الصفحه التانية من دفتر مُذكرات بنات مصـــر ( stop ana eltop )

[phalsteen]

مـــــــساء الخير زي ما قولت هجمع صفحات للاعضاء وهيتم تجمعيها في دفتر للاعضاء النهاردة معانا صاحبه الروح المرحه والوجود المتألق مجتهده ودائما متألقه تعالوا نشوف هبه هتتكلم عن ايه في صفحتها Stop Ana Eltop مشرفة الشخصيات التاريخية انا كان حلمى انى البس النقاب بس كان فيه اعتراضات كتيير وفى يوم مفترج كدا واحنا قاعدين عاتى كدهون واذ فجأة لقيت اخويا بيقولى هو انا لو قولتلك البسى نقاب تقولى ايه قولتله ياريييت قاللى يعنى عندك استعداد تلبسيه قولتله ايوه طبعاا قالى امتى قولتله دلوقتى اهوت قالى مااشى طلع يصلى العشا وجاب النقاب وهو جاى وكان الكلام دا يوم الخميس والجمعه اجاازه جه يوم الخميس الى هو 10/25 انا طلعت الصبح من غير نقاب عادى روحت دروسى وبعدين جيت وطلعت العصر تانى عشان اروح درس القران بس درس القران المرادى كان مختلف لانى كنت لابسه نقاب وكله فضل يسلم عليا وهما منشكحين كدهون وابتسامتهم من اسوان للسلوم وكله يباركبى ويدعيلى والى تدعى امتا تلبسه بقن وتتمنى بالاووى من ربنا كدا وانا كنت منشكحه وبعيد الناس كلها مكنتش عارفانى وانا كنت اروح اسلم ع الناس وتقوله الله دا ايه انتى لبستى البتاع دا امتى اقولها انهارده وانا مبسوطه كدهون وكل فضل يقولى دا جميل عليكى وانا كنت مبسوطه عشان اخيرا خلاص حققت حلمى حياتى ولبست البتاع انا مش زعلانه انى لابسته ولا قلقانه من العريس ولا انا لسه صغيره ولا ضيعت شبابى ولا كتمت حريتى انا عارفه انى كدا بعيش عمرى وحياتى صح وعارفه انه نصيبى هيجيلى ايا كان ايه وضعى والعريس الى جايلى عشان شكلى فا انا فى غنى عنه خليه قاعد جمب امه مش عاوزااه انا هحتفل باليوم دا كل سنه ان شاء الله انا فخوره بالييوم داا ربنا يثبتنى ويهديينى ويقربنى منه اكتر واكتر وياخذنى اليه وهو راض عنى ءامين يارب نورتي هبه انتظرونا مع صفحه جديدة من دفتر مُذكرات بنات مصر

[Lamees]

الفكرة جميلة يا سما تسلم افكارك
وهبة ربنا يثبتك يارب ومعاكِ حق انك تكوني فخورة بالنقاب
ربنا يهدينا جميعاً

[مُنـــــايا]

ليكي حق تحتفلي باليوم ده يا بنتي مش كل سنه
لا كل يوم ....النقاب ده أجمل شي بالدنيا
ربنا يثبتك وبثبتنا يارب
منوره الحلقه حبيبتي
يسلموا سمسمه ع الافكار الجميله ده
لروحک السعاده

[العندليب الاسـمر]

stop

ربنا يفتح عليكي وينور طريقك

ويرزقني واياكي الهداية

سما

مجهودك وبرامجك بسم الله ما شاء الله

يسلم الايدين

[ايمان طلعت]

ربنا يثبتك هبه عليه
ومبروك الفوز به
والجميل انك لا تحملي هم العريس
و تثقي كثيرا فى الله
ربنا يحميكي و يرزقك بما تستحقينه
جميل البرنامج سما
موفقه دائما

[ندى المهندس]

ربنا يحميكى حبيبتى

اروع واجمل واكرم لبس هو الحجاب

ربنا يهدينا جميعا ويكفينا شر انفسنا

اللهم امين

[Aya 7ekaya]

ربنا يثبتك وتكونى قدوة لاى حد يشوفك بالزى الاسلامى

الفكرة جميله كالعاده سما


يدوم التميز

[بسمة حنان]

ربنا يحميكى ويثبتك على الايمان
ويبعد عنك عيون الشر
يسلمووووووووووا على المجهود ويدوم التميز

[Words Whisper]

ربنا يديم فضله عليك
ويجعله الخير جواكِ أكتر من اللي مظهرك ..


تسلمي ستوب
وتسلمي سما ..