الحلقه الرابعه من تحت المجهر

[Stop Ana Eltop]

السلام عليكم ورحمة الله وبركاته ازيكم عاملين ايه ان شاء الله تماام عالم النت دا زى ما انتوا عارفين ملييئ بالكتير من الناس الى بنقابلهم فيهم الى بنحبه وبنتمنى نشوفه ع الحقيقه وفيه الى مبنبقاش طايقينه ونتمنى نمشى من المكاان بسببه ضيفتى انهارده عزيزه على قلبى جداا وحقا اتمنى اشوفها على ارض الوااقع مع المتميزه ♥SaRa .مشرفة النقاش العام شامخة... رغم الانكسار ازيك ياسااره عامله ايه ان شاء الله تماام ؟؟ انا الحمد لله تمام . مبدئياا كداا ايه رايك فى فكرة البرنامج ؟؟ فكرهـ البرنامج جميلة وعجباني فـ انها بتتكلم عن كل شئ فـ العضو بمعني غريب شوية بتستخلص منة كل المعلومات . طيب عندك اى افكار لتجديده او تقديم الافضل منه ؟؟ نغير المستضيفه مثلاا ؟؟ آهـ انا بقول كدهـ نغيير المستضيفة لا طبعاً بجد ي هوبة ابدعتي فـ اختياركـ لكل شئ لية . (نغيرها الصبح حااضر ) ندخل ع الجد بقن اسمك . سنك . عنوانك ؟ سارهـ عبدالله سني هكمل 16 عنواني فـ القاهرهـ تخديش رقم الفون كومان بالمرهـ . (يارييت عشان اكلم الحاجه اخليها تاخد بالها منك ) اهدافك فى الحياه ؟ اهدافي كـ آي شخص نفسي آسرتي تكون سعيدهـ دوماً وانا آدخل كلية طب حلمي واعمل مشاريع او حاجة تفيد مصر. (ان شاء الله تحققى كل احلاامك وتبقى دوك كبيير قد الدنيا ) مثلك الاعلى ؟ آكيد الرسوول علية الصلاهـ والسلام بحاول اقتدي بية ثانيا بابا وماما ^^. مميزاتك ؟ امم مش عارفة آكيد الناش الي بتعامل معاهم يعرفوها آكثر ^^. عيوبك ؟ عصبية جداً الي حد كبير والطيبة بزيادهـ ودي ناس قالوها ليا . اشياء بتفرحك ؟ اني اشوف الي بحبهم سعداء. اشياء بتزعلك ؟ اني أشوف دمعة حد بحبة وان العشرهـ تهون عـ ناس كانوا مهمين فـ حياتي . حكمه بتؤمن بيها ؟ ينام الحق آحياناً ولكنة لا يموت . الحياه منصفه ولا ظالمه ؟ اوقآت وآوقآت بس هي مش بتظلم حد كدهـ لله والوطن لا بيكون الشخص الي اتظلم عمل حاجة سببت فـ ظلمة . لبس البنت دليل على رقى فكرها والتزامها ولا ايه رايك ؟ صرآحة ضد المقولة دي بنسبة 85% لآني انا وآحدهـ ابقي كذابة لو قلت اني ملتزمة بالزي الاسلامي فـ عمري ما آخدت الفكر او الالتزام بالزي لكن طريقة الكلام التعامل بيوضح بس طبعاً فـ ناس اوووفر بزيادهـ وشكلهم بينطق ببيئتهم وفكرهم . (الزى جزء من التعاامل ) بتفضل العلاقات السطحيه ولا لاء ؟ انا عموماً اجتماعية فـ حتي لما بيكون بيني وبين حد علاقة سطحية لازم بتتعمق بعد كدهـ . صعب تقرب من الناس ولا سهل ؟ سهل بس بحاول اني اقلل من الحكاية دي علشان كفايا كدهـ الوآحد خد أفاهات كتير . مين اقرب حد ليك ؟ اخويا الكبير هو اولي جامعة اسراري معاهـ واسرارهـ معايا وماما صحبتي . اليأس خيانه طبقت المقوله دى فى حياتك قبل كدا ؟ هي كـ جملة انا معترفة بصحتها وانا بحاول دائماًاني مش أيأس من حاجة . اتخدعت قبل كدا ؟ هههههههههههههههه متعديش بس مش خدع حب لالا خدع فـ ناس يعني ^^. مين بيكوََن فكرك ؟ الدين اولاً وثانياً الناس والحاجات الي بيعملوها وبتحصل . بتعبر عن مشاعرك ولا بتحتفظ بيها لنفسك ؟ لو لُزم الامر بعبر . ايه الفشل بالنسبالك ؟ اني أيأس من المحاولات. الصداقه بتمثل قد ايه فى حياتك ؟ بتمثل جزء كبير جداً بتمثل الحنية والفضفضة والاخوهـ والامانة وحاجات كتير . بتعترف بصداقة النت ؟ آهـ . ساره السن حاجز فى حياتك ؟؟ لا لآني لما بكون عايزهـ اعرف حاجة بعرفها حتي لو مش لسني وللأسف دهـ الي هو الفضول . بتعترف بالحب ؟؟ الحب موجود مش شرط بين ولد وبنت الحب موجود بين الاصدقاء والاسرهـ والناس حتي فـ الشاروع والجيران. عندك الجرأه لو بتحب تقول هنا انك بتحب ؟؟ لا مش عندي الجرآهـ . ممكن تعجب بولد هنا وتقوليله او لو هو قالك تقبل ؟؟ لو انا اعجبت بجد مجرد اعجاب طايش لا مش بقول انما لو لزم الامر وكان حب بقي مش اعجاب هقول ^^ ولو بقي حد اعجب بيا آكيد بتقبل بس بحاول اني احد الموضوع ومش اوسعة واقول احنا اخوات . اقتباس ♥♡ ~ can 7lm لو رجعتى بالزمن لوره ؛ وواجهتى الماضى ايه اللى ممكن تقولى ليه ؟ وايه اللى كان ممكن تغيريه ؟ وايه اللى استفديه منه ؟ صراحة شايفة ان حياتي مكتوب ليها انها تمشي كدهـ وكان لازم تمشي كدهـ مـ البداية فـ حتي لو رجعت مش هكون عايزهـ اغير شئ آستفدت كتير منها اني مش احكم عـ حد من مظهر و لا آٍمع لمجرد ان الاحترام مش بالتعامل اقتباس Aya 7ekaya لو معاكى كاميرا متاح ليكى تصورى صورة واحده ايه اول حاجة تيجى ف بالك تحبى تصوريها كل الي بحبهم ^^ بس ي رب الصورهـ تقضي . اقتباس اميرة الحب الضائع اوصفى شخصيه سارة ؟ انا شخصية اجتماعية ففضولية مرحة واقعية نسبياً وبيقولوا عني طيبة ^^ بيقولوا يعني . اقتباس DR.SMA حياتنا دايما بنقسمها لمراحل كل مرحله شخصيتنا بيحصل فيها اختلافات وتطورات شايفه ايه اجمل مرحله في حياتك او ايه التطورات الي حصلت في شخصيت شايفه انها وجهتك لمرحه افضل .. اجمل مرحلة مرحلة الطفولة الي هي نقول مثلاً الابتدائية ^^ كانت اجمل مرحلة فـ حياتي امم نقول اني التغييرات الي حصلت اني بعد الطفولة نضجت بس شايفة انها وجهتني لمرحلة آسوء وخرجتني من اجمل مرحلة . اقتباس انجي_1 اقرب حد ليكي ف المنتدى ؟ امممم كتير يعني انتِ ووفاء ومرام وميدو ومحمود واحمدوالبت كيفوكـ الرغاية بتخلص الرصيد اقتباس ۩۩ elMagic ۩۩ الموقف كالتاتي ساره بعتتلي رساله من كام يوم كده فيها بشكل ملخص اكونت عضو معانا هناا وهو حاطط في توقيعه وبياناته حساب الفيس بوك والياهو بتوعه بس بأسمي وهي اول ما شافتهم افتكرت ان الراجل دا سارقهم مني وكده فا بتقولي علشان اخد بالي والحكيكه المره :d ان الاكونتين دول خاصيين بالعضو فعلا مش بيا لان انا مش مسجل بإسمي ع الميل والفيس بس كده توته توته وفرغت الحدوته فـ الموقف دهـ كانت لحظة غباء وصراحة اضايقت من نفسي ظلمت الرآجل . اقتباس احساسى صحيح ايام ما كانت ساره بنيم بنوته حتة بسكوته مكنتش بطيقها البت دى بسبب إنها كانت سيساويه وانا ربعاوى لا طبعا بهزر الموهيم كان فيه موضوع بالنقاش كان سؤال للبنات عامله بيج بوس للبنات بيقول تعملى ايه لو انتى ماشيه فى الشارع وولد اداكى ورده فأنا تقريباََ اتريقت على اجابات البنات فى ردى جالى تقيم منها احمر استغربت فبعتلها انا تقيم ايجابى وكمان رد تريقه عليها وقولت ,, ان فى بنات عامله نفسها رقيقه وزى البسكوته وحاجات كده بعتولى تقيم سلبى ايه الحقد الطبقى ده الموهيم اكتشفت بعدها ان مش كل السيساوين دمهم تقيل وطلع دمها عسل اوووى وبعتتلى تقيم ايجابى واعتذار وكانت فى منتهى الاحترام معايه ودى كانت بداية تعرفى عليها ويمكن بقينا اصحاب جدا بعدها واصبحت من زوار مدونتى بأستمرار الموقف دهـ لن انساهـ الحول لما بيجي بيبهدل الدنيا والمثيبة انة مش استني وظلمني بس بجد جة بنتيجة الحول دهـ وياسر انسان محترم وبدأنا بعدها نتكلم عادي كـ أصدقاء . اقتباس Stop Ana Eltop ممكن تقوليلنا وجهة نظرك فى تنكر البنت كولد على النت لعمل شئ معين وهى هترد على وجهة النظر دى اقتباس حافظة القرآن ى تنكر الولد كبنت كدة حاجة مش مقبولة يمكن تكون بتعمل كدة للتعارف اويمكن ﻻكتساب ثقة دة بيرجع لطريقة التفكير انها مثلا شايفة ان الولد يعمل اللى هو عايزه كدة يعنى او كان نفسها تبقى ولد المهم ان من وجهة نظرى مينفعش الولد يعمل نفسه بنت وﻻ البنت تعمل نفسها ولد كل واحد بطبيعته احسن وكمان عشان اللى حواليهم ميتخدعوش ويندموا انهم وثقوا تمام كلامها وبأيدهـ آكيد لكن ليا تعليق عـ جزئية البنت تعمل نفسها ولد فـ بعض البنات وانا اعرفهم شخصياً عاملين اكونتات عـ الفيس بأسماء اولاد مش نقص ولا علشان يعرفوا أسرار ما بين الشباب والكلام دهـ لا عاملين كدهـ كـ حماية علشان الشباب مش تتعقد تكلمهم ويبعتوا آآد فـ الحالة دي قد تكون مقبولة لكن تنكر الولد كبنت بأي حال من الاحوال مش ينفع . اقتباس Stop Ana Eltop اتكلمى لينا عن الحب بقن وكدهون يعنى هييييييييييييييييييح آقول اية ولا أية بسس الحب بعتبرهـ ركن من اركان الحياهـ الانسان مش يقدر ابداً يعيش من غير الحب مش هقولكـ بقي زي النبات من غير مياهـ ولا كدهـ بس هقولكـ ان الحب قادر عـ انة يعطي الامل لأنسان انعدم من الامل امل ان كل شئ هيكون افضل ويتحسنن والانسان او الانسانة الي بيكونوا قادرين عـ اعطاء الحب دول ناس آكيد ي بخت الي بيحبهم والي يآخد منهم الحب دهـ الحب دهـ آمان واحساس جميل آحساس دفيئ فعلاً . احترام>>لآي حد بيحترمني آكيد تهنئة>>لروني عـ زواجها وميدو علشان نقل لشقة جديدهـ نصيحة >> لآي حد شايف انة بيعمل حاجة غلط ..اقف وفكر وداع >> بردوا الحاج ميدو علشان هيروح عـ الجيش الوآداع محبة >>آهدي المحبة دي لناس كتير واقول لكل الاعضاء والناس الي بحبهم عتاب>>للناس الي بيجوا عليا وانا بسامح بس ليا طاقة محدود من التحمل اعتذار>>لآي حد زعلتة فـ يوم او زعل مني بس يا ريت يجي يقولي انا زعلان/ة فـ كذهـ ونحل المشكلة الحياهـ ابسط من كدهـ ^^ وثانكس بقي هبة عـ الاستضافة الجميلة دي وبجد انا اساساً عجباني الاسئلة وتنوعها والفكرهـ اول مرهـ تتعمل بتجديدات كتير وبتمني تستمري فية بقي .. زااره حقا نورتى البرناامج جداا وانا كــ هبه كنت سعيده جداا بوجودك معايا مبسوطه جدا انه فكرة البرنامج عجبتك بجد شهاده اعتز بيها ان شاء الله فكرة البرنامج تستمر بتشجعيك الجميل داا نورتى بقن وان شاء الله نلتقى فى برامج كتيير جايه تانيه استنونى بقن الحلقه الجايه مع عضو جمييل ومتألق فى امــــــان الله

[همس الحنين]

حلقه رائعه ياهبه

ساره جميله وهاديه باجاباتك

برنامج جميل جدا يا هبه

نورتى ساره حبيبتى

[مُنـــــايا]

استضافه جميله هبـــه

ساره انسانه جميله وروحها جميله
تحسيها طيبه كده...ومن الناس اللي تتحب فعلا
ربنا يسعدك يا قلبي..وتحققي كل احلامك

تسلمي مخفيه ع الحلقه والمجهود
لروحك السعاده

[phalsteen]

رغم ان البرنامج طويل
بس مميز بس انك تحبي تكملي
من تنوعه وخفه روح المذيعه بئه وكدهون
سارة اول مرة اشوفك في برنامج يختي
وبجد عجبني كلامك رغم صغر سنك
هبه استمري بئه

[انا جيجي]

برنامج روعة بجد وعرفتينا اكتر على سارة

[A-rab3awya]

الحلقه ديه جميله جدااااااا

و اجابات جميله اكتر يا ساره

تسلمى يا هبه ع البرنامج الحلووو دة

منتظرين العضو اللى جاى

وبجد يا ساره كنتى مميزة هنا

[ندى المهندس]

الضيفه بنوته جميله وشخصيه أجمل

استضافه موفقه حبيبتى

واحب احييكى على فكره البرنامج ممتاز

[هادية]

حلقة جميلة جدااااااااااا

واجابات ماشاء الله تنم عن شخصية راقية ومثقفة ورقيقة

تحياتى للمجهود المبذول ولحسن اختيار الضيفة

[محمود أبوزيد]

لقاء رائعه من انسانه رائعه
مع انسانه في قمة الروعه
اكن لها كل المحبة والتقدير
جميل ان تعلم كل شئ عن
من تحب او يجاورك الفضول
ان تري من هو داخل ذاته
سارة من الاشخاص الي ربي يعلم
انها اختي بجد وبحترمها "هبة"
شكرا بجد برنامج رائع زودتي
معلوماتنا عن انسانه رائعه بانتظار
ضيفك الجديد ...تقبلي مروري

[شاعر الحب الحزين]

يا بيييييييي على رغيك يا هبة مش رغاية الا شحطة ههههاي

بس كلام جميل وبفايدة وتنوع جميل ف الأسئلة

سارة ماشاء الله عليها انسانة هادية ورايقة ومش شايف انها عصبية خالص

اجاباتها جميلة ومكتملة بتدل على فكر جميل وعقلانية مميزة بتملكها

وانتي يا هبة الله يعطيكي العافية بجد مجهودك جميل وكبير جدا

كل ده عملتيه عشان تطلع الحلقة جميلة بالشكل ده ونستمتع بالحوار

ربنا يوفقك يا هبة