لأ بقي لازم تسمعوني ضروري!!!!

[هديل الايام]

دلوقتي انا لما باحتاج اي حاجة لزوم المدارس مثلا زي برامج اذاعية مدرسية افكار كتير للمدرسة مناهج اسطوانات تحميل بدلا من اني انزلها من منتديات تانية طب ليه اروح بعيد وانا عندي المنتدي ده مسرحيات مدرسية كتب مدرسية ائلة منهجية اخبار جديدة للتعليم مهمة ومفيدة وزكريات المدرسة انا عايزة المنتدي بتاعي يبقي فيه القسم ده علشان كلنا نستفيد من بعضنا ارجوكم بجد علشان لما احتاج ما اروح منتدي تاني وهنا في المنتدي هجمله سريع سريع بجد ارجوكم انا محتاجة القسم ده ومش انا بس اللي محتاجاه ناس كتيــــــــــــــــــــــــــــــــــــــــــــر محتاجاه من فضلكم ساعدوي




ارجو تكون رساتي وصلتلكم مع تحيات العضوة: هديل الايام

[العندليب الاسـمر]

الفكرة حلوة جدا

وفي المنتدي الذي كنت به سابقا

لما اتعملت كانت ناجحة جدا جدا

مش بس لاعضاء المنتدي كمان جابت زوار كتير جدا

ودة طبعا بيرفع من المنتدي

تسلمي هديل علي الافكار

وان شاء الله يكون في استجابة من الادارة

[هديل الايام]

شكرا ليك وعلي رأيك الصريح

[الأميرة رودي]

هى الفكره جميله
بس تنفيذها لابد من موافقه الاداره
انتظرى عوده امجد بالسلامه ونشوف رأيه

[۩۩ elMagic ۩۩]

الفكره في انك محتاجه ناس متخصصه
علشان القسم يكون متفاعل وفعلا يبقى فيه كل المستلزمات الدراسيه
ولكن دا أظن هيبقى صعب تحقيقه في منتدى إجتماعي
مش بس هنا ف المنتدى لا في مواقع كتير تانيه
وبالتالي انتي مش هتقدري تستفادي فعلا
الا لما تدخلي المواقع المتخصصه في المجالات دي
وتلاحظي ان معظم اقسامها تعليميه

[العندليب الاسـمر]

الحقيقة انا مختلف شوية مع اخي الماجيك

انته محتاج ناس متخصصة اذا كانت مواضيع تفاعلية

بمعني ان استاذ هيطرح دروس ويدخل في مناقشات مع الاعضاء

لكن اذا كانت عبارة عن اسطوانات او دروس او كتب للتحميل او محاضرات فدي مش محتاجة اخذ ورد اللي محتاج درس او محاضرة او اسطوانة بيحملها وخلاص

واقترح ان يكون علي قسمين واحد للمدارس والتاني للجامعات
الاول يكون لتحميل كتب مدرسية واسطوانات ودروس لكل الصفوف
والثاني يكون تفاعلي يقسم الي جامعات جامعة القاهرة جامعة عين شمس ويكون هدفة تجميع الطلبة اللي موجودين في المنتدي
وممكن نكتفي بالقسم الاول كتجربة
ودة بيحقق عدد زوار لا تتخيلة ولو اتربط شرط التحميل مع التسجيل هتلاقي اعضاء جدد كتير جدا ولو اني محبذ الفكرة يكفي لرفع المنتدي زيادة عدد زوارة

[۩۩ elMagic ۩۩]

اقتباس المشاركة الأصلية كتبت بواسطة العندليب الاسـمر الحقيقة انا مختلف شوية مع اخي الماجيك انته محتاج ناس متخصصة اذا كانت مواضيع تفاعلية بمعني ان استاذ هيطرح دروس ويدخل في مناقشات مع الاعضاء لكن اذا كانت عبارة عن اسطوانات او دروس او كتب للتحميل او محاضرات فدي مش محتاجة اخذ ورد اللي محتاج درس او محاضرة او اسطوانة بيحملها وخلاص واقترح ان يكون علي قسمين واحد للمدارس والتاني للجامعات الاول يكون لتحميل كتب مدرسية واسطوانات ودروس لكل الصفوف والثاني يكون تفاعلي يقسم الي جامعات جامعة القاهرة جامعة عين شمس ويكون هدفة تجميع الطلبة اللي موجودين في المنتدي وممكن نكتفي بالقسم الاول كتجربة ودة بيحقق عدد زوار لا تتخيلة ولو اتربط شرط التحميل مع التسجيل هتلاقي اعضاء جدد كتير جدا ولو اني محبذ الفكرة يكفي لرفع المنتدي زيادة عدد زوارة

مش شرط المتخصص دا يكون مدرس او مُعلم ينزل دروس وكتب ومراجع
لكن انت هتبقى محتاج اشخاص هاويه المجال بحيث تقدر تبحث كويس
وتجيب المواضيع اللى هتفيد الاعضاء
لكن لو معاك شخص غير هاوي للمجال وبينزل مواضيع منقوله
مجرد كوبي وبست من غير ما يبص فيها
هينزل مواضيع منقوله بروابط مش شغاله ومتفيرسه
وكده انت هتضر المستخدم والموقع
عموما هي بردوا فكره موضع دراسه مستقبلاً
فا ربنا يقدم اللى فيه خير ..

[محمود أبوزيد]

اختي الفاضلة
رائع طرحك ولكن بالفعل كما ذكر اخي الماجيك
هذا يحتاج الي متخصصيتن لتكن الافادة وليس
كلمات تنسخ فقط ولكن سيدتي الفاضلة اذا
اردتي مسرحيات مدرسية واسكتشات وكذا
مقدمات للاذاعة المدرسية فانا تحت امرك
وهذا ما يمكنني تقديمه..تقبلي مروري ..

[აα∂ Ԑγεა]

فكرة جميلة يا هديل
اظن القسم هيلاقي نجاح كبير
سواء من الاعضاء او من الزوار
مؤيد كلامك

وبخصوص رأيي احمد مظنش انه محتاج فكرة تخصص
والكلام دا ابدا
دلوقت النت مليان شروحات سواء فيديوهات ولا كتابية
نقدر نخلي منتدانا فيه الداتا دي ونجمعها فيه
بحيث اللي بيبحث عنها ممكن يلاقيها عندنا ويدخل ( لما تتعدل الارشفة )
وف الحالة دي هيكون في زوار كتير

فليكن مثلا انا امبارح كنت بشوف شرح معين لدرس فرنساوي
لو كان في قسم ف المنتدي
كنت هجيب الفيديو فيه هنا كمان واعمل بيه موضوع
ولو حد بعدي بيدور سواء من الاعضاء هنا هيلاقيه او من الزوار ممكن يدخل
وهكذا

ف الفكرة قابلة للنجاح بسهولة
بالاخص انه اغلب اعضاء المنتدي هنا طلبة

[هديل الايام]

شكرا ليكم اصل انا لقيتني يصعب عليا اني ادور في المنتديات الثانية وكمان ده هيجيب للمنتدي زوار كتير وللقسم زوار كتير ومواضيع كتير يعني مفيد للاعضاء وللمنتدي مش صح برده؟؟؟
ولا ايه؟؟؟