الاخوان مش ارهابيه

[phalsteen]

مساء الخير
النهاردة شديت مع خالي لاول مرة في حياتي
لانه ببساطه وسط النقاش قال

الاخوان ارهــــــــــاب

انا طرف محايد في رأيي السياسي
يعني احب اقول الغلط واقول الصح
مصرية وبس يعني ماليش في حكاية انت تبع مين دي

وانا صغيرة وفي سنه اولي ابتدائي كان ليا واحدة صحابتي
وزمايل ديسك واحد عيلتها كلها اخوان
وباباها قيادي كمان وحاليا مسجون

دخلت بيتهم اكتر من مرة
واكلت معاهم
اخواتها كلهم شباب
كانوا بيعاملوني احسن معامله

انا متحجبتش غير في ثانوي للعلم بالشئ
يعني كنت بدخل بيتهم وانا مش محجبه

وبذاكر معاها وكانت متفوقه وحاليا هيا دكتورة
والوحيدة اللي لحد دلوقتي رغم اننا اتفرقنا
اللي لسه بتسأل
ولما تنزل اجازة لانها مقيمه برة بلدنا
بتيجي تزورني

اتعلمت منها كتير وكانت مليانه طيبة وبراءة

باباها يوم وفاه والدي سابها عشان تبات معايا
ويوميها قالي اعتبرني والدك
وهبعتلك صاحبتك كل يوم تسأل عليكي
واي حاجة انا هعملهالك

ولا مرة حاول يعاملني وحش عشان يحجبني عافيه مثلا
ولا يقولي لابسه كدة ليه
ولا حتي مرة شوفت منه اي حاجة وحشه

شوفته كافل ست يتيمه بابنها
لانها جارته رغم قله مرتبه وولاده اللي كلهم جامعات ما بين طبه وهندسه

شوفته في كل عزا وكل فرح
شوفت حب الناس ليه واهتمامه بيهم
شوفته ازاي بيربي اولاده تربيه حلوة اوي
وبابا نفسه اللي كان ظابط في الجيش كان بيحترمه اعلي احترام

الانسان دا حاليا محبوس وبيقولوا عليه ارهابي

ورحمه امي وابويا لو شوفت بعيني بيقتل ولا بيحرض
ما هصدق

يبقي ازاي ارهاب ؟

مش كل الاخوان غلطوا
عشان نعمم بالشكل دا ؟


ايه الحل حاليا

مطلوب ننفيهم مثلا ؟

نخرجهم بره بلدهم ونقولهم ارهابيين ؟

ليه العنصرية اللي بقينا فيها دي ؟

ليه بناخد الكل بذنب الجزء ؟

الانتماء السياسي ممكن يخلينا نكره بعض ؟

ياتري مالكش جيران اخوان ولا واحد صحابك
ولا واحد من عيلتك

دول كمان ارهاب ؟

اي حد لييه دقن يبقي ارهابي
اي حد بيقول مش موافق ع مرسي ولا المظاهرات يبقي كافر
اي حد بيقول انا مصري وبس يبقي جاهل

لحـــــــــد امته ؟؟؟

[۩۩ elMagic ۩۩]

اكيد التعميم في الشئ بيدل على جهل المجتمع
البلد دي عايزه معجزه عشان الناس تتحلى بالتعقل وتهتم بمصلحة البلد
ربنا يهدي الحال

[واد حبيب]

مش كل اﻻخوان ارهاب
ومش كل اﻻخوان ملاك
انا اتعملت مع ناس كتير اخوان
شوفت منهم الحلو وشوفت منهم الوحش
المفروض لزم يكون فيه عقل
اللي اقول عليه ارهابي هوه اللي بيحرض علي القتل

[phalsteen]

اقتباس المشاركة الأصلية كتبت بواسطة ۩۩ elmagic ۩۩ اكيد التعميم في الشئ بيدل على جهل المجتمع البلد دي عايزه معجزه عشان الناس تتحلى بالتعقل وتهتم بمصلحة البلد ربنا يهدي الحال

كفايه ان ربنا ذكرها في القرأن
ان شاء الله ربنا يصلح الحال
وترجع الامور بنا افضل

[phalsteen]

اقتباس المشاركة الأصلية كتبت بواسطة واد حبيب مش كل اﻻخوان ارهاب ومش كل اﻻخوان ملاك انا اتعملت مع ناس كتير اخوان شوفت منهم الحلو وشوفت منهم الوحش المفروض لزم يكون فيه عقل اللي اقول عليه ارهابي هوه اللي بيحرض علي القتل

اهو هو دا المغزي من التوبيك
اننا منعممش
لان استحاله يكون الاخوان ارهاب
كلنا فينا دا ودا
وعندك حق اللي يحرض او يقتل
يبقي ارهابي سواء اخوان او غيره

[السفيره عزيزه]

نعم هم من نسيج هذا الوطن ولهم كل الحقوق
ولا يمكن الموافقه على تصنيفهم ارهابيين.
حتى ولو كانوا قد انتهجوا العنف قديما نحن
نحكم عليهم الان.لما كل جريمة تلصق بهم
والاعلام يضخم ويشيطن ويثبت التهمة عليهم
قبل التحقيقات ...نرفض إقصاء أي فصيل
مصرى او إضطهاده او إهانته .حتى ولو كان
على غير الملة .لهو حق العيش بيننا فى آمان
تبا ثم تبا لكل قاتل لكل موافق على القتل ولكل
مساهم ولكل من يدعوا الى الانقسام وينفخ فى نار
الفتنة النتنة .حسبنا الله ونعم الوكيل..
الله اسال ان يوحد الصف
ويعلى الحق ويحفظ الحبيبة
مصر وسائر بلاد الاسلام

احسنتى وجل احترامي
السفيرة

[world]

الاخوان ارهاب
انا ليا صديقه من عائله اخوانيه لكن هيا مش بتميل ليهم اتبري منها اهلها و عمها وولاد عمها منعو دخولها البيت عندهم
دول بقي كانو ليل نهار معاها اخوات بياكلو ويشربو مع بعض
لكن ساعت الوصلو للسلطه محدش يقدر يبعدهم

ويريت تششوفي كلام الشيخ الشعراوي عنهم لما ترك جماعه الاخوان
كان زيك كده مبهور بيهم ولما عرفهم خرج بسرعه من الجماعه

انت زيك كتير من الشعب كان حاببهم عشان كلمتين حلوين
هما نفسهم ال كانو بيقولو السيسي مرشح بطعم الثورة وبعدها بقي كافر وفلول لانه حرمهم من السلطه
هما ال قعدو يقول عرس دمقراطي ولما الشعب نزل ضدهم قالو شعب متخلف كافر

تعالي افكركم لما عضو كبير ف الاخوان اتسال الله ولا علم الاخوان قال مش عاوز اجاوب
دا اغلي من ربنا عندهم واكيد احنا اقل اهميه عندهم لو احطينا بجانب السلطه
لازم تفرقي بين هدف الجماعه وبين علاقه اطفال مع بعض قبل الوصول

[Aya 7ekaya]

انا كمان مؤيده لكلامك ي سما\عمرهم ما كانو ارهاب انا شوفت بنات كتير كانو معايا اخوان عمرى ماشوفت منهم غير الادب والاحترام بغض النظر عن الجانب الدينى عندهم ماشاء الله

ال بيقول عليهم ارهاب بيردد كلام بس سمعه مش اكتر


ربنا يهدى العقول ال جهل هيفضل طول عمره جهل

[morshooo]

تفكير الجماعه اكيد ( ارهابى )
الى يكفر والى يحلل دم حد يبقى
اكيد ارهابى .
والمقصود بيهم الجماعه وقيادتها
وليس مؤيدين الجماعه

[world]

اقتباس المشاركة الأصلية كتبت بواسطة morshooo تفكير الجماعه اكيد ( ارهابى ) الى يكفر والى يحلل دم حد يبقى اكيد ارهابى . والمقصود بيهم الجماعه وقيادتها وليس مؤيدين الجماعه

والقاعده هتقول ان ال يايد الجماعه ال بتدعو للقتل
اكيد ارهابي زيهم
فالشعب حين يعمم يكون ع حق