صدمه ندم

[phalsteen]

للأسف كلنا بنحب نجرب بنفسنا عشان نقتنع
حتي لو الكل اكد لنا
لا برضو مبنقتنعش الا اذا جربنا بنفسنا

كلام كتير اوي بنسمعه
بس ياتري بنعمل بيه

الاغلب لاء

بلاش الطيبة الزايدة مع الناس اصلها سذاجه
متثقيش في حد اوي كدة عشان هتندمي
خليك في حالك اريحلك
طب ما تجرب تبعد كدة وتشوف مين هيهتم
اللي انت بتحكيله وبتثق فيه اوي كدة
بيعامالك كدة برضو

كل الكلام دا مقنع وجميل
وبنسمعه كتير جدا
بس لازم نجرب بنفسنا

عارفين ان الاغلبيه من الناس عايشه تكدب وبس
وبرضو بنثق بغباء

عارفين ان كل واحد عايش بمليون وش
وبرضو بنتعامل بكل طيبة ود

عارفين ان الظلم عشش جوه القلوب
ولسه بنقول جواهم خير

مش يمكن عشان نيتنا خير
او لسه شايفين الدنيا والناس باللون الابيض

او لسه في ناس بتراعي ربنا

الا صحيح :

ياتري كام واحد لسه بيفكر في ربنا قبل ما يجرح حد
او يخون ثقه حد
او يكدب علي حد
او ينافق حد
يفضل يجرح ويقطع في سيرته
ويقابله بابتسامه اد كدة



ياتري كام واحد لسه بيقول وانا اظلم ليه
طب ما افكر تاني

ياتري لسه في حد بيخاف حد يدعي عليه
او يقوله ليه كدة

لحد امته هننسي اننا بني آدمين
اخرنا قبر

للأسف فضفضه مخنوقه
لروح موجوعه

[اميره الشعر الشجين]

فضفضه حزينه بجد بس هقولك ايه يعنى

احنا بقينا منافقين حتى على نفسنا بنضحك ونقنع نفسنا اننا مبسوطين والضحكه دى فعلا من قلبنا بناقبل ناس ونشوف ناس بيجرحونا وقدمنا كأنهم ملاك

فضفضه جميله يا سما

[SaMa.]

مبدأى ف الدنيا دى خليك ف حالك
وكل اسئلتك اجابتها لا م فيش حد بيخاف ع غيرو
وصبر ربنا عليهم عشان يراجعوا نفسهم بيزيدهم فساد
والكل همه الوحيد ازاى يخون ويجرح زيمتكون هواية ومزاجهم
والمصلحة وتدوس ع غيرك هى دى الل ماشيه اليومين دول
سلامتك م الخنقه ي سما هاتشوفى من ده كتير
لحد متفضلى لوحدك وتخافى تكلمى حد
لو فضلتى تثقى بسهوله

[phalsteen]

اقتباس المشاركة الأصلية كتبت بواسطة اميره الشعر الشجين فضفضه حزينه بجد بس هقولك ايه يعنى احنا بقينا منافقين حتى على نفسنا بنضحك ونقنع نفسنا اننا مبسوطين والضحكه دى فعلا من قلبنا بناقبل ناس ونشوف ناس بيجرحونا وقدمنا كأنهم ملاك فضفضه جميله يا سما

عندك حق
ربنا يهدي ويعفي
تسلمي

[phalsteen]

اقتباس المشاركة الأصلية كتبت بواسطة sama. مبدأى ف الدنيا دى خليك ف حالك وكل اسئلتك اجابتها لا م فيش حد بيخاف ع غيرو وصبر ربنا عليهم عشان يراجعوا نفسهم بيزيدهم فساد والكل همه الوحيد ازاى يخون ويجرح زيمتكون هواية ومزاجهم والمصلحة وتدوس ع غيرك هى دى الل ماشيه اليومين دول سلامتك م الخنقه ي سما هاتشوفى من ده كتير لحد متفضلى لوحدك وتخافى تكلمى حد لو فضلتى تثقى بسهوله

كالعادة
انتي اكتر حد بيفهم كلماتي
وبيشدني رده سما
معاكي في كل حرف قولتيه
انا فعلا بقيت بخاف اتكلم
بشوف الكدب والغدر واضح في كل عين
الكل بقي عندي واحد
كداب
تسلمي سما

[ساحر الأحزان]

اية يا بنتى جو الخنقة الى عيشتينا فية دة

بصى يا سما

برغم انك بتقابلى ناس بتتغير وباكتر من وش

الا انك حتلاقى ناس برضة بتخاف من ربنا وبتتعامل مع الناس بكل صدق

هو دة السبب الى بيحسسك ان لسة الدنيا بخير

وان لسة فية بارقة نور تزيل الظلمة والعتمة

من امام عينك

خلى ثقتك بربك كبيرة

وهو حيسهل ليكى امورك

ربنا يوفقك

[دفاتر القمر]

اكتر صفه تضايق
هي النفاق
الناس تكلم بغير اللي في قلبها
وطبعا كله علشان المصالح
شكرا علي الفضفضه
تسلم اديكي

[همس الحنين]

مالك يا سمسمه

امبارح شكلك كان مضايق

ربنا يسعدك حبيبتى

التجربه مش غلط

والمحاوله مش فشل

انما المشكله بنتعامل مع مين

ولا بنثق فى مين

ناس احبهم اوى

واثق فيهم

واكتشف انهم شر او حتى بيكرهو اكون افضل

وقتها بندم بس مش على التجربه

لالالالا

على اللى وصل الناس له

من نفاق

لو كل واحد راعى ربه وخاف منه

وخاف يقع بافعاله فى المصائب

هيخاف يخون ويجرح

بس فين يا سما

قليلون حبيبتى

يبقى الصح

نكون حذريين

بس مش هنبقى حذرين الا لو جربنا بنفسنا

وجعتينى يا سما

[العاشق الذى لم يتب]

آه والله كلامك جه على الجرح
ومعاك مليون حق
بس لازم تعرفى ان الدنيا ماتخلاش
من المنافقين
نعم المنافقين
اللى هم يقبلوك بابتسامة وضحكة صفرة
وقلبهم مليان سواد
ومن وراك يشتم ويسب ويتهم
وقدامك بكلام غير
ربك سماهم فى القرءان بالمنافقين
والنفاق سارى المفعول الى ان تقوم الساعة
ولكن هناك خلط
بين ان يكون موقف حصل منك او كلمة
ماتفهمهاش الطرف التانى
اقصد فهمها غلط
وبناءا عليه هيصدرعليك اوامر وتهم غلط
هنا هتكون مشكلة اكبر من النفاق
وتحتاج لمعالجة وبسرعة
وربنايهدى عباده اجمعين
ومافيش احسن من الطيبة والسماح
شكرا لك
سما
مودتى

[سندس]

أنا حاسة بيكى اختى سما
صدقينى كتير مننا بيتعرض لللمواقف دى و بيندم انه عرف شخصيات زى دى
احسن حاجة نتعامل مع الناس كويس بس ما نديلهومش الثقة العمياء
عشان منندمشى بعد كده