انا مش محترمة ..

[♥SaRa]

السلام عليكم ورحمة الله وبركاتة انا أعرف ان الوآحد لما بيعمل حاجة غلط بيكون مكسوف او مضايق من نفسة او يحاول انة يداري عن الي حوالية لكن كل دهـ حالياً بخخخخ مبقاش موجود يعني الي بجد بستغرب منة ان تكون البنت ماشية وفرحانة ومبسوطة انها ماشية مع شباب وانها خرجت معاهم وانها بتكلم كذهـ وكذهـ وكذهـ !! طب دهـ بدل ما تكون خجلانة من نفسها بتتباها ! دهـ مثال بسيط يعني من ضمن حاجات كتير بتحصل وهذكر مثال تاني وهو حصل معايا بالفعل أضطرني اني انزل التوبيكـ دهـ احنا واقفين فـ الطابور وكانت تحية العلم ومش عارفة اية فـ البنت الي واقفة جنبي عمالة تضحـ وتتكلم فـ تالميس بتقول لها انتِ ي محترمة بصي قدامكـ بدل ما اهزئكـ ..ورد البنت كان غريب هي اهـ الميس مش سمعت بس هي كانت بتكلم البنات الي معاها راحة ترد تقول : اية دهـ هو انا محترمة اتصدقوا ي بنات مكنتش اعرف وقعدت تضحك !! بجد ردها كان مستفز وكنت مضايقة جداً لغاية ما طلعت الفصل لية وصلنا لدرجة اننا بنطلق عـ نفسنا مش محترمين وبنتباهي بالكلمة دي مبقتش تأثر فينا وتزعلنا ان حد يقول لينا مش محترمة بقينا نفتخر بفسادنا لية ؟ أية السبب يعني ؟ لفت انتباهـ ولا لا مبالاهـ ولا اية بالضبط؟ مبقتش قادرهـ افهم الناس دي مستحملة نفسها ازاي !.

[world]

زمان كنت الاقي البنت لما المدرس يقولها احترمي الفصل ال انت فيه او احترمي نفسك
ترجع تقفل عليها اوضتها وتقعد تعيط
لاحساسها ان الكلمه دي معناها انها مشم حترمه
انا ياما اتكلمت ف الموضوع ده وان فعلا كل شي بققي متشقلوب بسواضح ان الموضوع بيزيد واصبح ملوش حل

[رنا هشام]

آستغفر الله العظيم
آحنآ وصلنآ ل زمن بقينآ بتنبآهي فيةة بآلمعآصي
فعلا دي حقيقةة والله ..
من كثرة الفتن
الآ من رحم ربي ..
مفيش ف آيدينآ حآجه نعملهآ بس نقول
ربنآ يهدي

[♥SaRa]

اقتباس المشاركة الأصلية كتبت بواسطة world زمان كنت الاقي البنت لما المدرس يقولها احترمي الفصل ال انت فيه او احترمي نفسك ترجع تقفل عليها اوضتها وتقعد تعيط لاحساسها ان الكلمه دي معناها انها مشم حترمه انا ياما اتكلمت ف الموضوع ده وان فعلا كل شي بققي متشقلوب بسواضح ان الموضوع بيزيد واصبح ملوش حل

اهـ فعلاً مش عارفة اية الي حصل دهـ
اية الجموووود الي فينا دهـ
دهـ بيزيد بغباء كمان وبقينا نشوف امثلة
ككثير فـ حياتنا اليومية .
نورتِ

[♥SaRa]

اقتباس المشاركة الأصلية كتبت بواسطة رنا هشام آستغفر الله العظيم آحنآ وصلنآ ل زمن بقينآ بتنبآهي فيةة بآلمعآصي فعلا دي حقيقةة والله .. من كثرة الفتن الآ من رحم ربي .. مفيش ف آيدينآ حآجه نعملهآ بس نقول ربنآ يهدي

اها عندكـ حق للأسف
اكيد مش الكل
ربنا يهديهم ي رب
نورتِ بقي .

[Lamees]

التعود يا سارة على أنها تشوف الفساد حواليها وتعمله
خلاها فقدت الأحترام لذاتها وأعترفت فعلاً أنها مش محترمة
ربنا يسترها عليكم حبيباتي

[العندليب الاسـمر]

يمكن تغير البيئات الحاضنة للشباب

هو ما غير فكرهم وتخلاقهم وخجلهم

لكن في النهاية يبقي المنزل هو الانعكاس الحقيقي

لما يصدر عن الشخص

موضوع مهم سارة تسلم ايدك

[აα∂ Ԑγεა]

وتلاقي البنت مبسوطة انها بتعرف دا ودا ودا وشايفه نفسها بكدة
وتلاقي البنت بتبسط وتنشر في الفيس انها in a relationship
بدال ما تتكسف علي دمها
وتلاقيها مبسوطة بلبسها الملفت والقصير والضيق وشايفاه جمال


سيدنا محمد عليه افضل الصلاة والسلام قال
"إن لكل دين خُلقًا، وخُلُقُ الإسلام الحياء"وكذلك
إذا لم تستحِ فاصنع ما شئت".


للاسف فقدوا حيائهم تماما
وكمان البنت اللي ذكرتيها مهياش حالة شاذة عن المجتمع

لانه حاليا في منها كتير جدا
ربنا يهدي

[SaMa.]

موش عارفه عندها كام سنه بس شكلها صغيره وموش عاقله
وعاوزة حد يتابعها ويهتم بتربيتها ربنا يهديها

[شظايا عمر]

في موضوع زي ده
البنت طبعا بتكون غلطانه وغلط كبير
وممكن متكنش حاسه انها بتغلط اصلا
لكن برغم انها بتغلط
الا اني مش قادره ابص لغلطها ده
لانها في الاول وفي الاخر دي في مرحلة مراهقة
والمرحله دي بتختلف من واحده لواحده
يا بتنعدم عند البعض يا بتوصل لاخرها عند البعض
لدرجة انها تفقدهم عقولهم
لكن الاساس في الموضوع الاسره
عشان نحاسب البنت دي
لازم نسال الاول
ايه اللي خلاها تكلم شاب
وكمان تفتخر بده
ومن نبص لتربيتها وطريقة كلامها
نسال مين المسؤل عن التربية دي
وغالبا السبب هيكون راجع للاسره
البنت بيكون عليها مسؤلية طبعا
بس الاسره هي الاساس
ولو الاساس غلط يبقي حرام علينا اننا نظلم البنات دي
وبالعكس احنا لو فضلنا نذكر عيوبهم هيزيدوا فيها
من كنت في مدرسه واشوف بنت زي دي
كنت بزعل عليها مش منها
فمش هيبقي احنا من ناحية
واسرهم المهمله من ناحية
افيد حاجه ليهم الدعوه بان ربنا يهديهم
عل وعسي ربنا يبدل احوالهم للاحسن بدعانا ...