أدوية البرد

[Words Whisper]

>> السلام عليكم <<


مع تغير الجو والبرد بدأ ييجي
تفاعل الناس مع دا بيختلف
ف حد بيجي له دور برد خفيف أو بيتحمله
و ف حد دور البرد ينيمه ف السرير
فخلونا بئا نتكلم عن أدوية البرد
وهكتب أسمها بالعربي للتسهيل ..


∞♫∞∞♫∞∞♫∞


أدوية الحساسية Antihistamine ::
زي : زيرتك ..
الاحتقان و العطس و الرشح و الصداع المرتبط بالجيوب الأنفية
كل دا بيسببه الحساسية أو التهاب
فالنوع دا من الأدوية بيعطي نتيجة جيدة
بس من أعراضه الجانبيه انه بيدوخ
وبالتالي اللي شغله معتمد على التركيز مش ينفع ياخده بالنهار أو في فترات العمل
لكن فيه أنواع منه مش بتسبب الدوخة والنعاس زي : كلاريتين ..


∞♫∞∞♫∞∞♫∞


الأدوية المضادة للاحتقان Decongestants ::
مادة الهيستامين واللي بيمنعها أدوية الحساسية اللي سبقت
بتهيج الأوعية الدموية فبتخليها تتنفخ
ودا بيسبب الاحتقان في الجيوب الأنفية مثلا
الأدوية دي بئا بتمنع الاحتقان ولما بتتاخد موضعية بتعطي تأثير كويس
لكن مش ياخدها اللي عنده مشاكل في القلب أو ارتفاع الضغط أو جلوكوما في العين
واللي بياخد أدوية تخسيس فمنها أدوية بتحتوي عليه فلو موجود بدواء التخسيس مش يتاخد معاه ..
زي :
- كلاريناز ودا فيه مادة مضادة للحساسية ومادة مانعة للاحتقان ومش بينيم وبالتالي هو اختيار جيد
- نقط الأنف/بخاخ اوترفين بس دي مش تستخدم أكتر من 3 مرات يوميا ومش يزيد استخدامها عن 10 أيام وتأثيرها كويس جداا ..


∞♫∞∞♫∞∞♫∞


أدوية من مستخلصات طبيعية ::
الأدوية دي بتكون خلاصة طبيعية من نباتات بتحسن وظائف الجهاز التنفسي
زي المستخلصات من ورق الجوافة و من ورق اللبلاب
ودي بتكون آمنة
زي : أيفيروسبان شراب ..


∞♫∞∞♫∞∞♫∞


بالنسبة للمضادات الحيوية
اللي هيقرر يستخدمها يبئا لازم ينتظم عليها وياخد الكورس كامل
لو مش هينتظم وهياخد حبايه وحبايتين والجو دا يبئا مش ياخدها لأنه غلط كبير ..


∞♫∞∞♫∞∞♫∞


شويه أسامي أدوية بئا
مع ملاحظة مش تجيبوا دواءين من نفس المادة أو التأثير ::
- توبلكسيل ، أوبلكس :
دواء شراب ، الاتنين نفس المواد ونفس السعر ونفس شكل العلبة ونفس الشركة
هو فيه 4 مواد /
أوكسوميمازين : مضاد قوي للسعال ومضاد للهيستامين بس بينيم ..
جليسريل جواياكولات : مطهر لقناة التنفس وطارد للبلغم ..
بنزوات الصوديوم : مذيب للبلغم ..
باراسيتامول : خافض للحرارة ومسكن ..
- كلاريتين :
زي ماقلت فوق هو للحساسية وبيهدي أعراض البرد المرتبطة بالحساسية بشكل جيد
بيتاخد منه حبة واحدة ف اليوم ..
- نقط أوترفين :
دي اختيار سريع لعلاج الاحتقان اللي بيقفل النفس ف البرد
ممكن يبئا كافي لشخص بالغ ياخد النوع الخاص بالأطفال
بتستخدم 3 مرات يوميا ومش تزيد عن 10 أيام ..
- جوافة :
اسمه كدا منه شراب و نقط بالفم
تأثيره كويس بس بالنسبة لي طعمه مش لطيف
هو مستخلص من أوراق الجوافة ..
- كومتركس :
دا أقوى من الكونجستال على فكرة وبالرغم من كدا الناس لازقه ف الكونجستال
فيه مادة مضادة للحساسية وتأثيرها قوي لكن بينيم
وفيه مسكن وخافض للحرارة
وكمان مضاد للاحتقان ..
- أيفيروسبان شراب :
زي ماقلت فوق هو مستخلص طبيعي آمن
وكمان كويس جدا في التهاب الشعب الهوائية ..


∞♫∞∞♫∞∞♫∞


اعتمدت على الذاكرة في ان أفتكر أسامي أدوية
بس الأمثلة اللي ذكرتها هتكون كفاية عليكم ..


∞♫∞∞♫∞∞♫∞


دمتم بصحة ..

[سارة بنت مصر]

اسمحى لي ابدي اعجابي بقلمك وتميزك واسلوبك الراقي وتالقك

[ندى المهندس]

مجهود رائــــــــــــــع

سلمت أناملك الذهبيه

التى تمتعنا دائما بكل ماهو جديد ورائع

ننتظر دائما طرحك الراقى والمفيد

دُمت بكل السعاده ووافر الصحه

ندى المهندس

[Words Whisper]

منورين ..
تسلموا ..

[أنين الليل]

معلومات جميله ومفيده
تسلمى حبيبتى

[Dr. AnOosHo]

تسلم ايدك حبيبتي معلومات حلوة وقيمه

بس حضيف بعد اذنك حاجه على المضادات الحيوية
البرد ده بيكون فيرس مش بكتيريا ممكن تتحول الى فيروس بكتيري في الحاله دي ناخد المضاد الحيوي

لا يفضل اخدها الا في حاله
التهاب الحلق وارتفاع درجه الحرارة معاها
ناخد اموكسيل كبسوله تلات مرات يوميا لمده 5 ايام
او اوجمنتين في حاله الالتهاب الشديد لانه عياره جرام فبيكون قوي وغير كده مضاف مع الاموكسيل ماده تانيه بناخد حبه مرتين باليوم كل 12 ساعه لمده 6 ايام
ولو حد عنده حساسيه من الامبسييلين لازم يكون عارف ان ده ممنوع نهائي معاه
وعشان كده ممكن ياخد مثلا كلاسيد 500 حبه كل 12 ساعه برضه

الحاله التانيه ان يكون في عنده التهاب في صدره وده بنعرفه في حاله الصدر استمر فترة طويله فيه هيجان وفيه افرازات بتطلع مع الكحه

ممكن ناخد وقتها مضاد حيوي

كتر المضادات الحيوية خطر وبتضعف المناعه بلاش فعلا زي ما world قالت حبه واتنين لانه بياذي مش بيفيد

[ندوشه 2011]

....تسلمي حبيبتي. ...