طبع أمنيه الهادي
هاتها فى أجمد عضو بقا عشان نتعرف عليها أكتــر
عجبني اللقـاء
تسلــمو
بالتوفيق يارب

[انا جيجي]

امنية من الناس الى جواهم رقيق وحساس رغم سنها الصغير ربنا يوفقها والف مبروك مورشو على البرنامج الجميل ده وعقبال ما حد يعبرنى

[ساحر الأحزان]

امنية من الاعضاء النشيطة

والمتفاعلة فى المنتدى

بتمنى ليها التوفيق معنا

حلقة ظريفة مرشو

مع امنية

منتظر الضيف القادم

[سندس]

امنية اجاباتك منطقية و جميلة
و انا معاكى فعلا و مع مورشوو مفروض المشرفين
يخشوا يردوا على الاعضاء الجدد فى مواضيعهم
و فى فعلا ناس بتعمل كده
بس فى ناس لا
مورشووو كل موضوعاتك الللى بتناقشها هادفة جدا
يدوم التفاعل الراقى

[امل جديد]

تسلم ي مورشو على روعة وجمال موضوعك
بجد موضوع مميز
يزيل الرهبة والخوف اللى بيحس بيهم اى عضو جديد
ويقرب بينة وبين من سبقوه ف المنتدى وبذالك يحسسهم انهم اصحاب المكان
تسلم ايديك توبيك قمة ف الروعة
واجبات امينة جميلة جد روعة
كل الود والتقدير لكم

[اذار .]

كلنا اخذنا مكان امنيه ، و عارفين احساسها هذا
و كمان من ناحية عدم التشجيع في المواضيع القيمه ، هذا
من الاشياء الي بيفتقر اليه المنتدى ،
انا لو جيت ك زائره ، ايش الي ممكن يجذبني للمنتدى و يخليني اسجل فيه ؟
مع العلم اني سجلت في المنتدى علشان احد عرفني بالمنتدى ،

لو المسئولين هنا عملوا بمجهودهم لترقية المنتدى ، راح يلقى
المنتدى عدد كبير من الاعضاء الجدد ،
بس ادينا منشغلين في مشاكل الكبار الي المفروض يكونو
مؤسسين في هذا المنتدى و يعملو على تطوره ،

# وجهة نظري .

شكراً لكِ ٲمنيه ، و ان شاء الله تتعمل اقتراحاتك
و تكوني سعيده بتواجدك هنا .

شكراً مروشو ، على الحلقه ، و ب انتظار حلقاتك القادمه

[احلي الناس]

امنية ..لها طابع وكاريزما خاصه ذات طابع هادى وراقى..حتى قلمها اشعر وكانه يستمد خواطره من احساسها الراقى ال دايما بنشعر بيه واحنا بنتابع كل مواضيعها القيمة ...انا عن نفسي بقف حائره عند كل كلمه يرسمها لنا قلمك المميز...تحياتى لكى ولمعد هذا اللقاء الراقى والمميز...ودائما فى صعود نحو القمه حبيبتى.

[همس الحنين]

حلقه كالعاده روعه يا مورشو

امنيه

انتى من يوم دخولك وكان واضح انك قلم مبدع

وله مستقبل كبير هنا

حتى كتاباتك فى المدونه بتعجبنى جدا

كلنا بالبدايه حسينا نفس احساسك

وانا شخصيا بقه

اتحطيت فى كذا مشكله

بس كل شئ بيمر

انتى ما شاء الله روحك حلوه جدا وكلنا بنحترمك وقلمك راقى جدا

تعليقاتك فعلا فى محلها من السلبيات او الايجابيات

منوره يا حبيبتى

تسلم مورشو

[Stop Ana Eltop]

امنيه شخصيه متميزه من وقت تسجيلها فى المنتدى
وكويس يامورشو انك تستضيف اعضاء جديده ما احنا كنا فى يوم جداد بردك

بالتوفيق دايما ليكواا