ازاي نعاقب اهالينا

[™Amiliya]

مساء الخير ع حياتكم واوقاتكم

بداية الحياة اليومية شمس ونهايتها شمس بتغيب وبين نور الشمس والظلمة قسوة وحنية

من حد عليك
قسوة بكلمة او بفعل

القسوة لما تكون من غريب بتهون عليك حتى لو اثرت فيك

لكن لما تكون من حد قريب بتعلم جواك اوي وتوجعك ومستحيل مهما سامحت ومهما فتحت صفحة جديدة معاه

خاصة لو كان الحد دا اهلك


تعمل ايه؟
تتخلص ازاي من كمية الوجع الي جواك من ممارسة القهر والغصب عليك؟

ازاي تقدر تعاقب اهلك لما يغصبوك ع جوازة انت مش عايزها ويخيروك بين فلان من الناس وبينهم؟

ازاي تعاقبهم في غصبك ع دراسة انت مش عايزها وتتفرض عليك فرض؟

ازاي تعاقب اهلك وهما بيمارسو عليك الضغط في اهم امور حياتك؟



ياترى هو ينفع نعاقب اهالينا ؟ على تصرفاتهم في حقنا؟

سؤال نفسي اﻻقي ليه اجابة

/

تحياتي ليكم

[شموع الروح]

كتير سئلت نفسي السؤال دا
وهتجنن بسبب للي بيحصل
بس مره سئلته
والاجابه كانت اننا ملكهم ومن حقهم يتحكموا فينا
وحقهم علينا اننا نطيع بدون نقاش
عشان حقهم واننا ملكهم
وانهم بيفكروا عننا
وعارفين مصلحتنا اكتر
واسباب ومبررات كتيره

تسلمى يا ايمى ع التوبيك
تحياتى

[جالس لحالي]

اهالينا , سبب وجودنا فى الحياهـ

خوفهم الزيادة علينا ... للاسف اوقات بيتحول للضرر لينا ولحياتنا

مش هنعرف نعاقبهم لان رب الكون حاميهم وموصينا كمان عليهم

" وبالوالدين احسانا "

[اميره الشعر الشجين]

اوقلك ايه بس انا لوقلت ليكى انا دخلت كليه الطب غصب عنى وبرضو مدبسه فى جوازه نتيجه وصيه!!! مش هتصدقى

بس الحمد لله ياعلم الخير فين واستحاله انى اعاقبهم لانى عمرى مهقدر ارد تمن الاعملوه ليا من وانا لسه معرفش حاجه لحد ما كبرت استحاله انى بقى اكون مش كويسه معاهم بس لو والدى عايش كان ممكن يكون فيه فرق

موضوع جميل زيك يا ايمى يدوم التميز ياقمر

[.Lamar]

شوفى ايميليا هو فعلا فيه اهالى بتتحكم فى كل تصرفات اولادهم و بتحاول تخطط ليهم مستقبلهم من وجهة نظر
ان خبرتهم اكبر فى الحياة و عارفين الصح اكتر منهم
مهما بنكبر بنفضل فى نظرهم زى ما شافونا اول مرة
و مش بيقتنعوا اننا بنكبر و يمكن لينا فكر و توجهات مختلفة عنهم
و لتحكم الاهل درجات
هنتفق انها من باب الحب و الحرص
بنحاول نقنعهم على قد ما نقدر عشان نكسب رضاهم
بس فيه حاجات مينفعش الفرض فيها بس لازم نعقل اسبابهم برضو و نكون فكرنا صح و بطريقة منطقية
زى الجواز انا اللى هعيش مش هما
الدراسة انا اللى عارفة بحب ايه و هنجح فى ايه
و كله بالمعقول و بالمناقشة ممكن نوصل لنتايج مهمة


شكرا ايمليا و موضوعك حلو كتير

[Words Whisper]

حياتي ليا أنا
وأنا اللي هتحمل نتائجها و عقباتها
يبئا مش المفروض أسمح لحد يجبرني عليها أصلا
سواء قراراتي بئا صح أو غلط فعلى الأقل اللي هيحصل نتيجة قراري
مش نتيجة انسياقي لحد
مش من حق حد يجبرني ومش مهم ان كان دا يعجبه أو لاء لأن حياتي قراراتي ..




تسلمي ياحلوة ..

[™Amiliya]

اقتباس المشاركة الأصلية كتبت بواسطة شموع الروح كتير سئلت نفسي السؤال دا وهتجنن بسبب للي بيحصل بس مره سئلته والاجابه كانت اننا ملكهم ومن حقهم يتحكموا فينا وحقهم علينا اننا نطيع بدون نقاش عشان حقهم واننا ملكهم وانهم بيفكروا عننا وعارفين مصلحتنا اكتر واسباب ومبررات كتيره تسلمى يا ايمى ع التوبيك تحياتى

كلمة ملكهم دي كبيرة اوي ازاي بني ادم ملك بني ادم تاني
اهالينا عليهم شوية افكار غجيبة

نورتيني حببتي

[™Amiliya]

اقتباس المشاركة الأصلية كتبت بواسطة جالس لحالي اهالينا , سبب وجودنا فى الحياهـ خوفهم الزيادة علينا ... للاسف اوقات بيتحول للضرر لينا ولحياتنا مش هنعرف نعاقبهم لان رب الكون حاميهم وموصينا كمان عليهم " وبالوالدين احسانا "

اممم لا اختلاف في الاية الكريمة ولا ان عقبنا ليهم يعني اننا ممكن نقلل من احترامهم او كدا
ممكن جدا اعاقبهم اني ازعل واعزل نفسي مثلا واغضب ع اكل او اني مش اروح الكلية مثلا او اسقط عنوة وهكذا

احترامهم لا اختلاف عليه ياجالس وليهم كل التقدير اكيد

نورتني بطيب ردك

[™Amiliya]

اقتباس المشاركة الأصلية كتبت بواسطة اميره الشعر الشجين اوقلك ايه بس انا لوقلت ليكى انا دخلت كليه الطب غصب عنى وبرضو مدبسه فى جوازه نتيجه وصيه!!! مش هتصدقى بس الحمد لله ياعلم الخير فين واستحاله انى اعاقبهم لانى عمرى مهقدر ارد تمن الاعملوه ليا من وانا لسه معرفش حاجه لحد ما كبرت استحاله انى بقى اكون مش كويسه معاهم بس لو والدى عايش كان ممكن يكون فيه فرق موضوع جميل زيك يا ايمى يدوم التميز ياقمر

فعلا مممكن جا يكون اختيارتهم خير لينا وممكن تكون وجهة نظرهم في الحاجات الخاصة بحياتنا صحيحة
لا مفر من خبرتهم ورايهم لكن الفرض الغير قابل للنقاش هو الي فعلا مضر لتكوينا النفسي والاجتماعي فيما بعض

نورتيني ياعسل

[™Amiliya]

اقتباس المشاركة الأصلية كتبت بواسطة لمار* شوفى ايميليا هو فعلا فيه اهالى بتتحكم فى كل تصرفات اولادهم و بتحاول تخطط ليهم مستقبلهم من وجهة نظر ان خبرتهم اكبر فى الحياة و عارفين الصح اكتر منهم مهما بنكبر بنفضل فى نظرهم زى ما شافونا اول مرة و مش بيقتنعوا اننا بنكبر و يمكن لينا فكر و توجهات مختلفة عنهم و لتحكم الاهل درجات هنتفق انها من باب الحب و الحرص بنحاول نقنعهم على قد ما نقدر عشان نكسب رضاهم بس فيه حاجات مينفعش الفرض فيها بس لازم نعقل اسبابهم برضو و نكون فكرنا صح و بطريقة منطقية زى الجواز انا اللى هعيش مش هما الدراسة انا اللى عارفة بحب ايه و هنجح فى ايه و كله بالمعقول و بالمناقشة ممكن نوصل لنتايج مهمة شكرا ايمليا و موضوعك حلو كتير

المشكلة ان في بعض الاهالي اقتناعهم بان ليكي حق الاختيار مش موجود
وانهم ادرى بمصلحتك

نورتيني ياجميلة