الاختلاط فى الجامعات صح ، خطأ ؟

[نادر المصريِ]

- ايه حكاية -
الموضوع ده محير جداً بين فئتين
فئة شايفه ان لازم تكون الحكاية اوبن خالص
وفئه شايفه ان الموضوع لازم يتقفل خالص
الفئة الاولي الرد عليها ان مينفعش اجيب النار جنب البنزين واقول ميحصلش حريق
شئ طبيعي الانجذاب بين الرجل والمرأة وشئ طبيعي ان الحاجات جوه الواحد بتتحرك
ده يتمسك ازاي ؟
بيقولوا الاخلاق بتمسك الحاجات اللي بتتحرك
فعلاً بتمسكها لكن بيكون فيه معاناه وحرب كبيرة
علي كل المستويات النفسية والبصرية
والفئة التانية اللي شايفه ان الموضوع لازم يتقفل خالص
طب ماهو الممنوع مرغوب وكل اما الحاجه بعدت عن الواحد هينجذب ليها اكتر
والحال مش ميسر مادياً عشان يتجوزوا ويكونوا حياة سعيدة علي نقاء
طب الواحد يعمل ايه بين كل ده
يبقي منحل ويعمل اللي عايزه زي الحيوانات
ولا يبقي وسطي ويحارب مع نفسه حرب اخلاقية في الدفاع عن الشرف
ولا يبقي بعيد خالص عن كل باب من ابواب هجوم الشيطان ؟
انا شايف ان الانسان منا يكون خاص بنفسه ولنفسه وكل واحد عارف نفسه
كل انسان مننا يحارب في حرب خاصة مع ذاته
وكل واحد منا يعرف نقاط قوته ونقاط ضعفه وكل واحد منا في هذه الحرب وحده
بالطبع لازم تكون هناك فتن يتعرض ليها الانسان عشان يثبت معدنه الحقيقي
بالطبع لازم تكون هناك معارك عشان تبين قوة الانسان وضعفه
حروب الفتن حول الانسان في كل مكان وفي كل وقت
وهو وحده الذي يواجه في معاركه وهو وحده المسئول عن افعاله وتصرفاته
ولذلك سوف يقف الإنسان وحده امام الله سبحانه وتعالي للحساب
حينها لن تكون كل هذه الاشياء مبررات لأن كل هذه الاشياء هي اختبارات

[Words Whisper]

بصي هقولك
هو ان يكون فيه تعامل بين الجنسين دا طبيعي وإيجابي
يبئا البوينت هنا مش التواجد في مكان واحد وانما في الحفاظ على الحدود
ماهو ف ناس مش بتكمل تعليم وبتدخل دبلومات مش مشتركة وبردو بيوصلوا لسكك زفت
وبنات الثانوي معظمهم بيدخلوا مدارس بنات بس وهما أكتر حد بينجرف لطرق مش قويمة
البوينت مش وجود الجنس الآخر و لا انه مش نتعامل وانما ان نحافظ على حدودنا ..


تسلمي ياحلوة ..

[ابو نصير]

سيدتى .........
لقد أثرتى موضوع من أهم مواضيع الحياء والعفه
وأيضا أثرتى قضيه من أهم القضايا التى تعالج الأنحراف الخلقى
سيدتى .....
لن أزيد وأكن لكى كل الأحترام والتقدير على موضوعك الذى يربط بين
فتنة الاختلاط فى مجتمع يبيح الأختلاط .... وقد نهانا عنه سيد الخلق ورسول الأنسانيه
صلى الله عليه وسلم ......
ابو نصير
وتقبلى مرورى سيدتى

[(طائر الشرق)]

انا لم اقصد بكلامى ان كل شئ على البنت

لكن الاجواء كلها ملوثه