جواز الانترنت ظاهره ام واقع؟

[اليسمينه]

بسم الله الرحمن الرحيم
جواز الانترنت ظاهره ام واقع؟

هل ممكن تتبنى علاقه من ورا الشاشه

ممكن ناس تتعرف على بعض عن طريق النت
ويكونو على قدر من الجديه فى كلامهم
ويكون كلامهم كله صدق
تضمن منين انه الى بيتكلم معاك مش كذاب
ازاى حد ممكن يرتبط اويتخطب يتجوز
واحد او واحده من ع النت
شايفه انها حاجه صعبه
بس هيه موجوده وبنشفها كل يوم
ممكن يكونو فعلا ناس محترمه
بس مش دايما

ازاى ممكن نثق ف حد بسرعه ومن خلال شاشه
انا رأيى انها ظاهره غريبه
ممكن يكون من تاثير التحرر الزياده الى وصلنا ليه
بس انا بعارضها بشده
لانى مش شايف الى ورا الشاشه ممكن يكون مين
عاوزه رايكم
لانى بقيت حاسه انه العالم اتغير بطريق غريبه
كمان بحس كانى مزهوله لما اشوف كده
فين الاخلاق الى بندور عليها

[العندليب الاسـمر]

هوة بس انا بصراحة مش عارف تقصدي ايه بجواز الانترنت
لو تقصدي ان فيه حد بيعمل علاقة مع حد ويتجوزا وهمة لسة ورا شاشات فدي بصراحة معرفهاش ومسمعتهاش

اما لو حضرتك تقصدية الجواز الناتج عن علااقة كانت في الانترنت فلا اعتقد ولا اتصور ان في الامر مشكلة ما دامت العلاقة وصلت للجواز اذن فقد تحول الامر لعلاقة واقعية وتواصل ولقاءات وليس فقط من خلف شاشات

اما لو حضرتك تقصدي تناقشي علاقات الانترنت عموما
فعن نفسي ومن خلال خبرة ما يقرب من 10 سنوات بقول لحضرتك بالفم المليان
للاسف اغلبها كذب وخداع واستغلال للشاشات والناجح منها محدود جدا
لكن عن نفسي برضة مهما كان اللي بيقولة اللي قدامي بفترض انه صادق الي ان يثبت العكس
ومش هيضرني اي حاجة اني اصدق اي حد علي الانترنت او غيرة ما دام مفيش وسائل للاثبات او النفي لكن اذا وصلت الامور لعلاقة واقعية هينتج عنها نتائج مؤثرة في حياتي لازم طبعا اهتم واتاكد واحولها لعلاقة واقعية الاول وبعدين نتكلم
وعموما اعتقد ان الانترنت علاقات فكرية اكتر من كونها علاقات حقيقية يعني اتصور انها ممكن تديني مش اكتر من 20/30 % من شخصية اللي قدامي

شكرا علي طرحك الهادف اختي الكريمة اليسمينة

[مُنـــــايا]

شوفي حبيبتي من الشائع إن كل علاقات النت بتكون فاشله
لإن كثير منها بيقوم ع الكدب والخداع والتسليه وتضييع الوقت
وده بالنسبه للشخص اللي بيكون مش جاد بتعامله مع الآخرين
وانه داخل لهدف معين هو تضييع الوقت والتسليه بتكوين علاقات وما شابه
وده أنا بنتكلم عن من يدعون إنهم علي علاقه وحب...

أما إن العلاقه تصل للزواج فهذا يعني أنها أصبحت أمر واقع في الحياة
وليس كلام من وراء شاشه فقط لأن هناك تدخل كبير من الأهل والارتباط

ويوجد زيجات ناجحه جدا ً والحمد لله نتيجه الانترنت

هذا يتوقف علي مدي جدية الأشخاص في إنجاح العلاقه ووصولها إلي المسار
الصحيح ............

موضوع جميل منك حبيبتي
لروحك السعاده

[اليسمينه]

اقتباس المشاركة الأصلية كتبت بواسطة مُنـــــايا شوفي حبيبتي من الشائع إن كل علاقات النت بتكون فاشله لإن كثير منها بيقوم ع الكدب والخداع والتسليه وتضييع الوقت وده بالنسبه للشخص اللي بيكون مش جاد بتعامله مع الآخرين وانه داخل لهدف معين هو تضييع الوقت والتسليه بتكوين علاقات وما شابه وده أنا بنتكلم عن من يدعون إنهم علي علاقه وحب... أما إن العلاقه تصل للزواج فهذا يعني أنها أصبحت أمر واقع في الحياة وليس كلام من وراء شاشه فقط لأن هناك تدخل كبير من الأهل والارتباط ويوجد زيجات ناجحه جدا ً والحمد لله نتيجه الانترنت هذا يتوقف علي مدي جدية الأشخاص في إنجاح العلاقه ووصولها إلي المسار الصحيح ............ موضوع جميل منك حبيبتي لروحك السعاده

ممكن يكون فيه زيجات ناجحه من الانترنت
بس يعنى ايه اتعرف ع واحده مثلا من الفيس
منتدى ايا ماكان
وفجاه اقرر انى هاخطبها
ويتجوزو عادى جدا
المفروض تكون العلاقه من الاول مبنيه ع انى بشوف تصرفات الشخص الى اودامى
واقدر احكم عليه
الى مش فهماه ازاى تثق ف حد وتقرر تبنى اسره وبيت
ع اساس ع لاقه من ع النت

[اليسمينه]

اقتباس المشاركة الأصلية كتبت بواسطة العندليب الاسـمر هوة بس انا بصراحة مش عارف تقصدي ايه بجواز الانترنت لو تقصدي ان فيه حد بيعمل علاقة مع حد ويتجوزا وهمة لسة ورا شاشات فدي بصراحة معرفهاش ومسمعتهاش اما لو حضرتك تقصدية الجواز الناتج عن علااقة كانت في الانترنت فلا اعتقد ولا اتصور ان في الامر مشكلة ما دامت العلاقة وصلت للجواز اذن فقد تحول الامر لعلاقة واقعية وتواصل ولقاءات وليس فقط من خلف شاشات اما لو حضرتك تقصدي تناقشي علاقات الانترنت عموما فعن نفسي ومن خلال خبرة ما يقرب من 10 سنوات بقول لحضرتك بالفم المليان للاسف اغلبها كذب وخداع واستغلال للشاشات والناجح منها محدود جدا لكن عن نفسي برضة مهما كان اللي بيقولة اللي قدامي بفترض انه صادق الي ان يثبت العكس ومش هيضرني اي حاجة اني اصدق اي حد علي الانترنت او غيرة ما دام مفيش وسائل للاثبات او النفي لكن اذا وصلت الامور لعلاقة واقعية هينتج عنها نتائج مؤثرة في حياتي لازم طبعا اهتم واتاكد واحولها لعلاقة واقعية الاول وبعدين نتكلم وعموما اعتقد ان الانترنت علاقات فكرية اكتر من كونها علاقات حقيقية يعني اتصور انها ممكن تديني مش اكتر من 20/30 % من شخصية اللي قدامي شكرا علي طرحك الهادف اختي الكريمة اليسمينة

لا مش قصدى حد ممكن يتجوز من ورا الشاشه
بس قصدى حد يتعرف ع حد من النت

ولما توصل العلاقه لخطوبه
وقرار جواز يجو يقفو مع بعض ويتعرفو ع بعض
بعد كده من خلال الاهل عادى
بعد كده هيكون موقفهم ايه
انه عرفها من ع النت
اعتقد انها علاقه رخيصه
لما تكلم ولادها بعد كده تقولهم عرفت ببكاكممن النت

ممكن تكون فيه علاقات بتنجح فعلا بس شايفين انها بقت حاجه عاديه
انا مستغربه انها بقت عادى يعنى
؟

[مُنـــــايا]

اقتباس المشاركة الأصلية كتبت بواسطة اليسمينه ممكن يكون فيه زيجات ناجحه من الانترنت بس يعنى ايه اتعرف ع واحده مثلا من الفيس منتدى ايا ماكان وفجاه اقرر انى هاخطبها ويتجوزو عادى جدا المفروض تكون العلاقه من الاول مبنيه ع انى بشوف تصرفات الشخص الى اودامى واقدر احكم عليه الى مش فهماه ازاى تثق ف حد وتقرر تبنى اسره وبيت ع اساس ع لاقه من ع النت

هو ايه الفرق حضرتك بطريقه التعارف بحد ذاتها
ما انتي ممكن تقابلي شخص بالجامعه وتتعرفي عليه ويتقدملك
وممكن في الشغل .وممكن في مكان عام صدفه
المشكله مش في المكان والزمان المشكله في جديه العلاقه
ولا انتي عايزه تتعرفي علي واحد وتقعدي تدرسيه وبعدين تقرري الارتباط أولا

كل شيء بقدر الله واللي مكتوب ليه شي بيشوفه
مش تفرق بقي نت او غيره .لان ده نصيك وربك كتبه ليكي
الطريقه ازاي وليه مش لينا فيها ده

[مُنـــــايا]

اقتباس المشاركة الأصلية كتبت بواسطة اليسمينه لا مش قصدى حد ممكن يتجوز من ورا الشاشه بس قصدى حد يتعرف ع حد من النت ولما توصل العلاقه لخطوبه وقرار جواز يجو يقفو مع بعض ويتعرفو ع بعض بعد كده من خلال الاهل عادى بعد كده هيكون موقفهم ايه انه عرفها من ع النت اعتقد انها علاقه رخيصه لما تكلم ولادها بعد كده تقولهم عرفت ببكاكممن النت ممكن تكون فيه علاقات بتنجح فعلا بس شايفين انها بقت حاجه عاديه انا مستغربه انها بقت عادى يعنى ؟

ايه يخليها علاقه رخيصه حضرتك
ما دام وصلت للزواج اللي هو شرع ربنا ...
وأمام الناس وفي العلن وفي النور......انتي معترضه علي النت
والطريقه ........الزواج بيحدث بقدر الله حتي لو عن طريق صدفه

مش تقيسي حصل أزاي دروي علي النتائج اللي ترتبت بعد الزواج

بصراحه منطقك غريب ..بس وجهه نظرك تحترم
بصراحه منطقك غريب ..بس وجهه نظرك تحترم

[ندوشه 2011]

فى ناس بيبقوا صادقين فى كلامهم والجواز بيتم وفى ناس بيتسلوا. والمسكينات بتصدق

[دفاتر القمر]

ايه المانع في صديقه ليا
شخصيا اتجوزت من علي النت
وسعيده جدا في حياتها ربنا يوفقها
جواز النت احسن من جواز الصالونات
واحسن ما البنت تخرج تقابل ولد
وتتكلم معاه هنا النت وسيله
للتعارف المحترم والتقارب
في حدود بس اهم شيء البنت
تكون علي حظر وماتامنش لاي حد
ووقت الخطوبه تسال عنه وعن اهله كويس
شكرا علي الطرح

[world]

هو فين التحرر ده ي ياسمينه ؟!
البلد كل يوم بتتكبت اكتر
الحب من ورا شاشه من اجبن انواع الحب
لكن طبعا سهل اوي اي بنت عاقله او شاب عاقل يفهم ال ورا الشاشه بيحبو ولا بيهزر
الطريقه بتبان اوي
وال مش بيشوفها بيبقي عاوز يكمل في العلاقه ويقنع نفسه انه ف قصه حب حقيقه
لكنها من جواها عارفه انها ف كذبه مع واحد كاذب مش بيحب

ينتهي الموضوع بكلمه تعالي اتقدملي ووقتها لو رفض لاي سبب او عزر يبقي نقفل موضوع الحب ده
المشكله ف البنت الصغيرة ف فترة المراهقه ال بتكون ضعيفه تجاه بعض كلمات الحب ودي محتاجه رعايه ومتابعه من الاهل