عوده قويه - صوره من امتحان اللغة العربية للثانويه لسنة 2025‏

[ضى القمر]

السلام عليكم
اخوانى واخواتى بعد غياب طووووووووويل
اقول لكم انى عثرت على نسخه من من امتحان اللغة العربية للثانويه العامه لسنة 2025‏
لكم الامتحان
.
.
.
.
.
.
.


أقترح إضافة بوستر للشاعرة فى ورقة الأسئلة مما يساعد الطالب فى معرفة سمات المدرسة التى تنتمى إليها.









من قصيدة أواخــر الـشـتــا



للشاعرة/ إليسا أبو ماضى



كنا فى أواخر الشتا قبل اللى فات

زى اليومين دول عشنا مع بعض حكايات

أنا كنت لما أحب أتونس معاه

أنا كنت باخد بعضى واروح له من سكات

أجب عن الأسئلة التالية:
1- علام يدل التعبير بصيغة الماضى؟ ولماذا اختصت الشاعرة الشتا قبل اللى فات؟
2- فى أى فصل من فصول السنة كتبت هذه القصيدة؟ (مستدلا على ما تقول)
3- علام يدل التعبير (أنا كنت باخد بعضى وأروح له من سكات)؟
4- أيهما أفضل (أنا كنت باخد بعضى) أم (أنا كنت باخد تاكسى)؟ ولماذا؟
5- اختر الإجابة الصحيحة مما بين القوسين:
- الجمال فى قولها (عشنا - معاه): (تصريع - جناس - حسن التفات)
- (أروح له من سكات) المقصود ! بها: (دكاكينى - دحاليبى - ذرابيئى)
- مصدر كلمة (أتونس): (تَوَنًّس - تُونِس - تَنَاسَى)
- (زى اليومين) مجاز مرسل علاقته: (الكلية - المدرسة - الحضانة)


*****

والناس فى عز البرد يجرو ويستخبو

وأنا كنت باجرى وأخبى نفسى قوام فى قلبه

ولحد لما الليل يليل بابقى جنبه

وأفضل فى عز البرد وياه بالساعات

أجب عن الأسئلة التالية:
1- هات من الأبيات مضاد (النهار), وكلمة تؤدى معنى (معاه)
2- يرى بعض النقاد أن تكرار (فى عز البرد) أضعف المعنى. وضح ذلك مبينًا رأيك.
3- إلى أى مدرسة شعرية تنتمى الشاعرة؟ وما أهم سماتها؟ (بدون غلط)
4- هل ترى أن هناك علاقة بين (عز البرد) و (عز الدخيلة)؟ أم أنها تشابه أسماء؟!
5- أيهما أفضل (ولحد) أم (ولغاية)؟ ولماذا؟


*****

على سهوة ليه الدنيا بعد ماعشمتنا

وعيشتنا شوية رجعت موتتنا

والدنيا من يوميها ياقلبى عودتنا

لما بتدى حاجات قوام تاخد حاجات

أجب عن الأسئلة التالية:
1- اختر الإجابة الصحيحة مما بين الأقواس:
- (على سهوة) تفيد: (السرعة - العجلة - الموتوسيكل 'البجاج الهندى أبو 7')
- (عيشتنا - موتتنا) تفيد: (التضاد - التأكيد - الحيرة فى اتخاذ القرار فى السقعة)
- كلمة تؤدى معنى (شوية): (بعضشى - حفان - قيمة مقطف)
- المقصود بـ (يوميها) فى الأبيات: (يوم العاركة - يوم الخناقة - يوم الكرامة)
2- اشرح الأبيات شرحًا مفصلا باختصار.
3- أيهما أفضل (ياقلبى) أم (يانضرى)؟ ولماذا؟
4- يتضح فى الأبيات أن (الدنيا ملهاش أمان .. خالص). وضح ذلك مستدلا على ما تقول.
5- استخرج من الأبيات مايدل على:
- عشمنى بالمحبة وشعلقنى بالهوا، حايلته حبة حبة زودها واتلوى.
- زألطنى الحب زألوط، نمت فى بنها صحيت فى أسيوط.


*****

وسط الشوارع ناس كتيرة مروحين

والناس ياقلبى هما هما وهو فين

وأنا ماشية باتلفت وباسأل كل يوم

بيعمل إيه دلوقتى وبيحلم بمين

أجب عن الأسئلة التالية:
1- يتضح فى الأبيات الشوق اللهفة وتطلع الشاعرة لرؤية (اسم النبى حارسه). اشرح
2- يؤخذ على الشاعرة (وأنا ماشية باتلفت). وضح ذلك مبينًا مدى التعارض مع قواعد المرور


اتمنى ان تكون الاجابات سهله على الممتحنون
ولكم تمنياتى بالتوفيق

اخوكم اسامه

ض ى ا ل ق م ر

[ليتني همك]

السلام عليكم ورحمة الله وبركاته

ههههههههههههههههههههه

والله دي اخرتها ههههههههههههههه

مشمووووووووووووووور
ن

[lorraa]

هههههههههههههههههه
ولية سنة 2025 ما نخليها من دلوقتى احسن
هههههههههههههههههههه
احنا لازم نعمل مظاهرات علشان الأمتحان يبقى كدا
ههههههههههههههه
تسلمى ياضى القمر على الموضوع والأسئله اللى مش ليها حل

[BatoOota]

هههههههههههههههههههههههه

موافقيين على الامتحان دة

بس يجيبوة دلوقتى

ههههههههه

شكرا ليكى عالموضوع اللذيذ

[Ṩỉℓέหт Đяέąм]

ههههههههههه
ليه بس الفتره دي كلها
مايجبوه من دلوقتي واانا موافقه هههههههههههههههه
يسلمووو علي التوبيك النايس

[abdelmola]

ههههههههههههههههههههه
بجد موضوع تحفه
ويارب يحصل ههههههههههه

[بنوته شقية]

خلاص امتحناه السنة دي وخلاص يخلوه السنة الجايه بقي

[al janah lovers]

ههههههههههههههههههههههههههههه
ههههههههههههههههههههههههههههههه
بجد لا تعليق
امتحان مالهوش حل بس يجيبوه والناس كلها هتنجح فيه
موضوع رااااااااااااااااااائع
thank uuuuuuuuuuuuu