حلقه جديده من ( اجمد عضو ) معنا ( Aya 7ekaya )

[morshooo]

بسم الله الرحمن الرحيم

مزاج الخير

اهلا بيكم

وحلقه جديدة من

( اجمد عضو )



ضيفه حلقه النهاردة

عضوة متميزة بتشتغل ( بهدوووووووووووووء )

مالهاش دعوة بحاجا اساسا من النوع الى بيدخل المنتدى

للاستمتاع فقط واكيد مش بتلاقيه فى المنتدى اليومين دول

معانا المراقبه المتميزة /

Aya 7ekaya



تعالو نشوف ياترى قالت ايه




س / اهلا بيكى فى اجمد عضو ؟

أهلا وسهلم

س / كنتى مستغربه ليه من الاستضافه ^_^ ؟

مش مستغربه ولا حاجة كلو زالفل

س / فى البدايه ايه الاختلاف الى حصلك بعد ما بقيتى مراقبه ؟
يعنى ايه الفرق بين المراقب والمشرف ؟

والله هو فى فرق كبير المشرف مسؤلياته محدوده يمكن فى حاجات كتير ف المنتدى

كانت بتحصل ماعرفتهاش غير لما بقيت مراقبه

س / بعد ما بقيتى مراقبه ايه الاختصاصات الى انتى مكلفه بيها ؟ والا الامور عادى اى
مراقب بيعمل اى حاجا فى المنتدى ؟ بعنى المهام كلها واحده للجميع ؟

لا مش المهام واحده هو مهامى فى المقام الاول اقسام حواء

س / انتى مع ان مشرفين قسم ادم يكونو بنات مش شباب ؟


هى مش فكرة شباب او بنات هى فكرة مين حابب القسم وقادر يشتغل

فيه كويس يعنى الاء لما كانت ف القسم كانت شغاله كويس ماحدش

ينكر رغم انها بنت




س / لو فى تقصير من احدى مشرفات الاقسام الى بترقبى عليهم ؟ هيبقى ايه موقفك
معاها ؟

لا الحقيقه مش باخد اى موقف

بحاول اسال عليهم او سبب ظروفهم زى ماعملت مع سارة بنت مصر مثلا

بس مش اكتر اى حاجة تانيه تخص الادارة

س / بتزعلى من النقد والا لا ؟

فى نقد من اجل النقد وده مش بحبه ناس بتحب تقول وحش وخلاص

وفى نقد علشان تبين لحد حاجة مش واخد باله منها بود او خوفا عليه

وده مش بيجى غير من الناس معينه انا بحترم النقد ده جدا

س / اكيد سمعتى ان البعض استغرب ترقيتك وكان السبب ؟ انك بتغيبى لفترات كبيره ؟
تحبى تقوليلهم ايه ؟

لا ماحدش استغرب وماسمعتش الموضوع خالص الحقيقه

لانى مش بغيب فترات طويله ولا حاجة نهائى يعنى المرة الوحيده وكانت من فترة ايام

ترقيتى لمشرفه VIP دى كانت اخر مرة غبت فيها فترة لاسباب انقطاع النت لكن حاليا

وقبل المراقبه كنت بدخل بشكل يومى وبحاول حاليا اوازن بين وقت دراستى ووقت

المنتدى

س / انا شايف ان مجهودك كله بتطلعيه فى الاقسام الى مشغاله ؟ مش خايفه لاحسن حد
يقول انك مختفيه ومفيش حاجا قويه ليكى كمراقبه ؟

هو دورى كمراقبه انى ادور على الاقسام اللى مش شغاله دى واشغلها اصلا

بدون بقا ما افكر ف وجهه نظر حد طالما انا بحاول اعمل اللى عليا والصح




س / مابتزعليش لما تنزلى مواضيع ومحدش يرد عليها فى الاقسام دى ؟

يعنى هى حاجة تضايق بس بيكون عادى لانى بكون عارفه ان القسم مش نشيط

ف متوقعه حاجة زى دى

س / ايه الصعوبات الى بتوجهك فى المنتدى الفترة الحاليه ؟ وبتواجهك كمراقبه ؟

الصعوبه الوحيده والحاجة ال مشيقانى كتر المشاكل اللى انا مش بحبها

ولا بحب اتدخل فيها بس احيانا بدورى كمراقبه لازم اتدخل

س / ايه رئيك فى المنتدى الفترة الحاليه ؟

المنتدى محتاج الاعضاء يحبو المكان زى زمان مش يدخلو

علشان يتخانقوا مع بعض ويقفو على الواحده لبعض

لان مهمه اننا نرجع المنتدى احسن زى ماكان مش دور الادارة بس

س / بس دور الادارة انها تحتوى المشاكل ؟

ده اكيد وانا مش بقول ان الادارة عشرة على عشرة لكن

مش تبقى الاعضاء شغاله مشاكل وحوارات ونقول كلو ع الادارة

يعنى ال انا بلوم عليه ان اى حد يعمل مشاكل او قلق ف المنتدى يتحظر

وبكده هيرجع الوضع هادى بس الادارة ديما بيكون ليها اراء تخصها




س / انتى مع الشفافيه فى اتخاز الاجراءات الاداريه والا لا ؟ يعنى عضو اتحظر او
اتشال من منصب او اتحزفله توبيك يتقال الاسباب والا لا ؟

اه طبعا يتقال ..

س / شايفا ان المنتدى بيخسر اعضاء كتير الفترة الاخيرة ؟

اه فعلا خسر ناس كتير بسبب الزهق والخلافات

س / مفيش حاجا فى دماغك حابه تطرحيها الفترة الجايه فى المنتدى عشان تنشط المنتدى ؟

لو فى حاجة اكيد هنفذها ان شاء الله ^^

س / تحبى تقولى ايه لاعضاء المنتدى ؟

ارجعوا زى مان

س / ساعات كدا فى اعضاء مسجلين معانا بس بيدخولو ( زائر ) ماتقوليلهم هم كمان
حاجا ؟

مكسوفين من ايه




وبكدا بتخلص حلقه النهاردة

استنونى وحلقه جديده

وضيف مميز الحلقه الجايه

( اجمد عضو )

[مُنـــــايا]

أيه من الشخصيات الجميله اللي بحبها وأحترمها فعلا
هي شخصيه هاديه وجميله وعقلانيه
ربنا يوفقك حبيبتي
يسلموا لجهودك مورشو
لروحكـ السعاده

[ندى المهندس]

جميله أيه وشخصيه محترمه

ربى يسعدك اختى ويوفقك

موضوع رائع وضيفه أروع

احترامى للجميع

[الأميرة رودي]

يوشا بنوته جميله
وتعاملى معاها مش على أد المنتدى فقط
حد راقي وعقليه ممتازه
ربنا يكرمك ويوفقك فى حياتك ودراستك
استضافه مميزه مورشو
اسئله خفيفه ومتنوعه
تسلم

[بسمة حنان]

شخصيه محترمه
وحلقه مميزه ورائعه

[جبل عالي]

ايوياااا ياجميلة ربنا يوفقك دايما يارب

وان شاءالله كله يبقى زي الفل



استضافة هادية جدااا زيك وردود جميلة
تسلمي يارب ويسلم قلبك



موضوعك حلو امورشووو
ويارب نشوف استضافات للجميع
تسلم ياكاريزما

[انا جيجي]

اية انسانة جميلة ومتعاونة مع الكل

حلقة مميزة ا.احمد

[Arco Baleno]

منوره حبيبت قلبي ايه
واجاباتك رقيقه وهاديه جداااااا مثلك
وانتي من الناس الي بحبها من قلبي
واحسها كلها حنيه ورقه ولطافه وفنااااانه وموهوبه وخجوله
الله يحميك ويحفظك يا اختي الجميله ايه
واجاباتك نقيه وصافيه مثلك
حلقه جميله يامروشو واختيار رائع الى حبيبتي ايه

[Silver Flower]

نورتي الاستضافه يا قمر

[Words Whisper]

آية من الناس الراقية المحترمة
مش ف حد كامل وعشان كدا المراقبين ولاداريين أكتر من واحد
عشان يكملوا بعض واللي حاجه ناقصاه التاني يسد مكانه ..


شكراً أ.مرشدي
نورتِ آية ..