سنة رابعة إتيكيت (إتيكيت الدراسة )

[سندس]

السلام عليكم إزيكم يا أعضاء و عضوات منتدانا الكرااام أنا انهاردة هقولكم إزاااااااااااااااى بقضى يومى الدراسى الثقيل على قلبي و الرخم و اللي فيه الوقت بيعدى بطييييييييييييييييء إلا فيما ندر من الاحيان المهم نخوووش فى الموضوع طبعا بصحى من النوم بالعافية مضروبة بالشووز لأنى سواء نايمة متأخر أو بدرى أنا كسندس بعز النوم الصرحة لي معاه قصة حب لا تنتهى المهووم طبعا بصحى متاخر و تيجى مرحلة اللبس بقعد افكر طبعا هلبس إيه و بعدين بعد ما أقرر أدور على إللى قررت ألبسه و أدور عالاجزاء بتاعته المختلفة البدى و الفيست و البنطلون أو الجيبة اللى كل حاجة بتبقى فى حتة مختلفة بلبس و دى المرحلة الاسهل رغم اللى انا قلته تخيلوا بقى هههههههههاي كل ده و الوقت بيمر و الحسابة بتحسب نيجى للمرحلة الاطول و هلى مرحلة ما امام المراي حيث لف الطرحة و تثبيتها و تظبيط المنظر الخارجى أمام المرايا دى مرحلة بقى بسرح فيها و ميهمنييييييييش الوقت المهم بقى فى المرحلة دى تنهال علي سيل من الشتائم و الزعيييييييق خلصى مش هتلحقى تروحى و يا باردة و بعد كده مش هتلحقى المحاضرة اصلا و فعلا بخلص و بنزل متاخرة طبعا بصوا انا غالبا المحاضرات من 8 أنا احسن وقت نزلت فيه كان 8 و نص و خمسة ده المثالى بتاعى اللى مبيحصلشى غير فى السنة مرة أما أنا عادة بنزل 8 الا تلت أو الا ربع و ده قبل ما انحرف و انزل 8 الا خمسة الانحراف ده اننا مبقاش بيهمنى أروح فى نص المحاضرة عادى اه عشان محدش يفهم غلط المهم أجرى عشان الحق الميكروباص اللى دايما بقف استناه اما اكون متاخرة دى الاسطورة المعروفة اللى بتقول " دايما لما تكون عايز الحاجة متلقيهاش و لما تكون مش محتاجها دلوقتى تلاقىها مرمية أدامك " ما عليييييينا المهم بنزل من المواصلة الاولى اللى مدتها 10 مينتس ممكن اتمشاها بس هتاخد وقت ومجهووود و انتوا عارفين الحالة الصحية لبنات مصر المووهيم بنزل عشان اركب المواصلة النوهائية اللي بيكون واقف ناس عليها بالهبل و انت و حظك بقى و بم انى بنت ميبنفعش اتخانق بيبقى معظمهم رجاالة فبستنى بادب اخش كده الميكروباص يكون لسة الناس ملحقوش ييجوا عنده او استنى جنتلة احد ما يقوللى اتفضلى و ده مش غالبا بيحصل , العالم اتقل بركتهااا كلو عايز يروح الشغل و ده بيبقى شكلي : المهم بركب بيبقى الطريق طويل شوية بسلى نفسي بهيد فون و لا حاجة بوصل و اجري طبعا فى الجامعة بم إن الطريق من الباب للمدرج حوالى ربع ساعة فده مشوار لوحده حبة لكاعة حبة نشاط حبة استعباااط بوصل متاخر طبعا المحاضرة بيكون الدكتور دخل بحاول اخش خلسة كده من غير ما يشوفنى بقعد فى البنش الاخير او قبل الاخير الصراااااااحة اه نسيت اقولكم اننا الاول بدور على اصحابي قاعدين فين و بقعد جنبهم اومال هقعد طول المحاضرة اسمع الشرح و لا إييه و اقعد بقى محاضرة فى محاضرة فى محاضرة بيطلع عينى بيبقى يوم صعب اوي و المحاضرة 3 ساعات و الدكتور عمال يشرح و مبيسكتش ربنا يديلو الصحة عنده منهج عايز يخلصوا و خلاص طبعا بنخرج زى اللى خارجين من السجن و كل التظبيط بتاع الصبح طااااااااااااار فى الهوا شاااشى و أصبح المنظر يرثى له و نعدى نشترى حاجة و تبدا رحلة شاقة غالبا فى الحر بم ان السنة اربع تربعها صييييف بنركب الميكروباص فى الحر و انزل امشى حتة كبيرة تحت الشمس الحااارقة طبعا بروح مقتولة بنام لى ييجي اربع ساعات كده و طبعا انتم استنتجتم ان مفاضلشلة فى اليوم حاجة اننا ابص فى كلمة و مع ذلك بقاوم و أقاوم .................. و أفتح الفيس اطمن على اصحابى و على الكلية اللى لسة سايباهم نياهاااااااااااا و ساعات ربنا بيفتح عليا و اقرا حبة من المحاضرات الكتيييييييييير اللى لسة مفتحتهمشى و هنا يحضرني هذا الكوميك : ده فى حال اننا معنديش امتحان اصل بينى و بينكم احنا فى الكلية الغريبة دى بنمتحن اكتر ما بناكل يعنى من كتر ماحنا بنمتحن مش لاقيين وقت نذاااااكر و هكذا بيعدى اليوم عليا يوم عصييب عصيييييب . و سوري عالاطالة و أكيد لاحظتم ان يومي أبعد ما يكون عن الاتيكيت فى اى حاجة ههههه , . . أختكم المناضلة سندس

[مُنـــــايا]

يسلموا ع اللافاده والأنتقاء
خالص الشكر والتقدير
لروحك السعاده

[♥○ moOoOoOna ♥○]

ههههههههههه انا لبسى بالطرحه بكله بياخد تقريبا ربع ساعه

وازاى بتدخلى من غير مايشوفك ههههههههههه

لذيذ الموضوع يا سندس تسلمى

[فداااااااااااء]

هههه موضوع خفيف تسلم ايدك ياقمر