"يا ........ مدينه"

[مُنـــــايا]

"يا ........ مدينه" ببانك مسوجره.شوراعك ظلام... ضميرك في ناسك .متنح ونام... ومات الكلام... وساب اللجام... وعشش ظلامك في كل الحواري... وضبط الطيابه للحبس جاري... وسيبتي فجأه كلابك علينا... وعتمتي بكره ال كان نجده لينا... وأخرة دا كلو إيه بس قولي... تعبنا وغلبنا منك مدينه... ياريت تفهمينا... ياريت ترحمينا... ياريت مره ترسي في أيتها مينا... دا بحرك بينهش في كل المراكب... وكل ال نازل وكل ال راكب... بينعل سيتك وبيسب فينا... تعبنا غلبنا منك مدينه... دا ليلك بيبطش وفجرك عليل... وامتي شموسك لناسك تميل... بيوتك كهوف... ديابك ألوف... وسِرك ومُهرج وقرب وشوف... فلان راح هيغلا وهوا الرخيص... فلان راح هيرخص ويصبح خسيس... وبلياتشو يضحك ودمعه في عنيه... ومتسألش ليه... ودقق وركز وصحصح معانا... تعبنا وغلبنا منك مدينه... دا مسرح عرايس... هايص ولايص... حبال شعلقتنا... هدتنا...ورمتنا... وللسكه عفيا يا ناس جرجرتنا... وجمهور يسقف... ويفرح ويهتف... واحنا بنخرج مشاهد حياتنا... وننزف آهات صوتها ساكن في جوفنا... وقوله حق خوفنا... ما ياما وياما شوفنا... وعدت هوايل ومرت علينا... وتعبنا وغلبنا منك مدينه... يا كاس مُر داير ع الخلق تما... يادي المدينه طبعك ومحزن... ضيك مش لاقي ليه فيكي مكمن... ومين راح هيزرع... ويُحصد ... ويُسكن... في قلبك .. وقلبك جاحد علينا... تعبنا وغلبنا منك مدينه... monaya

[العندليب الاسـمر]

يا ........ مدينه"

تعبنا وغلبنا منك مدينة

لا يوم شفنا صوتك

ونسمع سكوتك

ويوم جينا نحلم

كابوسك طلعلي ..

وبيقولي نام

وانا في اصلي نايم

وساكت وصايم

وع الشط واقف بدمعة حزينة

واااااااااه يا مدينة

ابيعك بكام

ومقدرش ابيعك

يا ام المداين

يا ارض الكنايس

مساجد مدارس

وفوق كل مينا

تحطيلنا حارس

بيضرب سلام

هرتني مواعظ حكيم للي عايز

شوية فيارس جابتلي زكام

رمتني بإديها

ومن غير حتي ما اعرف

الاقي نهارها ينور ضلام

وجاتلي في منامي

تدور عليه

تحط الحمام

حمامك وطاير

طب كنت قولي

اجيلك معافر ورغم الحوافر

اجيبلك معاية حمامة سلام


ذكرتني بمن نتمني ان يكون قد رزق بتوبة قبل مماتة

الكبير " احمد فؤاد نجم "

الله عليكي يا منايا

بجد رائعة بما تعني الكلمة

ومعذرة علي ارتجال اللحظة الذي كتبته


خمس نجمات ومش كفاية

[يحيى الفضلي السودان]

جميل البوح يسلموا الغالين
دمتي متفوقة

[شاعر الحب الحزين]

إيه الجمال ده كله إيه الإحساس ده كله

رغم انك محترفة جدا في الكتابة يا منايا

بس بجد مندهش جدا قدام كلماتك بصراحة

فاقت الجمال فاقت الإبداع بدرجات

يوم ما تكتبي بالعامية يطلع الجمال والإحساس ده كله

مش هكتفي بالكلمات الجميلة دي عايز اقرألك تاني بالعامية

عاميتك جميلة ومعبرة وأول مرة تعجبني كلمات بالعامية للدرجة دي

العندليب قيمها بخمس نجوم وقال مش كفاية

وانا هثبتها وبرده مش كفاية

لروحك السعادة وباقات الياسمين أختي الفاضلة منايا

احترامي وتقديري

[Stop Ana Eltop]

اهو دا الشعر الى يتقرأ

بجد والله ابدااع

تسلمى بقن واستمرى عاوزين من دا كتيير

[مُنـــــايا]

اقتباس المشاركة الأصلية كتبت بواسطة العندليب الاسـمر يا ........ مدينه" تعبنا وغلبنا منك مدينة لا يوم شفنا صوتك ونسمع سكوتك ويوم جينا نحلم كابوسك طلعلي .. وبيقولي نام وانا في اصلي نايم وساكت وصايم وع الشط واقف بدمعة حزينة واااااااااه يا مدينة ابيعك بكام ومقدرش ابيعك يا ام المداين يا ارض الكنايس مساجد مدارس وفوق كل مينا تحطيلنا حارس بيضرب سلام هرتني مواعظ حكيم للي عايز شوية فيارس جابتلي زكام رمتني بإديها ومن غير حتي ما اعرف الاقي نهارها ينور ضلام وجاتلي في منامي تدور عليه تحط الحمام حمامك وطاير طب كنت قولي اجيلك معافر ورغم الحوافر اجيبلك معاية حمامة سلام ذكرتني بمن نتمني ان يكون قد رزق بتوبة قبل مماتة الكبير " احمد فؤاد نجم " الله عليكي يا منايا بجد رائعة بما تعني الكلمة ومعذرة علي ارتجال اللحظة الذي كتبته خمس نجمات ومش كفاية

أشکرک أ خي علی إضافتك الرائعه
جعلتني أفرح بکلماتک،
وأعتبرها وساماً مُغرداً علی خميلة حروفي الحضراء،
إحترامي وتقديري لبهاء ألق وأنوار حضورك الكريم أخي
دمت ودام تواجدك
لروحكـ السعاده