ارجعى يامنه

[Stop Ana Eltop]

السلام عليكم ورحمة الله وبركااته
ازيكم عاملين ايه ان شاء الله تماام


دايما فى عالم النت بيقولك انه المكان مش بيقف على الى فيه
لان هو مكان بيفضل ثابت والناس اهى بتروح وتيجى
وفعلاا المبدأ دا صح


يعنى مثلاا جرب ماتدخلش لفتره بتلاقى انه غيابك مش مؤثر اصلاا
انت مشيت غيرك الف بيجى ويروح كل يوم ويوم

بس فيه ناس بتأثر فى القلب والروح كدا
بيبقى حبك للمكان من البدايه بسبب وجودهم

موضوع ولايك وتقييم ورساله
ضحكه وهزار وجد وحذف وعقاب
وسام ونجوم واحلى تعليق

يمكن دول الى بيربطوا مابينا ع المنتدى هنا ومن ورا الشاشه بس بيتكون من خلالها مشاعر جمييله


دمعه حائره سابت المنتدى من فتره لظروف سفر وظروف طارئه عليها
كلنا زعلنا من قرارها دا وكنا بنتمنى انها ترجع فيه بس هى مارجعتش

يمكن من وقتها الحال رجع اووى لورا مع كامل احترامى للى موجودين
بس المشكله انه الاساس لما يختل طبيعى يحصل حاجات تانيه


انا بطلب من منه انها ترجع
بس مش بس ترجع المنتدى لاء ترجع الاداره

خليها خطوة حب من ناحيتى للمنتدى
نفسى يرجع زى زمااان
نفسى منه ترجع

نفسى (بنــات مصــر ) يرجع

زى ما اتعمل حمله للبيج بوص قبل كدا عشان يرجع

انا دلوقتى بطلب من منه وبطالب الاداره

بعودة منه

بس خلص الكلاام

فى اماان الله

[phalsteen]

منه راجعه
زي ما قالت
دي ركن من اركان المنتدي
وكلنا بنحبها
وهيا عارفه كدة

تسلمي هبه

[.Lamar]

دعوتك واضح انها من القلب
حلو الانسان يكون مخلص لناس جمعهم معاه لحظات و اوقات متتنسيش
اتمنى يرجع كل الغايبين
شكرا يا صاحبة القلب الجميل

[مُنـــــايا]

منه ركن أساسي من أركان المنتدي
وأكيد مكانها محفوظ وبإنتظارها بأي وقت
يارب ترجع تنور مكانها تاني ......
وراح تكون حقيقي فرحه كبيره لينا رجوعها ده
لإن بجد المكان والأعضاء مفتقدنها .....

لفته جميه منك حبيبه قلبي
لروحك السعاده

[ابو نصير]

اجمل شىء فى الدنيا الشعور الصادق
وعندما يتواجد الشعو والإحساس الصادق فى عالم الدنيا وعالم المنتدى فتستقر النفوس
ومأجمل تلك الروح العاليه والغاليه المتواجده فى عالم النفوس وعالمنا
تقبلى مرورى سيدتى
ولكى كل الاحترام والتقدير على تلك المشاعر الجياشه
ابو نصير

[محمود الصاروخ]

موضوعك جميل جدا جدا
ومنه من الناس اللى بنحبها كلنا
ومينفعش اننا نسيبها تمشى بسهوله كده
لان عدم وجوده بيأثر جامد

بس فى فرق فى حاجه
انتى لما عملتى الموضوع ده كان من قلبك ودى اجمل حاجه عجبتنى بجد
انما حملة البيج بوص او حملات البيج بوص اللى بتتعمل بتكون انه
بيدخل يطلب من ناس انهم يعملو له بس موضوعك يختلف طبعا
لانه من القلب

انا بضم صوتى لصوتك
وبطالب برجوع منه
ف أقرب وقت

تسلمى ع الموضوع الجميل بجد

[ساحر الأحزان]

ربنا يرجعها بالسلامة

وتنور مكانها


وشكرا للفتك يا هبة

[۩۩ elMagic ۩۩]

اكييد منون كلنا بنقدرها وبنحبها
ان شاء الله ترجع تنور مكانها من جديد

[شموع الروح]

ان شاء الله راجعه

[აα∂ Ԑγεა]

منه من الناس اللي اسهمت كتير في المنتدي
وبساطة جزء فعلا منه
والكل هنا بيقدرها وبيعزها وعارف مكانتها كويس

حاجة تزعل فعلا انها مش متواجدة معانا
اتمني انها ترجع من جديد