نتائج ( المرحله الثانية ) وانطلاق ( المرحله الاخيرة ) من ( مبدع المنتدى )

[morshooo]

بسم الله الرحمن الرحيم

مزاج الخير

فى البدايه احب اشكر جميع المتسابقين على الالتزام

وفعلا كلهم قدمو مواضيع جميله جدا فى الى قدر يثبت

انه فعلا ( مبدع ) وفى الى حاول ودا فعلا انا بشكره

بشكل كبير جدا لانه حاول واتمنى من المتسابقين

الى هيخرجو النهاردة انهم يستمرو ودى فى الاول والاخر

مسابقه لازم هيكون فيها فائز وخاسر .



زى ما كلنا عارفين تم طرح ( 5 ) مواضيع

فى ( المرحله الثانيه ) وكلنا عارفين ان هيتم

استبعاد ( موضوعين ) عشان يوصل معانا

للمرحله الاخيرة

( 3 اعضاء ) هيتنافسو على جائزة المسابقه وهى :



المركز الاول

وسام الابداع + 250 مشاركه + 3 نجوم سيلفرية



المركز الثانى

وسام الابداع ( 2 ) + 200 مشاركه + 2 نجوم سيلفرية



المركز الثالث

وسام الابداع ( 3 ) + 150مشاركة + 1 نجمة سيلفرية



اعلان النتائج

تم استبعاد كلا من :

Stop Ana Eltop

ودا كان رئى اللجنه فى الموضوع الخاص بيها :

حاولت تتعامل مع كلمات نثرية انها شعر
فاختلت قواعد لغوية كتير

بس إحساسها وتعبيرها عن الصورة حلوين ..

2 /

هي عملت اللي عليها وزيادة قدمت مجهود جميل تستاهل التحية والتقدير

بس إمكانياتها وقدراتها الشعرية ما سمحتش ليها إنها تنجح

بصراحة هي كان ف إيديها تنجح نفسها بس هي اختارت المشاركة عن طريق الشعر

وهي ملهاش فيه كان بإمكانها تكتب موضوع وفكرة معينة مش ضروري قافية ووزن

هي حاولت قد ما تقدر وكتبت كلمات جميلة بس الكلمات لم تؤهلها لأن تستمر

على فكره هى حصلت على

( صوتين ) من ( ثلاث اصوات )

ودا كان تقييم العضوين لسبب خروجها



العضو الثانى :

محمود أبوزيد

ودا كان رئى اللجنه فى الموضوع الخاص بيه :

أيوه هي عامية لكن دا مش معناه مش ننظر للغويات ثابتة زي الإملاءات مثلا

+ الفكرة حلوة لكن أعتقد التعبير عن الصورة وبالفكرة دي

كان ممكن يبئا أقوى ..

2 /

السبب.......كثرة الأخطاء الإملائيه وإختيار كلمات غير مناسبه

وإلتحام الكلمات وأختلاط العاميه مع الفصحي و عدم وضع التشكيل على الكلمات

مما يجعل القارىء لا يستوعب المقصود من المعنى

3 /

لو مكنش الموضوع مرتبط بصورة تعبيرية كان هينجح

نسبة للفكرة القيمة اللي كتب عنها محمود

هي معبرة بشكل بسيط جدا عن الصورة بعكس باقي المشتركين

ثانيا إن العاطفة غلبت على المعنى وفي اخطاء املائية في الكلمات

هو كتبها ف ظروف اقوى منه وعشان كده ما طلعتش الكلمات بالشكل المناسب

فكرة كلماته ومناجاته يستاهل تحية وتقدير عليها بس بصراحة كان لازم يوصل الفكرة

بشكل أجمل وبأسلوب أمكن وأركز من كده زي باقي زمايله ف المسابقة

محمود كان فى اجماع من اللجنه

على خروجه من المسابقه وحصل على الـ ( 3 اصوات )



طبعا بنقولهم ان شاء الله تتعوض

وبشكركم على الالتزام وان شاء الله

نشوفكم معانا فى مسابقات جايه من خلالها

تقدرو توصلو لمرحله افضل من كدا

وبنقولهم مبروك عليكم الــ

( 75 مشاركه )



ودلوقتى وصلنا للمرحله الاخيرة

والى اكيد هنشوف فيها منافسه من نوع خاص بين

السفيرة عزيزة

الى ماشيه بشكل كويس جدا حتى الان



و

اطياف الماضى

برضو الى ماشيه بشكل كويس جدا حتى الان



و

العاشق الذى لم يتب

الى قدر يقنع اللجنه المره دى انه يستحق الوصول



طلبات المرحله النهائيه

دلوقتى كل متسابق فيكم هيتحطله

( مقطع موسيقى )

وهيبقى مطلوب منه انه يعبرلنا عن طريق

( قلمه واحساسة )

ويعيش فى جو هو فقط الذى يريد ان يدخله

ونشوف ياترى هيطلعلنا ايه فى المرحله الاخيرة



السفيرة عزيزة





اطياف الماضى





العاشق الذى لم يتب





ودلوقتى تقدرو تعبرولنا عن ما بداخلكم

خلال ( 3 ايام )

اخر معاد لطرح المواضيع

( الخميس القادم )

بالتوفيق للجميع

[ندى المهندس]

موضوع ممتاز يستحق المتابعه

التوفيق للجميع

[العندليب الاسـمر]

من وصلوا يستحقو الوصول ومن خرجوا يكفيهم شرف المحاولة والتواجد

تمنياتي للجميع بالتوفيق


واحييك يا مورشو علي المسابقة الحلوة ومتابعتك لكل كبيرة وصغيرة فيها

[جبل عالي]

ماشاءالله شغل عالي بجد
وتفسير وشرح للنتائج متمكن

وبالفعل يكفي شرف المحاولة
الى جانب مكسب صاحب القلم
انه قدر يخرج مابداخله من احساس

موفقين يارب دايما
وصدقوني مهياش مجاملة ان في ناس
بتتقدم كتير من خلال المسابقات دي
وبتستفيد بشجاعتها في الكتابة والمحاولة

تقبلوا تمنياتي للجميع بكل الخير


وشكر خاص لك يامورشوو

[ايمان طلعت]

اللى خرجوا اقلام مميزة
لكن الحظ لم يحالفهم
ومبروك الصعود للنهائي
مسابقه شيقه منك مورشو
تحياتي

[العاشق الذى لم يتب]

كل التحية وكل التقدير
للغالى والشاعرمحمود اوزيد
والفنانة المبدةعة صاحبة الحس الراقى هبة
وكل التوفيق للقديرة الرائعة اختى السفيرة عزيزة
وكذلك التقدير والتجيل للفاضة الكريمة رونى
وشرف لى أكون معهما فهما اللتان يحق لى أن أفخربوجودى معهن
والشكر الكبير للجنة والتى تمنيت اعرفهم لأشكرهم
كل بأسمه
وأيضا الشكرموصول لصاحب
الفكرة والمسابقة الفريدة من نوعها
وطلع المرة دى بيتكلم بجد
مش بيعمل مقالب زى عادته
مرشو
وان شاء الله ربنايقدرنا ونقدم مايفيد الجميع
مع ملاحظة ان المقطع الموسيقى لم يكن
كافيا ووافيا او يدل مدلول معلوم
إذن سنرح بالخيال مع الموسيقى
ليفيض كل واحدمنا
مابداخله من معانى
تحياتى

[مُنـــــايا]

جميعهم أقلام مميزه يستحقوا كل تقدير وإحترام
بالتوفيق إن شاء الله

[Lamees]

متألق يا مورشووو ما شاء الله كعادتك
المسابقة جميلة وأجمل ما فيها لمتنا مع بعض
بشكر هبة ومحمود أقلام تستحق التقدير
وبحي زملائي في المرحلة الأخيرة
موفقين دايماً

[محمود أبوزيد]

احترم قرار اللجنة واسعدني المشاركة

[Stop Ana Eltop]

حقا حقا وكلام جد والله مش هزار

انا متفاجئه من القرار بتاع اللجنه دا

يمكن انا شايفه انى كنت استحق اخرج من اول مرحله مش من التانيه
بس فى المرحله دى بالذااات بالذاات مكنتش استاهل انى اخرج لاسباب احتفظ بيها لنفسى

رائ اللجنه يحترم طبعاا واهى حاجه تعلم لبعد كدا محدش يشترك فى مسابقات مش قده او محدش يشترك خاالص

وفخوره انى طلعت المرحله دى طالما فيها اغانى فى المرحله التالته

يلاا بالتوفيق للجمييع بقن
وتشكرى يا لجنة التحكيم