حلقه جديده من ( لـــــــــو ) مع ( هادية )

[morshooo]

بسم الله الرحمن الرحيم

مزاج الخير

اهلا بيكم وحلقه جديدة من

( لـــــــــــــــــو )



من الحاجات الى الواحد بيستغربلها

فينا كشعب مصر اننا مابنعرفش نقول

( معرفش )

يعنى انزل الشارع واسئل واحد وقوله عايز اروح

العنوان دا وتكون انتا فى ( القاهرة ) والعنوان فى ( الصعيد )

برضو هتلاقى الى بتسئله بيفتيلك وبيقولك اكنه ساكن

فى العنوان دا

( عجبى )



ضيفه حلقه النهاردة

عضوة متميزة وصاحبه قلم مميز

معانا المتميزة /

هادية





( لـــــــــــــــــو )

1 / لقيتى رساله خاصه من عضو وبيقولك انا اعرفك كويس حتى ساكنه فى المكان
الفلانى وفعلا طلعتى ساكنه فى المكان دا ؟ هتعملى ايه ؟

حاقوله انت مين اصلا وتعرفني منين

عشان اتأكد هو فعلا حد قريب منى ولا حد بيستظرف





2 / دخلتى توبيك ورديتى لقيتى صاحب التوبيك اخد اقتباس لكل الاعضاء وانتى رد عليكى بــ ( ؟؟؟؟؟؟ ) ؟ هتعملى ايه ؟

حبعتله طبعا واستفسر عن معنى الرد بتاعه ده واطلب توضيح

وبناء على توضيحه حاعرف حتعامل معاه ازاى بعد كده





3 / نزلتى توبيك وعملتيه بمجهودك او بقلمك
ولقيتى مشرف القسم حزفه وقالك دا ( مكرر ) ؟

لو كان مكرر فعلا مش حقدر اعمل حاجة لانها قوانين المنتدى

بس حكون متضايقة طبعا على تعبي ومجهودي اللى راحوا على الفاضي





4 / دخلتى المنتدى لقيتى كلة داخل ملفك الشخصى ومبروك الف مبروك بقيتى
مشرفة وفجاة مالقتيش نفسك لا مشرفة والا حاجا ؟ هتعملى اية ؟

حعرف انه كان مقلب جماعى وحضحك طبعاااااااا

وححمد ربنا لانى مش بحب الاشراف ولا المسؤلية عموما واحب اكون حرة

فى المكان اللى انا فيه





5 / جيتى تدخلى المنتدى لقيتى نفسك واخدة حظر
والسبب ( عدم احترام الاخرين ) ؟ هتعملى ايه ؟

مش حسكت وحقلب الدنيا لحد ما اوصل للادارة واعرف ليه انا خدت الحظر

ده لان عدم احترام الاخرين ده مش طبع فيا اطلاقا والحمد لله




الاسئله الشخصيه

( لـــــــــــــــــو )

1 / وانتى نايمه بليل صحيتى عشان تشربى وملقتيش حد فى الشقه خالص وكلهم مش
موجودين وموبيلاتهم سايبنهم فى البيت ؟ هتعملى ايه ؟

حشرب و ارجع اكمل نومي فورا واعمل من بنها

ولما يبقوا يرجعوا بالسلامة ابقي اعرف راحوا فين بربطة المعلم كده بالليل





2 / لو خارجه مع خطيبك فى المستقبل وفجاه لقيتى بنت جايه جرى عليكم وبتقوله
( بقى هى دى الى سبتنى عشانها ) ^^ ؟ هتعملى ايه ؟

حسكت خااااااااالص لحد هو ميتصرف وينهي الموقف تماما

ونروح البيت بقي واعرف ايه الموضوع بالظبط وبالتفاصيل

لان اكيد ده شئ مش طبيعي سواء كان حقيقي او مقلب معمول فينا

والعصبية وقتها مش حتفيد فى اى شئ لكن الهدوء هو اللى حيوضح

كل حاجة ان شاء الله





3 / فتحتى بلكونه البيت بتاعتكم ولقيتى واحد كاتب على الحيطان قدام البيت ( بحبك يا هاديه ) ؟ هتعملى ايه والى فى البيت هيعملو ايه ؟

.. حاجة كده زي مرجان بيحب جيهان؟ههههههه بصراحة انا حفرح وحبتسم

وانا سعيدة من جوايا

اما فى البيت بقي حتبقي وقعة بييييضة

بس حاقول وانا مالى ؟؟ انا معرفوش .. روحوا دوروا عليه وحاسبوه

بس ياريت بالراحة.. طخه بس متعوروش يابوي





4 / راكبه ميكروباص ولقيتى واحد قاعد جنبك وعمال يرغى معاكى وفجاة قالك مش
انتى ( هاديه ) وساكنه فى المكان الفلانى ؟ وطلع هو العضو الى بعتلك رساله فى
المنتدى انه يعرفك ؟ هتعملى ايه معاه ؟

ههههه ميكروباص ايه بس ؟؟ متقولى توكتوك كمان

عموما مش حكلمه طبعا لانى مبكلمش حد غريب ابدا خصوصا فى الشارع





5 / ماشيه فى شارع كله محلات وانتى نازله عشان تشترى ملابس وفجاه لقيتى الناس
كلها عماله تقفل المحلات وبيجرو ؟ وبيقولوالناس جايين ؟ هتعملى ايه ^^ ؟

ناس مين اللى جايين بالظبط؟؟

عموما حاقول اجرى يااااااااامجدي

وحجرى معاهم طبعا من غير ماعرف مين الناس اللى جايين ههههههههههههه

اصل ياروح مابعدك روح




نورتى التوبيك

وبكدا بتخلص حلقه النهاردة

استنونى وحلقه جديده وضيف جديد

وماتنسوش تسمعو دى

[phalsteen]

بس حاقول وانا مالى ؟؟ انا معرفوش .. روحوا دوروا عليه وحاسبوه

لا في دي عندك حق اهادية
وانت مالك صحيح
هادية وانتي هادية بجد
منورة حببتي *_*

[العاشق الذى لم يتب]

انافكرت اسمك هاديه كده وخلاص
طلعتى هادية فوق الخيال
ماشاءالله عليك
اجابتك هادية ورايقة
ومنورة الحلقة
وشكرا يارشرش
والبرنامج الظريف
مودتى

[انا جيجي]

برنامج هادئ مثل ضيفته شكرا مورشو

[DR.SMA]

ههههه
صحيح لازم جري
ياروح ما بعدك روح
منوره يا جميل
ومنور يا مرشدي طبعا ,,

[هادية]

اقتباس المشاركة الأصلية كتبت بواسطة nefertiti بس حاقول وانا مالى ؟؟ انا معرفوش .. روحوا دوروا عليه وحاسبوه لا في دي عندك حق اهادية وانت مالك صحيح هادية وانتي هادية بجد منورة حببتي *_*

ههههههههههههه منا هادية برضه بس اوقات اوقات يعنى

نورتي يا اجمل نفرتيتي فىالمنتدى كله

[هادية]

اقتباس المشاركة الأصلية كتبت بواسطة العاشق الذى لم يتب انافكرت اسمك هاديه كده وخلاص طلعتى هادية فوق الخيال ماشاءالله عليك اجابتك هادية ورايقة ومنورة الحلقة وشكرا يارشرش والبرنامج الظريف مودتى

تسلم يا عندليب المنتدى

بس برضه انا هادية :d

[هادية]

اقتباس المشاركة الأصلية كتبت بواسطة انا جيجي برنامج هادئ مثل ضيفته شكرا مورشو

شكرا ليكي يا جيجي

نورتى ياست الكل

[هادية]

اقتباس المشاركة الأصلية كتبت بواسطة dr.sma ههههه صحيح لازم جري ياروح ما بعدك روح منوره يا جميل ومنور يا مرشدي طبعا ,,

انتى اللى منورة يا د/ سما

الف شكر ليكي

[هادية]

اقتباس المشاركة الأصلية كتبت بواسطة dr.sma ههههه صحيح لازم جري ياروح ما بعدك روح منوره يا جميل ومنور يا مرشدي طبعا ,,

مش كده والنبي؟؟ هههههه


انتى اللى منورة يا د/ سما

الف شكر ليكي