جايلى عريس معرفوش

[انا جيجي]

مساء الورد عليكم

انهاردة عاوزة اخد رياكم فى موضوع شاغلنى قوووووووووووووووى هو فكرة ان العروسة تقابل عريسها الى متعرفوش

بمعنى انا هتكلم عن نفسى وعن معظم البنات

لما بيجلها حد متعرفوش وباباها يقولها ان فىى عريس جى يشوفك

تفتكرو البنت تعمل ايه اقولكم انا

طبعا هتلاقى بقا البيت كله بيلف حوالينا بعضه هههههههههههه

مدووباهم 15ههههههههههههه

بس ده مش موضوعى انا موضوعى

لما العريس يشرف ليه دايما بحس انه عامل زى عرض الازياء للعروسة والعريس

العريس بيكون قاعد غرقان من جواه بس عامل نفسه عبيط قدام الناس وكانه بقا ايه انور وجدى فى زمانه ويكون معاه بقا الفاميليا بتاعه مامته وباباه واخته ماهى هيصة بقا

جاين بقا يعاينو البضاعة يا اما تاخد استمارة القبول يا اما تاخد استمارة6 وتترفض

ياترى حد بيحس بالانسانة دى لما تترفض طبعا لا

الولد مش هتفرق معاه يدخل بيت او حتا 10انما البنت بيفرق عندها كون انها تترفض ده بخليها تحس باحساس صعب قوى

سؤالى ياترى لو اتعرض او اتعرضى للموقف ده تعمل او تعملى ايه

احساسك ايه او احساسك ايه

[السفيره عزيزه]

يا نهار ابيض طيب بس هو فين
شويه ماتوا وشويه اعتقلوا وشويه
ينتظرووون ذالك.دا ال انا قلت طيب
بس هو فين..

اما بئه قضية عرض العروسه على العريس
دى سنة مؤكده .هو كل العرايس والعرسان
عرفين بعض لا .هناك كتير اوووى جاءو
عن طريق الاقارب والاصحاب وكده.
فلا بد ان ينظر اليها.ويكون لها ضوابط
واحلت السنة المحمدية ان ينظر اليها دون علمها
يعنى وهى خرجة مشوار او ما شابه .حتى
تتعرض لما طرحتيه وقت عدم اقتناعه بها
وعلى فكره ..ممكن اوووى هو ال ما يعجبها
ايوه .ما تتمناه مش فيه .مش عارف يتكلم عدل
قال راى ما ينفع فى اول زياره علشان بخته العدل
وبعدين فيه اصلا مقدمات للزياره.
بتصلى البنوته صلاة الاستخارة .ويااااربى على
سرها العجيب .سنة المصطفى الحبيب بئه.
لابد ان يكون هناك منافذ حبيبتى لمن لا
يتقابلا قبل الزواج ..وهو بيت العروس
وما دام اقره الدين لابد ان نقره نحن
ربنا يزوج الشباب زوجات صالحات
ويزوج البنوتات ازواج صالحين
ياااارب

موضوع موفق
ودمتى بخير
ومبروك للعروسين

السفيرة

[العاشق الذى لم يتب]

حلوة الحكاية دى اوى ياجى جى
ماهو فى مجتمعنا الحكايات دى من مان
وكمان فى الدين يقول من حق الطرفين
يقبلوا اويرفضو
وليس عيبا فى ذلك
شكرا جى جى
لطرح جليل

[الفيلسـوف]

والله ع حسب الموقف ماهو ممكن الولد هو اللى يترفض هههه ع مااعتقد انى اتعرضت للموقف ده مره واحده ف حياتى والمشكله انا ما كنت اعرف البنت ولا شوفته وبعد كده طبعا ف كل بيت اتقدم محمود وانا ما وافقت بيه هههه اتفضح ف كل بيت مع انى صادف الموقف ده انى قبل ما تروح ولدتى ليها كنت عامل استخاره فيها وطلعت وحشه ووقتها ما رضيت احرجها بس انا بتفق معاكى ف حته انى البنت تختلف ع الولد بس اعتقد انى ف عقول متفتحه بتدك ده كويس انى دبه قسمه ونصيب ممكن يكون اختلاف الفكر الطبيعيه
ولكن اتمنى انى ربنا يوفق كل البنات يارب او الاولاد ويرزقهم حسنه الدنيا الزوجه الصالحه

[نادر المصريِ]

"
ليه الحساسية دي
واد مز عريس جاي البيت يا اهلاً وسهلاً بيه
يحصل قبول ميحصلش قبول ده نصيب
ومفيش اي حاجه لو محصلش قبول
لو الاتنين توب ممكن ميحصلش عادي جداً
الأرواح جنود مجندة فيه ائتلاف واختلاف
خدوا الحياة ببساطه
رزق وجاي ويمكن يكون هو النصيب
دايماً نعمل اللي علينا والنتايج علي ربنا
يكفي شرف للبنت ان العريس جاي البيت قدام اهلها
داخل الباب من بيته يعني نيته خير
انا مثلاً لو قالولي عروسه جايه تشوفك هيكون يوم الهنا
ربنا يرزقكم ولاد الحلال

[شاعر الحب الحزين]

بصراحة هو موقف محرج جدا خصوصا لم تم رفض البنت

البنت مهتمة بالجواز اكتر من الشاب وحلمها انها تتجوز وربنا يستر عليها

وتكون اسرة جميلة مع زوجها اللي بتتمناه

حقها تختار الإنسان اللي شايفاه مناسب

بس الحكم هنا هيبقى متاخد بالمظاهر مش اكتر

يعني عروسة حلوة هيتم الإتفاق ولو مش حلوة مفيش اتفاق

تانيا بيتم الحكم عن طريق المهر والطلبات في حال تمت الموافقة

انا بحييكي جيجي على مواضيعك الاجتماعية دايما

تسلم ايديكي وربنا يوفقك ويرزقك ف ابن الحلال

احترامي وتقديري

[SaMa.]

مبقتش فيه كده دلوقتي مين توافق تبقا فورجة ياتتقبل او نوو
قبل ميجى العريس بيكونو ع الاقل عارفين بعض
لانو موقف سخيف اووى

[العندليب الاسـمر]

مهو لو مكنش هيشوفوها بالطريقة دي هيشوفها ازاي

دة الباب الطبيعي لاي خاطب

الا اذا كان عندة الامكانية ان يشوفها من بعيد لبعيد

وكمان انا معاكي ان الرفض بيكون له اثر كبير علي البنت

لكن مننساش انها هية كمان واهلها ممكن يرفضوة

يعني الرفض والقبول شئ متبادل مش حكر عليه لوحدة

عموما انتي رايك الافضل يحصل رفض من اول جلسة لو مستريحوش

ولا يوافق وبعدين تحصل حرب 6 اكتوبر بعد شوية ؟

توبيك جميل وهادف يا جيجي

تسلمي

[شظايا عمر]

اخويا مر بنفس الموقف تقريبا
راح لاسره هو ووالدتي
عشان يشوفو العروسه
وفي النهايه جه وقالي
البنت مفهاش عيب نهائي
بس انا مش مرتاح
ومش عارف ليه
المهم ان الموضوع خلص
بس انا عن نفسي
من حطيت نفسي مكان البنت
مقدرتش اتحمل نهائي
وحسيت باحساس يارب ما يحس بيه حد
وبيني وبين نفسي مقدرتش اسامح اخويا
مع ان دي حاجه نفسيه
لكن العذاب اللي حسيته
من حطيت نفسي مكانها
كان فعلا صعب
ومش عليها بس
علي الام اللي بتكون ياعيني فرحانه انها هتفرح ببنتها
وفي النهاية تلاقي بنتها اترفضت بدون سبب
وتلاقي بنتها مكسوره من جواها حتي لو ما بينتش
وثقتها في نفسها نزلت
اي نعم كل شيء قسمه ونصيب
لكن عن نفسي
مستحيل اقبل بعريس يدخل البيت
وهو مش محدد ان كان عايز ولا مش عايز
مستحيل اكون قاسيه علي نفسي
لدرجة اني احط نفسي في الموقف ده

[العندليب الاسـمر]

الموضوع يطرح سؤالا محوريا بعد كلام الاخت شظايا

اي الطريقين تتبع البنت وايهما افضل

طريق التعرف علي الشخص اولا عن قرب حتي لا يصل الي مرحلة البيت الا والامر منتهي فلا نضع انفسنا في موقف السلعة من ناحية وفي طامة الرفض من ناحية اخري

ام انها تتخذ طريق الانتظار الا ان يمن الله عليها بطارق قد يقبل او قدر يخرج بعدها غير اسف عليها ليدعها وهواجسها واهتزازاتها والامها

في الحقيقة لكلا الطريقين مزاياة ومصاعبة وايضا محاذيرة

قد نتفق او نختلف علي ثلاثتهم ويطرح كل منا راية وفق تجارب او تجارب من حوله

لكن ما لا يجب ان نختلف فيه

ان نخضغ اختياراتنا واطروحاتنا حول المزايا والمصاعب والمحاذير لمرجعيتنا الاصل

الا وهي هل اي تصرف او اختيار او طريقة مقبل عليها ستكون في الحدود الشرعية ام لا

تحياتي للجميع