حولى الكتاب لشنطة رائعة

[مُنـــــايا]

هلا وغلا بيكم حبايبي اليوم جبت لكم فكرة ممكن نستفاد منها من الكتب القديمة اللى موجودة عندنا الفكرة دى هى شنطة يد وح نفذها من غلاف الكتب تعالوا نشوف الطريقة مع بعض • • • كتاب قديم ايادى للشنط ( متوفرة بالمحلات الكبرى ومحلات ادوات الخياطة والاشغال اليدوية ) اختارى الشكل اللى يعجبك قماش اى لون تحبية شرائط ساتان زراير مقص مسدس شمع كاتر ورق مقوى قلم رصاص افصلى غلاف الكتاب عن الصفحات باستخدام الكاتر افتحى الكتاب زى الصورة وحددى على الورق المقوى شكل المثلث وقصية ثبتى المثلث على قطعة قماش وقصى مثلثين لكل جهة مثلث ثبتى اليد على الغلاف من الداخل باستخدام شرائط الساتان وفى منتصف الكتاب اعملى عروة بالساتان عشان تقدرى تقفلى بيها الشنطة وفى الجهة التانية من الغلاف ثبتى زرار فى شريط ساتان ومن نصف الغلاف من الداخل ثبتى القماش عشان تبطنى الشنطة واضغطى على القماش عشان يثبت وثبتى المثلثين اللى قصيتيهم من القماش على الجوانب افردى القماش على باقى الغلاف عشان تكملى تبطين باقى الشنطة واضغطى على القماش عشان يثبت على الغلاف وده شكلها النهائى اتمنى الفكرة تعجبكم ،،،

[ندى المهندس]

طرح راقى ومميز منايا

تسلم الايادى ويسلم الزوق العالى

ننتظر كل جديد على شوق

احترامى لشخصكم الكريم

نــــــــــدى المهندس

[العاشق الذى لم يتب]

انتقاء رائع
سلمت يمناك
ودمت بخير
تحياتى وودى