عندك كام سنه ؟

[phalsteen]

اللحظات اللي بنعشها كتير
كتير اوي
مهو الانفاس كتير مبتتعدش
بس مش كل لحظه بنفتكرها ولا كل لحظه بتعتبر حياه

تعالي كدة نحسب لحظات عمرنا سوا ؟

عندك كام سنه ؟

سؤال بسيط بنسأله لبعض في بدايه تعارفنا

بس لو فكرنا بمبدأ تاني
هنلاقي الاجابه مش سهله زي ما احنا فاكرين

انا عايشه من سنين
ياتري عملت فيهم ايه
عايشه كدة وبس

طب بفكر امته السنين دي هتخلص ولا مبفكرش ؟

الافضل اننا نفكر دايما في النهاية عشان نراعي ربنا في البدايه
بس اغلبنا الدنيا واخده
خايف يفكر
بس ياتري ليه خايف ؟
عارف ان النهاية صعبه وان غلطاته كبيره
ولا بيحب الدنيا اوي
ومش مصدق انها هتنتهي في لحظه

بيفكر امته هيبكر
هيدخل جامعه ايه
هتتجوز مين
وشكله ايه
ومعاه كام
والاطفال
وهروح فين
وهجيب ايه
وهيبقي معايا كام

طب وماله
مش حرام

بس معاك كام عمل
هتقابل بيه ربنا ؟

حوشت كام حسنه
الخير فيك اد ايه

ظلمت كام انسان
اساءت لكام واحد
كام واحد بيحبك
وكام واحد بيكرهك

حاولت تصلح من نفسك ؟

جيت علي نفسك كام مرة
وقولت وخيركم من يبدأ بالسلام ؟

عملت بكلام رسولنا :

وحاسبت نفسك قبل ما تتحاسب

اتعودت متصليش
بس عارف انك مقصر وانك غلطان
طب كويس

اه كويس اوي

بدال عارف وندمان
يبقي منيش عاصي
وربنا هيغفرلي
الحق نفسي بئه واعمل حاجة

اغير عادتي
واحدة واحدة هرتاح وانا بسجد
وهعود نفسي

مش هو دا جهاد النفس اللي ربنا قال عليه

العمر بيعدي

وياتري فات من عمري كام
وباقي كام

واللي جاي انا لوحدي اللي اقدر اغيره صح ولا ايه ؟

مش مطلوب مني اكون شيطان
ولا حتي ملاك ؟

اصل ربنا قال :

ولقد كرمنا بني آدم

يعني لو بس التزمت وجهادت نفسي
ممكن ارجع احب نفسي تاني
مخفش من الموت ولا من سيرته
اقول عمري بدون خوف
وافرح بكل لحظه فيه


اخيرا /

عندك كام سنه ؟

[شاعر الحب الحزين]

مش عارف

لو هنحسبها سنين عمرنا زي ما حسبتيها يا سما

يبقى انا لسه ما اتولدتش

الإنسان اللي جوايا عنده 25 سنة عشتهم ازاي معرفش

عدوا إزاي مش عارف عملت إيه معرفش

محتاج اعيش ف دنيا تستحق الحياة عشان اعرف العمر بيروح مني فين

محتاج اراجع نفسي واعرف هي رايحة وواخداني معاها على فين

لو ع السنين عشنا قد ما عشنا بس عشنا كل سنة للسنة اللي بعدها

عشنا كل يوم لليوم اللي بعده ما عملناش حاجة صح وف نفس الوقت ما عملناش

حساب للموت ربنا يهدينا ويصلح حالنا جميعا

موضوع جميل سما بشكرك عليه وعلى انسانيتك

يدوم المجهود الجميل يا سما

احترامي وتقديري

[ساحر الأحزان]

الانسان عمرة الفعلى الى عاشة بيعدى

وبيتحسب

المهم هو عمل اية فى حياتة

وياترى الحاجات الحلوة الى عملها اكتر ولا السيئة

الى حيحاسب عليها

[SaMa.]

زى مقولتى عمرك يتقاس بالل عملتو فيه وتتحاسب ع كل حاجه
كمان فيه يعيشو كتير ولا ليهم اى اثر
وتلاقى الل مات صغير بس لسه الناس بتسفيد م الل عملو
ممتاز موضوعك

[phalsteen]

اقتباس المشاركة الأصلية كتبت بواسطة شاعر الحب الحزين مش عارف لو هنحسبها سنين عمرنا زي ما حسبتيها يا سما يبقى انا لسه ما اتولدتش الإنسان اللي جوايا عنده 25 سنة عشتهم ازاي معرفش عدوا إزاي مش عارف عملت إيه معرفش محتاج اعيش ف دنيا تستحق الحياة عشان اعرف العمر بيروح مني فين محتاج اراجع نفسي واعرف هي رايحة وواخداني معاها على فين لو ع السنين عشنا قد ما عشنا بس عشنا كل سنة للسنة اللي بعدها عشنا كل يوم لليوم اللي بعده ما عملناش حاجة صح وف نفس الوقت ما عملناش حساب للموت ربنا يهدينا ويصلح حالنا جميعا موضوع جميل سما بشكرك عليه وعلى انسانيتك يدوم المجهود الجميل يا سما احترامي وتقديري

احسبها صح
هتلاقي نفسك غلطان
في نظرة حلوة من اطفالك بالعمر كله
ربنا يسعدك يارب

[phalsteen]

اقتباس المشاركة الأصلية كتبت بواسطة sama. زى مقولتى عمرك يتقاس بالل عملتو فيه وتتحاسب ع كل حاجه كمان فيه يعيشو كتير ولا ليهم اى اثر وتلاقى الل مات صغير بس لسه الناس بتسفيد م الل عملو ممتاز موضوعك

عندك حق
المفروض العمر ميضعش كدة هدر
نورتي سماسيمو

[phalsteen]

اقتباس المشاركة الأصلية كتبت بواسطة ساحر الأحزان الانسان عمرة الفعلى الى عاشة بيعدى وبيتحسب المهم هو عمل اية فى حياتة وياترى الحاجات الحلوة الى عملها اكتر ولا السيئة الى حيحاسب عليها

المهم انه يعمل
حتي لو متأخر
بس ميوقفش حياته

[انا جيجي]

بصضراحة لو فيه اكتر من5نجوووووم كنت حطتهم

عارفة انا بحسب عمرى مش بالسنين لا بحسبه بعدد الحظات الحلوة الى مرت عليا

بوقت ما فرحت طفل ساعادت حد محتاج

يااااااااااااااااااااااااااه بحس ان عمرى 3سنسن اما بقعد مع طفل من الاطفال عندى فى الشغل

موضوع روعة

[phalsteen]

تسلمي يارب
عندك حق الاطفال دول عشق
عقبال اطفالك بئه

[مُنـــــايا]

العمر بيتقاس بالعمل الصالح ...... والسيره الطيبه

اللي هتفضل من بعدك .....متطلبات الحياه كتيره آه ومن حقك تستمتع بيها

بس ياتري هتستمتع بيها ازاي ..........

الحياه في القرب من ربنا سبحانه وتعالي والالتزام بأوامره ونواهييه

ساعتها هتعيش وتحس لحظه كل ثانيه من عمرك

موضوع جميل حبيبتي
يدوم التميز
لروحك السعاده