ماذا تفعل لو كنت مكاني ..مع البرنس رامي

[جبل عالي]

السلام عليكم ورحمة الله وبركاته


هنبدأ مع بعض فكرة برنامج لقائي مع بعض
وفكرته بتدور في حجات ممكن تحصل لنا بيومنا عادي
منها احداث مفاجئة ومنها متوقع ومنها غريب

هنحاول نعرض بعض المواقف اليومية ونشوف رد فعل الاعضاء ايه


والنهاردة أول حلقة معانا

الراقي والمميز جدا وصاحب كلمة إبداع بالمنتدى



البرنس رامى

مشرف الإبداعات الأدبية سابقاً

فهو عضو قديم غاب عنا لفترة ثم عاد وظهر

ويسعدني اقدم لكم هذا الحوار معه
@@@@@@@@

السلام عليكم ورحمة الله

وعليكم السلام ورحمة الله وبركاته

منور المكان اخي الراقي

النور نورك اختى الانيقة جبل عالى
تريقة دي ولا...

يسعدني ان تشاركني بالرد على هذه الاسئلة

ولك كامل احترامي وتقديري

الشرف لى جبل عالى بكل حب اكيد سأجيب

ماذا تفعل لو كنت مكاني ؟؟
*************

لو نزلت من بيتك في ميعادك واتأخرت في مواصلاتك

وبسبب التأخير اتهزأت من مديرك ولا من مدير مدرستك ؟

فى البدايه هعتذر عن التأخير واقول للمدير الظروف
اخذ بها اهلا وسهلا

لم يهتم عادى جداا اللى بيسرى عليا يسرى على غيرى
وسوف اتحمل اى عقاب عدا السب او الشتيمه
(يعني ضرب موافق؟)
@@@@@@@

لو وانت خارج عزومة مثلا ومجهز اللي ع الحبل وفجأة لقيت في قميصك

لقيت فى القميص ايه فلوس قطع زرار مقطوع حددى لو تكرمتى

بقية السؤال وقع في السكة
بس ملحوقة يابرنس هترد كعادتك اكيد
وهي بقعة فعلا او قطع

@@@@@@

فجأة إتصل بيك صديق انت مش بترتاحله اوي وقالك انا محتاج

اتكلم معاك وافضفض ؟؟؟

لازم اسمع له واكون صادق فى التعامل

الراحه من عدم الراحه لاتمنعنى من امد له
يد العون واسمعه مهما كان
(طب والله برنس فعلا)
@@@@@

وانت في مواصلات وراجع تعبان ومش قادر واول مالقيت كرسي قعدت

ولقيت قدامك بعد شوية راجل مش كبير بس شكله هلكان وبيبص لك اوي؟؟

هقوم بكل حب وأقعده مكانى وهرتاح وقتها لأنى عملت الصح
(مش بنقول برنس)
@@@@@

انت واقف على محطة وجه الاوتوبيس ويادوب هتحط رجلك

راح السواق دايس فرامل وطالع وسابك؟؟

هاخد الاتوبيس اللى بعده هعمل له ايه
ربنا اللى هيحاسبه اكيد
ونعم بالله
@@@@@@

اتخصم لك من مرتبك مبلغ كبير ومخنوق ومتعصب اوي ورجعت بيتك

لقيت الاكل بتاع امبارح بيتقدم لك ؟؟

هاكل وانا مبسوط ومش هعمل مشاكل
او لو مش عاوز اكل هتحجج بأنى كلت بره او بأى حجه
المهم مكسرش خاطر مراتى اكيد لها ظروفها
(هو في كده!)
@@@@@@

قمت يوم اجازتك لقيت الوالدة بتقولك يللا عايزاك تيجي معايا مشوار

والمشوار ده انت متأكد انها ممكن تعمله لوحدها او تأجله ؟؟

انا اتمنى ان امى تطلب منى عيونى
مستعد اخد لها ايام اجازة لكى اكون معاها
مش يوم واحد انا عن نفسى بعشق امى
وبرتاح لما ابوس رجلها جداا
(ربنا مايحرمك منها ويبارك فيك)

@@@@@@

دخلت مطعم وأكلت وشربت وجيت عشان تحاسب

فوجئت انك نسيت محفظتك ف البيت ؟؟

بسيطه اتصل باقرب شخص ليا
او اقول لصاحب المطعم على الظروف واترك له رهن
وحصلت معايا بس مكنتش نسيت الفلوس
كنت اتسرقت وعدت بسلام
وصاحب المطعم متكلمش وتانى يوم رحت حاسبتهم
(الحمدلله حظك حلوووو)
@@@@@@@

قابلك واحد جارك ع السلم وإستأذنك في مكالمة من فونك

واتفاجئت انه بيتصل على ابنه اللي فوق في الشقة ؟؟

طبعا موقف بايخ ويزعل ولكن التمس لأخيك العذر
يمكن تعبان او فيه مكروه
ولو اقدر اساعده هساعده انا فورا
برضوووووووو
@@@@@@

وهنا بيخلص اللقاء والرد على المواقف
المتنوعة والتي من خلال الرد التلقائي عليها
نقدر نعرف اللي بيرد اعصابه ازاي
وبيتصرف في المواقف بأي طريقة

ولك جزيل الشكر لهذه الاجابات التي
أظهرت لنا شخصية البرنس رامي فعلا

الشكر موصول لكى اختى المحترمه جبل عالى

شكرا لدعوتى ربى يكرمك

********

والى لقاء جديد ان شاءالله
تابعوناااا
وماذا تفعل لو كنت مكاني ؟؟

[العاشق الذى لم يتب]

ماشاءالله عليك ام عبدالله
مذيعة ومحاورة من الدرجة الاولى
ومرحبا بك وهذا البرنامج الجميل
ومضمونه وأسألته
أحييك على البرنامج ومافيه
الأخ الفاضل البرنس رامى
إنسان راقى وغالى
كثيرا ماقرأت له
وكان هنا مميزا ورائعا
وكل إجابته تشيرلسمو خلقه
وحسن تصرفه
سعدت أن أكون أول المارين هنا
لكمامنى
كل التحية

[Silver Flower]

يا عيني يا عيني
شو هال إجابات الحلوه والمنطقية
برنامج حلوا وضيف احلى

[السفيره عزيزه]

جميل البرنامج والاستاذة المحاوره ايه
ما شاء الله .ربنا يديم التألق والرقي
وكمان ضيف البرنامج الاجوبه
معتدلة وموزونه اوووى
من شخص قدير

جميل البرنامج ومع ضيف
جديد ننتظر
احسنى جبلووو ودمت بخير
السفيرة

[يحيى الفضلي السودان]

لا ترفع من صوتك بل ارفع ثقافتك
البرنس رامي
القديرة جبل تابى الكلمات ان تخرج

احترما لكم

في معية الله

[انت احلى الناس]

فكره جميله
وحلقه اجمل

تسلمي ايدك على البرنامج

[شاعر الحب الحزين]

البرنامج جميل يا حركاتك يا جبل يا عالي

لا وكمان التعليقات ع الإجابات خفة دم وضحكتني

البرنس روميو ده حبيب الشعب

اجاباته بتدل على انسانيته الجميلة ومشاعره النبيلة

ربنا يوفقه ويسعده

خطيرة يا جبل ومبروك بداية البرنامج الجميل ده

في انتظار المزيد من ضيوفك الكرام هنا

احترامي وتقديري

[انا جيجي]

برنامج جميل وفكرته حلوة قوووووى

[داليا الشاذلى]

السلام عليكم ورحمة الله وبركاته
الصراحة انا عمري ما شفت منتدي بالجمال ده

واكتر من كده الناس الموجودين فيه احلي من كده بكتير

[الأميرة رودي]

برنامج جميــــل جدا
اجابات رامي هاديه وحسه انه متسامح أوي
يعني ممكن يعذر زوجته وجاره وسواق الاتوبيس
صفات حلـوه كده يارب تكون موجوده فى كل الرجال

تسلمي جبل فكره البرنامج عجبتني
وفعلا بتعرفنا على مدى تحكم كل واحد فى نفسه وعصبيته
ف انتظار ضيف جديد
بالتوفيق حبيبتي