قلب للبيع

[شاعر الإحساس]

قلب للبييييع


بياع مين يشتري قلبي وحكاياتي
بياع للمشتري،احلام وامنياتي
قلبي وبالرخيص بايعه وببيع
واللي يلومني ميجيش مزادي


بياع ويامين يشوف ويعاين
قلب والله غالي وماهو هاين
بس المزاد علني وبالصفر ابدأ
صاين وطيب ولا قاسي ولاخاين


يزعل لزعلك وفي وجعك يساعدك
يحمل الامك وسندك في ضهرك
وقبل الاه منك،يقول اهين وزياده
ولو يوم تفرح،يبقي دا فرحه فرحك


حنين بطبعه بيسامح وبيعدي
يغضب لجرحه،ومن تاني بيهدي
ولو يتعب ف لحظه،لايبين ولا يشكي
ويقول انا فرحان ياعم ودا مين ادي


شامخ وعالي مايضعف ولا يبين
زي الجبل جامد ماهووش لين
ولو بكى يوم وحزن عانى واتألم
يبقى الجرح في مشاعره ماكان هين


ايوه ضعيف في الحب،بيحب بحقيقي
ويقول ايوه بحب،دا قدري ونصيبي
ومشاعري سابقاني في الرايحه والجايه
وخياله قدامي،وفي نومي لي بييييجي



قلبي وانا عارفه ولاحد زيييه
لاغرور ولا كبر،بعتز انا بيييه
بس انا بايعه،للبيع انا عارضه
واللي شاري هتنازل انا ليييه


السعر مش عالي ولاغالي
بالصفر انا بايع ودافع مالي
ولا هفاصل ولااجادل ولاحاجه
خدو قلبي،سيبوني في حالي


كتالوجه سهل بسيط باحكام
بكلمه يرضى مايطول ف الخصام
واللي يقدر ويعذر يحترمه ويطبطب
هيشيله فوق راسه من غير كلام


واللي ييعاند قدامه خسران
اما اللي بيهدي دا اللي كسبان
هيجيله ويصالح ويقوله لي سامح
وكمان انااسف رغم انه مش غلطان


هو دا قلبي والطبع غالب وببيباااااان
وانا بايعه ومن بعده قفلت بيبااااان
ومش خسران ولاندمان،،انا الكسبان
انا بايعه… وانا الكسبااااااان



من الهاتف مباشرة وبدون تنسيق للصعوبه
وليدة اللحظه كالعاده


شاعر الإحساس

[SaMa.]

صفات زى دى متفرطش فيها حتى لو جابتلك التعب
بيع الل يبيعك واشترى راحتك اما الل يحبك ويعرف قيمة قلبك
حطو جواه واقفل عليه
صدق الل سماك امير الشعراء

[مُنـــــايا]

ومن لا يشتري مثل هذا القلب ........ويستميت عليه حتي الموت...!!

و من منا لا تمتلئ جنبات روحه بذاك القلب الآخذ إلى سكينة روح و سعادة قلب .
لكل منا أمل يحلم به ويعيش به داخل نفسه يُزينه كيفما يحب أن يجده
ولولاه لما كانت نكهة الحياة وذكاوتها ....

أخي \ شــــــــــاعر

جمال روحك نلمسها في خطوط لوحاتك و جزيل عبيرها
أنت همست بمشاعرنا بهذا البوح الفاتن فصفت النفس وسمت الروح
وعانقت اﻹبداع والرقي بقرائتي لقصيدتك
بوح رقيق يُلامس القلوب وليس غريباً عليك وأنت تملك أصدق القلوب
بوحك لنبض القلب دواء....
دام بوحك وسلمت يراعك
كن دائما بخير
لروحك السعاده

[طبيب الهوى]

يا صاحب المزاد قلبك ده مريض


لا ينفع معاه فِجل ولا جُعضيض


إن كُنت ندمت علىَ يوم حَبيت


تبئا يا صاحبي في الحُب بَليد


أخي وصديقي الغالي شاعر الإحساس


صِدقاً تألمت كثيراً لما قرأته ها هُنا


وتعلم أني لا أستطيع الرد عليك هنا


سأبلغك ردي ورائي وقت الاتصال بك


الله يحفظك ويرعاك آمين


تحياتي لشخصك ولأسرتك الكريمة


أبو عصام

[السفيره عزيزه]

قلب للبيع وفى المزاد بيزايد
يلا يا شارى اثبت لي يله انك رايد
وبسرعه سريع قبل الجميع وكن فايد
دا صاحبه البيه ما حن عليه وبيعاند
وبيعه ليه الله يهديه ودا اكبر شيء شاهد
تبيعه ازى ومن دا الثرى ال هي قايض
بالذهب والماس وكمان الاحساس
بالزايد
وبقولك ايه.ايا عينى عليه حبيب
بعنيه لك شاهد
قلب بيحويه وساكن فيه وكان ديما بيه
اكيد صامد
تعالوا نسامح وننسى البارح ونعاود
و نبضات غاليين على الحلوين ونهاود
واتمسك بيه دا روحك فيه وبتجاهد
ونأفل المزاد والحب فى قلوبكم بالجامد


السفيره

[رضا التركى]

قلبك ده غالى قوى عندنا

من زمان بستنى بوحه هنا

جى دلوقتى وبتقول أبيعه

لا لا لا أزعل قوى منك وربنا




احنا مصدقنا شوفنا احساسك

عاوز تبيعه وتسيب اهلك وناسك

طيب واحنا نروح فين يا اخى

لاخلاصنا هيبقى ولا خلاصك




ياريت كلامك يكون من ورا قلبك

كل القلوب هنا فى الله بتحبك

انت عارف ولا تحب تعرف تانى

الاول بينا ولاحد بعدك ولاقبلك



أخى الغائب الحاضر كن بخير واسعد دوما

لطالما إرتويت لسماع صوتك الذى افتقدناه

لا تحرمنا من عبق ورقة وعذوبة احساسك الرائع

أخى صدقا أحبك فى الله

دمت فى سلام وأمان

وحفظ ورعاية الرحمن

تحياتى واحترامى يسبقهما كل الود لشخصك الكريم

[Words Whisper]

لكن القلوب ليست للبيع
هي للمشاركة و للتقدير
أما بيعها ولأي سبب ليس خياراً ..


منذ فترة لم أقرأ لحضرتك
وقد أسعدني أن أفعل اليوم ..


شاكرة لحضرتك ..
دمت بخير ..

[Lamees]

نعم القلوب لا تباع ولكن تُهدى
هناك من يمتلكونه حقاً ويجبرونا على تقديمة هدية
دون شروط قط الحفاظ عليه وهذا القلب لابد أن يحافظ عليه من يُهدى له

شاعر الأحساس أبدعت كالعادة ورغم نبرة الحزن والجراح
ولكن هناك من يقدرون هذا القلب فأبحث عنهم قد تجدهم بالجوار

تحيتي

روني ..~

[ايمان طلعت]

ومن يشترى ذاك القلب فهو غالي الثمن
احتفظ به فعو نادر
اذا بعته فلن تجد مثله
اجعله اغلى ما عندك
ومن لا يريده اخرجه من قلبك
فهو الخاسر
حقا هو الخاسر

كلمات جميله خارجه من القلب رغم قسوتها
تحياتي

[قلب وكلمات]

قلب ليس كـ أي قلب

قلب يحمل الكثير من جميل الصفات

قلب رقيق محب عاشق لمن هوى

قلب الوفاء والإخلاص عنوانه

فمن يقدر على هذا البيع وهذا المزاد

لا ايها الراقي الجميل ، ايها العذب

كلمات هي الإحساس خرجت من قلب

وقلم شاعر الاحساس الرقراق

كل التحية لشخصك النبيل ، ولقلمك الجميل

القيصــر