الحكايه

[أ حمد مصطفى]

الحكايه
حكايه شعب ثار
ورئيس غار كان
حاكم البلد بنار
اصل حمار مش
عارف انى الشعب
زى البركان لو ثار
ما تخمد نار فثار
الشعب وهزمه
على مرحلتين
فقال انا رحل
بس حكم باقى
والظالم باقى
والرشوى والفساد
كل شيئ باقى
كأن فى الماضى
فخسرتك يا ثورة
وخسرتك يا شباب
يللى استشهد فى
الميدان وقالت عايز
حريه من زمان كفايه
ذل وهوان فكفايه
يابويا خزى وعار
بلدى افديها بدمى
وليا عند الغريب تار
اصل حمار ميعرفش
انى حب بلدى بيجرى
فى جسمى من يوم
مخرجت من بطن امى
حتى اسئل كرات دمى
ابيض واحمر والاسود
لونى ولون طين بلدى
الا اناشلت على كتفى
وقلت الغريب ملكش
فيها مكان حتى اسئل
الاهرام تجواب عليك
انك حفرت قبرك بايديك
فمتجيش تقول ارحمنى
ابوس ايدك ابوس رجليك
دى بلدى اغار عليها
حتى من ولدى لو فاكر
يهاجر ويعمر بلد غير بلدى
يومها اشيل كفنى
على يدى وقول خلاص
مات ولدى
بقلمى احمد مصطفى

[السفيره عزيزه]

تحكى الكلمات عن حال واقع بنا
وال ظلم وال نظلم الاثنين من هنا
هنا يعنى بلدى حببتى مصرنا
منها انا وفرح وهنا عشناه مع بعضنا
مين بئه ال فرق بينا وبين بعضنا
وليه نمشى وراه لما قال انتم هنا
ودول هنا..
طيب ازاى نقابل ربنا
ومين ساعتها هيدافع عننا
كل اخونا الى تحت سقف مصرنا
نحبهم ووجعهم وجعنا كلنا
اللهم اسالك ان تجمع شملنا
وانتقم اللهم ممن فرق صفنا
وارنا عجاب قدرتك فيمن
قتل ابناء مصرنا

دمت بخير

السفيرة

[SaMa.]

لخصت الحكايه باحلى كلام
ثانكس

[أ حمد مصطفى]

اقتباس المشاركة الأصلية كتبت بواسطة السفيره عزيزه تحكى الكلمات عن حال واقع بنا وال ظلم وال نظلم الاثنين من هنا هنا يعنى بلدى حببتى مصرنا منها انا وفرح وهنا عشناه مع بعضنا مين بئه ال فرق بينا وبين بعضنا وليه نمشى وراه لما قال انتم هنا ودول هنا.. طيب ازاى نقابل ربنا ومين ساعتها هيدافع عننا كل اخونا الى تحت سقف مصرنا نحبهم ووجعهم وجعنا كلنا اللهم اسالك ان تجمع شملنا وانتقم اللهم ممن فرق صفنا وارنا عجاب قدرتك فيمن قتل ابناء مصرنا دمت بخير السفيرة

ربنا يهدى الحال يارب

[أ حمد مصطفى]

اقتباس المشاركة الأصلية كتبت بواسطة sama. لخصت الحكايه باحلى كلام ثانكس

استاذة صعب انك تلخص نيل ونخيل وحضارة سنين فى شويه كلام ينطق بيهم اللسان صعب انك تحكى الم شعب فى حروف منثور

[جبل عالي]

بكلمة ونص لخصت الحكاية
بس بكره تكون من جديد البداية
لشعب طيب رغم قسوة النهاية

هنحلم ببكره وبرحمة رب البرايا



تسلم اخي الراقي
لرائع طرحك وجميل كلماتك
كن بكل الخير دائما
وننتظر جديدك بكل شغف