وأخيـراً اخويـا وجد نصـفهـ التانى :)

[رآقيہ بأخلاقـى]

السلام عليكم ورحمة الله وبركاته
..........




يقول الله عز وجل فى كتابه العزيز
" وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا
وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لآيَاتٍ لِّقَوْمٍ يَتَفَكَّرُون " [الروم: 21]
صدق رب العزه

اكيد الكل متفق معايا ان مفيش اجمل ولا احلى من الاستقرار

ولا فى اجمل من ان الواحد يلاقى نصفه التانى بعد طول انتظار

وبصراحه اخويا انتظر كتير لان كان ليها موصفات معقدة حبتين

فى شريكته حياته بس الحمد لله بعد بحث وفحص وتمحيص

اخيراً اتكعبل فى نصفه التانى وامبارح كانت الخطوبه وكان يوم جميل

كنا مشتاقيين للفرح من قبل ما والد الله يرحمه ما يتوفى واحنا مكناش شايفين فرح

لحد ما قرر اخويا الزواج بعد ما تعبنا وتعب قلوبنا من الكلام معاه

والاقناع فيه انه يستقر ويفكر فى موضوع الزواج

والحمد لله الزن على الودان جاب نتيجة كويسه وكله علشان مصلحته

بيقولوا الزن على الودان امر من السحر

وسحرنا طلع نتيجه كويسه واكتشفنا اننا بنعرف نسحر

المهم بقى الف مبروووك لاخويا حبيبى على الخطوبه

وعقبال اخويا التانى يااااااااااارب

ويارب عقبال كل الحبايب

اللى لسه بيدور على شريك حياته

بتمنى انه يلاقيه وربنا يجمع بينهم فى الخير آمـــين

عقبال عندكم يا حبايب




عقبالى

[۩۩ elMagic ۩۩]

الله يسهله ي عم
وبعدين هو فيه حد يبقى معاه اخت بالجمال داهون ويفكر يستقر
بس هو قالك يستقر علشان يكمل نص دينه بس
ربنا يتمم على خير بإذن الله وعقبال كل الحبايب وعقبالك بقآ

[phalsteen]

يا خراشي يا خراشي
ومالها العزوبيه يختي
كدة هان عليكوا اخوكي
ههههههههههه
مليون مبروك بئه
وان شاء الله تكون الزوجه الصالحه
وربنا يبارك فيهم
ويرزقهم بالذرية الصالحه
وعقبالك بئه
ما تتكعبلي في ابن الحلال
ونفرح فيكي
يووووووه
قصدي بيكي
^_^

[توحد ارواح]

ربنا يتمم عليه بالخير يارب
اللهم بارك لهما وبارك عليهما واجمع بينهما فى خير
عقبالك نور

[دفاتر القمر]

ربنا يتممله بخير
والف مبروك لاخوكي يا راقيه

[Stop Ana Eltop]

الف مبرووك ليه يااارب

وعقبالنا كلنا بقن

[رآقيہ بأخلاقـى]

اقتباس المشاركة الأصلية كتبت بواسطة ۩۩ elmagic ۩۩ الله يسهله ي عم وبعدين هو فيه حد يبقى معاه اخت بالجمال داهون ويفكر يستقر بس هو قالك يستقر علشان يكمل نص دينه بس ربنا يتمم على خير بإذن الله وعقبال كل الحبايب وعقبالك بقآ

اعتبر ده غزل يا أحمد
ههههههههههههه انت حر لو انا اعتبرته غزل هتلاقى نفسك مدبس فيا
ويبقى ماشى عليك المثل اللى بيقول من همه ياخد واحده قد امه

عقبالك يا معلم لما تتكعبل فى نصفك التانى
وتتدبس بقى وتكمل انت كمان نص دينك
ربنا يخليك يا أحمد وعقبالك ياارب

[™Amiliya]

مبروك ﻻخوكي وعقبالك يارب

[رآقيہ بأخلاقـى]

اقتباس المشاركة الأصلية كتبت بواسطة nefertiti يا خراشي يا خراشي ومالها العزوبيه يختي كدة هان عليكوا اخوكي ههههههههههه مليون مبروك بئه وان شاء الله تكون الزوجه الصالحه وربنا يبارك فيهم ويرزقهم بالذرية الصالحه وعقبالك بئه ما تتكعبلي في ابن الحلال ونفرح فيكي يووووووه قصدي بيكي ^_^

ههههههههههههههه
اسكتى يا سمسمه ده احنا ما صدقنا ان ربنا فك نحسه
وان مخه المتربس فك شوية
هو احنا بنقدمه كبش فداء ولا ايه يا سما
ال هان عليكوا اخوكوا ال
ايوة هان خليه يتجوز بقى ويتهنى علشان تعب قاسى كتير
اللهمـ آمين يارب يسمع منك ربنا يارب سمسمه
وعقبال ما تشوفينى انا وحمنى فى الكوشه يارب

[رآقيہ بأخلاقـى]

اقتباس المشاركة الأصلية كتبت بواسطة توحد ارواح ربنا يتمم عليه بالخير يارب اللهم بارك لهما وبارك عليهما واجمع بينهما فى خير عقبالك نور

اللهمـ آمين يارب العالمين
تسلميلى ندى وعقبالك حبيبتى
ميرسى يا قلبى