حلقه جديده من ( اجمد عضو ) معنا ( انجى_1 )

[morshooo]

بسم الله الرحمن الرحيم

اهلا بيكم

وحلقه جديدة من برنامجكم

( اجمد عضو )




حلقه النهاردة اكيد حلقه مميزة

لان هنشوف بعديها حظر للضيفه ودا كلنا بنتمناه اكيد

ضيفه حلقه النهاردة فتحت قلبها واكلمت

وكان ليها وجهة نظر اكيد تحترم

ضيفه الحلقه المتالقه /

انجى_1



تعالو نشوف ياترى قالت ايه


س / فى البدايه اهلا بيكى فى اجمد عضو ؟

اهلا بيك يا احمد

س / فى الاول كدا ايه رئيك فى المنتدى الفترة الحاليه ؟

المنتدى الفترة الحالية نايم ومش زي الاول ومش زي ما عهدناه

س / ايه الاختلاف الى شايفاه دلوقتى عن بدايه تسجيلك ؟

انا هكلم بصراحة

من الاول لما جابوني العيال المنتدى معاهم

- محمود ( ساد اي ) ومحمد عادل وبيبو -

بعد ما منتدانا اتقفل - وانا كت المديرة فيه على فكرة -

محبتش المكان بس حاولت اتاقلم فيه

القوانين اللي ماشية بيها المنتدى ده مش كانت رايقة لي

ولسة رايي فيه متغيرش

اشتغلت فيه على قد ما اقدر

وطلب مني الاشراف على حواء ووافقت مع اني كت اتمنى اكون مشرفة

ف النقاش انا ف المنتدى من 2012

يعني انا ف المنتدى من مدة طويلة والكل عارف اني متواجدة بشكل يومي

ومش متواجدة بس

بشتغل على قد ما اقدر ومنتشرة ف كل الاقسام بس مش بخطي

فيه اي خطوة

السنة اللي جات تلاقيني زي ما انا

دش حاجة روتينية وحسيت اني مش مرغوب فيا

مفيش اي اختلاف حصل بس انا ديما كت بقول ليكي هنا صحاب بيحبوكي

افضلي عشانهم

بس كده




س / شايفك كدا الفترة الاخيرة بتدخلى المنتدى من غير نفس خير ؟

لا مفيش بس فترة بحاول اقعد ورى واشوف الاحداث من بعيد

س / احداث ايه وبتشوفى ايه شكلك زعلانه ؟

يعني بتابع من بعيد

لا ابدا مش زعلانة

انا لو زعلانة مش هدخل المنتدى ده ثاني

س / انتى زعلانه انك ماترقتيش رغم انك متواجده ؟

ممكن

س / ماهو مفيش ممكن انتى زعلانه انك لسه مشرفه ؟
او بمعنى اصح شايفا ان فى حد اترقى مايستحقش ؟

انا مشرفة من زمان اوي ومش بتقدم اي خطوة لقدام

ناشفة عالاخر

بص امورشو بلاش تخليني اكلم عن حد

انا بكلم عن نفسي

س / ايه رئيك فى الترقيات الاخيرة عموما ؟

بالتوفيق للناس اللي اترقت

مادام هم - الادارة - شايفين ان الناس دي ف المكان المناسب يبقا اوك

احنا مش هنعرف احسن من الادارة




س / شايفا ان المنتدى مستمر او هيفضل منتدى مجاملات فقط ؟
خاصه بعد الترقيات الاخيرة ؟

هو بجد منتدى مجاملات

معرفش بقا هيفضل كده ولا هيتغير الله اعلم

مش مهم بالنسبة لي

انا عفوية وتلقائية وبحب اتصرف عادي من غير ما اجامل حد

ويمكن ده سبب وكستي السودة

س / طيب ووكستك السودة دى مالها بالمنتدى ؟ انتى شايفا ان قسمك ناجح والاعضاء
مقبله عليه ؟ عشان كدا زعلانه انك ماترقتيش ؟

منا موكوسة بقا

لو مكنتش كده كت اتقدمت زي خلق ربنا وبان عليا العز بقا زي الناس

هههههههههه

قسم حواء ناجح طبعا وعليه اقبال لا يستهان به

انا كت بكون متواجدة فيه بشكل يومي ومدياله كل وقتي

هو العيب اللي فيا انا اني مش بنظم مسابقات وكلام التنافس دون

بالتالي لا انفع اني اشرف على حواء

بس لو كت ف النقاش كت هنجح فيه جدا

س / ايه سبب تدخلك فى حظر ( نور ) وطلبتى انه يرجع ؟

عشان نور شخصية موجودة من زمان ف المنتدى وليه بصمته التي يحترم

عليها وانسان اعطى للمنتدى كثير

انا تدخلت بسبب ان الادارة والناس اللي زعلانة منه يسامحوه واننا مينفعش

نخسر البيج بوص

انا طلبت انه يرجع بس منجحتش اني اقنع الادارة ف موضوع رجوع نور




س / انتى عارفا كل الى حصل بالتفصيل والا بتدافعى لمجرد انه صديق ليكى ؟

عرفت كل حاجة وعرفت انه اعتذر وان صاحبة الشان سامحته

وانا دافعت عنه عشان هو بجد شخصية خسارة يخسرها المنتدى

وبرضه عشان صديق ليا

س / نور اكيد كان نشيط فى المنتدى ومدى روح كويسه ؟ تحبى تقولى ايه لادارة المنتدى
بخصوص موضوع نور ؟

نور كان نشيط بشكل اهبل

روحه حلوة اوي

والكل بيحبه

اقول للادارة بخصوص نور - انتو خسرته عضو جامد جدا -

س / مش شايفا ان بعد كلامك دا ممكن الادارة تتجاهلك الفتره الجايه ؟

عادي مش جديد يعني

منا كاني مش موجودة من زمان اوي

س / هنشوفك الفترة الجايه بنشاطك المعروف عنك ؟

بتعترف اني نشيطة اهه

مش عارفة حسب الظروف بقا

س / اخيرا والسؤال دا انا حابب انهى بيه الحوار ؟ لما الادارة بتتجاهلك ازاى مواثقت
فيكى انك تكونى مشرفه على قسمين ؟

قسمين مش ليهم دور كبير ف المنتدى اصلا

اقسام ثانوية كان لازمهم حد يحركهم وخلاص

حد يدب فيهم الحياة زي ما بنقوله

وحتى لو اشتغلو مش مهمين زي الاقسام الثانية

مثلا قسمك انت ف اليوميات والنقاش والفضفضة والخزعبلات والمدونات

وابداعات الاعضاء

هي دي الاقسام اللي بيعترف بيها المنتدى

س / تحبى تقولى ايه لاعضاء المنتدى ؟

والله والله بجد بحبكم بغض النظر عن رايي ف اللي بيحصل

بس كده

وبكدا بتخلص حلقه النهاردة

انتظرونى وحلقه جديدة من

اجمد عضو

[انا جيجي]

بجد حلقة مميزة يا انجى ولو جرالك حاجة هيكون من تحت راس احمد ربن يسترها عليكى

وبعدين احنا بندخل المنتدى او اى مكان تانى مش عشان ناخد لقب مشرف او غيره لا

عشان نتطمن ععلى بعض كاسرة واحدة ولا ايه

طب ما انا كنت فى منتدى تانى واترقيت بقيت مديرة المنتدى بس يا خسارة المنتدى وقع بسبب حب الاعضاء للالقاب وليس للمكان

وبجد اسئلتك مميزة وردودك تلقائية وعفوية

[۩۩ elMagic ۩۩]

لو اغلب الاقسام مهمشه فعلا زي ما بتقولي يا انجي
مكنش تم تزويد مهام بعض المراقبين لتنشيط الاقسام اللى نشاطها ضعيف
المناصب عموما امانه ومسؤلية
كل شخص له دور بيأديه انتي ممكن في اوقات نشاطك تكوني فعلا اتظلمتي
بس انتي وسط بشر مش ملايكه فا السهو وارد واكيد دا بيبقى غير مقصود
المهم انك تكوني راضيه عن شغلك وبتعملي كل شئ بحب لنفسك وللمكان اللى انتي فيه
وبعدين الترقيات والامور دي مبتخلصش وكل واحد بياخد حقه عاجل اجل
بالتوفيق ليكي بقآ في اقسامك
ولو عندك افكار في النقاش قدميها واحنا متابعين معاكي ان شاء الله .. منوره انجى

[™Amiliya]

منورة ياانجي اللقاء وان شاء الله كل الامور ترجع لاحسن

[الأميرة رودي]

اجابات جميله انجي
ومورشو مش نسى السؤال المعهود عن الترقيات والمجاملات
وكأن الناس اللى بتترقى كلها بيتم مجاملتها !!
مش شوفتك مره أيدت الترقيات ياراجل..
طب انا هتكلم عن نفسي
مفيش اى تواصل او علاقه صداقه بيني وبين حد من الاحمر
وكل التعامل من خلال الردود والموضوعات فقط
يبقى فين المجامله اللى هنا..
انا اعرف ان اللى بيتم مجاملته ده بيكون صديق وبيجاملوه
كمان فيه نقطه >>انت بتتجاهل نشاط وشغل الناس اللى اترقت بكلمه ( مجامله )

الحلقه قويه طبعا واجابات انجي كانت جميله وصريحه ومتزنه
وجودها ونشاطها وكمان أخلآقها لاخلاف عليه
اتمنى ترجع تتواجد بشكل مستمر تانى
لاننا بجد مفتقدين روحها الحلــوه

مشكــور ياعم الدبوس ع اللقاء المميز
يدوم النشاط

[morshooo]

اقتباس المشاركة الأصلية كتبت بواسطة الأميرة رودي اجابات جميله انجي ومورشو مش نسى السؤال المعهود عن الترقيات والمجاملات وكأن الناس اللى بتترقى كلها بيتم مجاملتها !! مش شوفتك مره أيدت الترقيات ياراجل.. طب انا هتكلم عن نفسي مفيش اى تواصل او علاقه صداقه بيني وبين حد من الاحمر وكل التعامل من خلال الردود والموضوعات فقط يبقى فين المجامله اللى هنا.. انا اعرف ان اللى بيتم مجاملته ده بيكون صديق وبيجاملوه كمان فيه نقطه >>انت بتتجاهل نشاط وشغل الناس اللى اترقت بكلمه ( مجامله ) الحلقه قويه طبعا واجابات انجي كانت جميله وصريحه ومتزنه وجودها ونشاطها وكمان أخلآقها لاخلاف عليه اتمنى ترجع تتواجد بشكل مستمر تانى لاننا بجد مفتقدين روحها الحلــوه مشكــور ياعم الدبوس ع اللقاء المميز يدوم النشاط

طيب بمناسبه الكلام دا
هرد انا عليكى وبوجهة نظرى
واهو عشان البس انا والغلبانه دى
الرمادى مع بعض :d
هرد على الكلام دا وهقول رئى فيه

[ساحر الأحزان]

فين يا حاجة أنجى المجاملة

كنتى هاتى ألى عندك وقولى أن أحنا جاملنا الناس دى وأنهم ما يستحقوا الترقيات؟

والأعضاء هى ألى تحكم ؟

لو التمييز للأقسام الى مهمشة بس على كلامك

ما كانت عاشقة الهدوء تميزت ولا أية حكاية أخدت تميز وبقت مراقبة عامة

أظهرى شغلك وبعدها يبقى أحكمى حاجة أنجى

لو حابة النقاش مفيش أى مانع ورينا نشاطك فية وتواجدك مش بالكلام بس أكون حاب القسم

وبخصوص نور

لو النشاط عندك والروح أهم من الأخلاق والأحترام فبخالفك فى الرأى

لأن الأحترام والأخلاق أهم من أى شىء

نورتى الحلقة مع مرشو

ومش تخافى مش ححظرك

حعلقك من شعرك وودانك بس

[MĺŔǾ]

حلقة جامدة مورشو وانا معاك ضد رودي في موضوع المجاملات دا ههههههه بهدي النفوس أنا..

[MĺŔǾ]

هههههههههههه يقطعك يا حاج ساحر هههههه موش انجي دي روووووووووودي هههههه

[اوتار الليل]

رائع ياكنج وماشاء الله عليك محاور ممتاز
والحلقة بجد أكتر من ممتازة
وبدون قسم ورغم انى لأول مرة أقترب من شخصية
الأخت / انجى ..
لكن فعلا إحترمتها جدااااا لتلقائيتها وصدقها
واضح ان بجانب روحها الجميلة فهى غير متلونه الطباع

وربما لغيابى فترة عن المنتدى وعودتى من ايام فقط
لذلك أول مرة اعرف بموضوع البج بوص وطبعا هذا شئ أحزننى
وسأحاول أن نفعل شئ حتى يعود معنا وبيننا مرة اخرى

تقديرى يا أجمل كنج لهذه الحلقة الرائعة
في انتظار جديدك