احـــلـــى مــــســا مع ( ساحر الاحزان )

[انت احلى الناس]

مساء الخير مساء القوب النقيه مساء الاخوه والصادقه مساء الطيبه وخفه الدم مساء خاص واحلى مسا وحلقه مع محبوب الكل واحلى مسا مع ساحر الاحزاااااااااان 1/ اوصفلنا شخصيتك في جميلتين ؟ ماضى ومستقبل 2/ هواياتك وطموحاتك في الحياه ؟ عدم ظلم الغير وطلب رضى ربى 3/ حلم بيكبر كل يوم جواك ونفسك تحققه ؟ اكون رجل اعمال ناجح وأحقق طموحاتى 4/ اكتر قسم بتحبه في المنتدى وبتحب تشارك فيه ؟ مفيش قسم معين حاليا لما بشوف موضوع بيشدنى فى اى قسم بتواجد فية وبرضة لما يجى فى دماغى موضوع مناسب لأى قسم بعرضة فية مباشرة 5/ اكتر حد في المنتدى قريب منك وصديق مقرب ليك ؟ افتقدت كبرياء رجل 6/ مدونتك بتمثلك ايه ؟ وايه اكتر مدونه بتحبها وبتحب تتابع كل جديد فيها ؟ مدونتى بكتب فيها الى بيخطر على بالى موقف مريت بية ذكرى عشتها ومتابعة المدونات دى انا بقى خايب فيها لانى مش متابع بصفة مستمرة 7/ موقف جميل في حياتك ومش ممكن تنساه ؟ يوم الأعتراف الأكبر 8/ موقف صعب مريت بيه ومش ممكن تنساه ؟ فقدان الأحبة والمقربين ليك 9/ كل انسان عندو شخص قريب من قلبو مين اقرب شخص لقلبك ؟ هو عارف نفسة 10/ احكيلنا مغامره من مغامراتك في الحياه ؟ هو موقف ظريف حصل لية مع والدى رحمة الله علية والكلام دة كنت فى نهاية الاعدادى وكان فى العيد الكبير والدتى وأخواتى خرجو لزيارة الأقارب والمشوار بعيد وبقيت أنا ووالدى فى البيت وجة وقت الغداء عملت فيها شيف وقلت لوالدى أنا حعمل الغداء والى حصل بقى جبت كيس لحمة وحطيتة فى المية على الناروكمان كيسين مكرونة وحطيت دة كلة فى الحلة وشغلت النار عليهم والمية بقى بقت تغلى وانا طبعا فرحان والى حصل بقى المكرونة استوت واللحمة لسة رحت سيبها على الناروقلت تستوى براحتها مع المكرونة لحد ما بقت شفتى عجينة كحك العيد والخبز بتبقى عاملة ازاى حتة واحدة كدة المهم قدمتهم لوالدى ويدوب اكل حتة لقيتة بيقولى اوعى تطبخ تانى على شان خاطرى 11/ مثلك الاعلى في الحياه ؟ معلم وخير البرية الرسول الكريم 12/ المظهر بيعكش جزء من الشخصيه هل انت من الاشخاص اللى بتحكم على الناس من المظهر ؟ يمكن أنا لى وجهة نظر فى الموضوع دة اللبس الكويس شىء كويس ومعقول وخصوصا لما يكون بسيط ومتناسق مع بعضة بسى مش بيعطيك انطباع صحيح عن الشخصية انطباعى باخدة لما بكلمة واتعامل معاة وقتها بقول حكمى كويس 13/ امجد من الاشخاص اللى بتثق في الناس بسهوله الحياة علمتنى أنى ما أستعجل فى أصدار الثقة بسرعة ألا بعد التعامل بفترة كبيرة وعمرك ندمت على ثقتك في حد ؟ مش بقلك الحياة علمتنى أنى ما أثق بسرعة ؟ 14/ كل انسان عندو نقطه ضعف نقه ضعف امجد ؟ نقطة ضعفى التعامل بحسن النية 15/ صفه موجوده في الناس بتكرهها وصفه تانيه بتحبها ؟ صفة بحبها هى الصدق وصفة بكرها هى الكذب أنى أقول لشخص كلام ويروح ويقول غيرة على شان يظهر نفسة انة برىء ومظلوم 16/ لو معاك 3وردات لمين تهديها بداخل المنتدى ولو معاك كمان 3 وردان لمين تهديها خارج المنتدى ؟ بهديها للأعضاء شلولو وبلولو وملولو وبرة المنتدى للناس الى بحبهم 17/ اخر حاجه بقا تحب تقول ايه ؟ بشكرك على دعوتك وبتمنى ليكى التوفيق بحياتك شكرا ليك يا امجد على قبولك الدعوه نورتني

[اميره الشعر الشجين]

احلى حاجه فى أمجد بسيط فى ردوده وبسيط فى مروره احيانا بحس فى بعض الردود بانه فيه شئ من الغموض بس اكيد من الكلام دا دل على انو طيب جدا

نصيحه اخويه امجد اياك تطبخ تانى

تسلمى ياقمر للحوار الجميل دا مع ساحر المنتدى

[نونة87]

شكرا جزيلا :::

[۩۩ elMagic ۩۩]

حلو الحوار
نورت عم أمجد
تسلمي ي جميل لمجهودك
يدوم النشاط ,,

[العاشق الذى لم يتب]

الله يرحم والدك ويبارك فى عمرك
والطبخة والله عجبتنى اوى
وكان نفسى تعزمنى عليها
جميل امجد والبساطة فى كلامه
ربنايوفقك وتكون من انجح رجال الاعمال
ويحقق لك كل الامانى
شكرا مذيعتنا الراقة
والربنامج الجميل
ننتظرالحلقة الجاية
تحياتى وودى

[العندليب الاسـمر]

حلوة الاجابات الدبلوماسية

دة عادة طبيعة المسئولين الكبار

تسلمي احلي الناس علي حوارك الشيق ومجهودك الواضح

[phalsteen]

/ هواياتك وطموحاتك في الحياه ؟

عدم ظلم الغير وطلب رضى ربى

غريبة
مكنتش اعرف انك بتكره الظلم
لدرجه انك قولته قبل رضا ربنا
موفق اخي
اجابات جميله

نورهان البرنامج رائع يا قلبي
تحياتي

[SaMa.]

اسئلة حلوة زيك ي جميله وإجابات ساحر كمان
ثانكس ع الحلقه

[الأميرة رودي]

حوار جميل وهادي
وأمجد ارجوك اوعى تدخل المطبخ تاني واعمل بوصيه والدك الله يرحمه
ربنا يرزقك بكل الخير ان شاءالله

متألقه نورهان ف تنوع اسئلتك
تسلمي ياقمرايه

[همس الحنين]

نشاطك جميل نورهان

والاسئله جميله ومتنوعه

استاذ امجد

اجاباتك لوحدها الغاز

ولكنك بسيط جدا فى الاسلوب

كل التقدير لك ورحم الله والدك