ماذا تفعل لو كنت مكاني ..مع العندليب الأسمر

[جبل عالي]

السلام عليكم ورحمة الله

ماذا تفعل لو كنت مكاني والحلقة التانية مع المميز بحضوره
والمعروف بقوة ردوده وأدبه الجم وثقافته الراقية
العندليب الأسمر

العندليب الاسـمر

عضو فوق الوصف

وحوار مميز ان شاءالله

@@@@@@@

السلام عليكم ورحمة الله استاذنا الكبير

تقبل كل تحية وتقدير
ولو ممكن ترد على شوية أسئلة خفيفة كده


وعليكم السلام ورحمة الله وبركاتة
ربنا يكرمك ويعزك جبل
التحية والتقدير لك علي وافر جهدك وحضورك المميز
وربنا يستر
يارب يسترها علينا كلنا

@@@@

ماذا تفعل لو كنت مكاني ؟؟

لو نزلت من بيتك في ميعادك واتأخرت في مواصلاتك
وبسبب التأخير اتهزأت من مديرك ولا من مدير مدرستك ؟

ولوووووووووو ان مبركبش مواصلات وعندي عربيتي وكمان معنديش مدير لان في الشكرة اللي بشتغل فيها انا الحكومة
بس لو كنت مكانك مستحيل هسكت طبعا ومش هسمح له طبعا ايا كانت الاسباب هيطلع العرق الصعيدي واهزق اللي يتشدد له والارزاق بالله


الا العرق الصعيدي عارفااااااااااااه

@@@@

لو وانت خارج عزومة مثلا ومجهز اللي ع الحبل وفجأة لقيت في قميصك

الظاهر الجملة مكملتش
هحاول اداري المشكلة طبعا لو مفيش مجال للعودة ولو فيه هرجع حتي لو رحت متاخر شوية ارحم ما يكون الشكل العام مش ظريف

هههههه نفس اللي حصل ف الحلقة اللي فاتت يادي الاحراج

@@@@@@

فجأة إتصل بيك صديق انت مش بترتاح له اوي وقالك انا محتاج
اتكلم معاك وافضفض ؟؟؟

عادي بالعكس يسعدني ويمكن تكون فرصة لتلطيف علاقتنا

رد جميل وكله طيبة

@@@@@


وانت في مواصلات وراجع تعبان ومش قادر واول مالقيت كرسي قعدت
ولقيت قدامك بعد شوية راجل مش كبير بس شكله هلكان وبيبص لك اوي؟؟

اكيد هقوم واخلية يقعد حتي لو اصغر مني سنا الذوقيات مع السن الاكبر شئ محمود بس في حالات التعب والارهاق ممكن تكون مطلوبة لاي حد وياما الناس مهلوكة في البلد دي بس اللي يحس
وللعلم ايام ما كنت في مصر كنت بشتغل في حاجة فيها عمل شاق وكنت كتير بعمل كدة بس اهل القاهرة الله يسامحهم علطول كنتي تحسي في عنيهم كلمة يا صعيدي

اهل القاهرة غلابة والله هم صوت بس

@@@@@

انت واقف على محطة وجه الاوتوبيس ويادوب هتحط رجلك
راح السواق دايس فرامل وطالع وسابك؟؟

هخبطلة علي جنب الاتوبيس ولو موقفش اكيد هبرطم بالكلام بس مش هفهم انا بقول اية والا كنت قلتلك بس بالعادة صعب اتلفظ بشتايم مع اي حد مهما كان الموقف

دايس مواصلات انت ياعندليب

@@@@@

اتخصم لك من مرتبك مبلغ كبير ومخنوق ومتعصب اوي ورجعت بيتك
لقيت الاكل بتاع امبارح بيتقدم لك ؟؟

بموت في الاكل البايت طبعا .. انتي عاوزة توديني في داهية مع الحكومة
ههههههههههههههه

ياسلام ع الشجاعة !

@@@@@

قمت يوم اجازتك لقيت الوالدة بتقولك يللا عايزاك تيجي معايا مشوار
والمشوار ده انت متأكد انها ممكن تعمله لوحدها او تأجله ؟؟

بس هية ترجع وانا اوديها اخر الدنيا شايلها علي كتافي
ربنا يرحمها ويحسن اليها

صدقت والله ربنا يرحمهم جميعا يارب

@@@@@

قابلت صديق قديم ولقيته بيعاملك بمنتهى البرود
وكأنه ميعرفكش ؟؟

هحاول اشوف فيه اية طبعا ولو ملقتش وش منه يبقي الله يسهلة طريقة
بس انا عادة صعب حد يوصل لمكانة معينة واسيبة بسهولة لان مش بيوصلها بسهولة

نظرية قوية نتعلم منها فعلا

@@@@@

تقبل كل تحية وتقدير


التحية والتقدير لك علي استضافتك الجميلة

وفعلا بشكرك من كل قلبي يا طيبة

الشكر كله ليك ياعندليب للروح الطيبة
ولأسلوب تعامل قيم وراقي جدا




تحيتي لكم جميعا
والى لقاء جديد ان شاءالله

[ساحر الأحزان]

حلقة ظريفة ودمها خفيف جبل

مع حليم

شخصية محترمة ومحبوبة

بتمنى ليكى ولية كل التوفيق

وبانتظار الضيف القادم

[SaMa.]

حلوة ا وى فكره الحلقه واجابات عندليب انسان اوى وطيب
نورت الحلقه وثانكس جبل

[العندليب الاسـمر]

سعدت بحوارك الشيق اختي الفاضلة جبل

والاميز انه جاء من انسانة متميزة اينما حلت

شكرا لك علي استضافتك الجميلة

وتقبلي خالص تحياتي

[السفيره عزيزه]

جميله الحلقه وعرض الاسئله حلو
وردود العندليب موزرنه كتير
دام التالق جبلووووو
مش عرفه اتكلم لسه جاى من
موضوع تعبنى
عموما يدوم النشاط وروعة ضيوفك
السفيرة

[نغم الشام بعد المغيب..]

حلقة مميزة ..لإنسان ناضج خلوق محترم ..

وكل إجاباته متوقعة من شخصه الكريم .


سلمتِ غاليتي جبل على الاستضافة الجميلة

ولكما مني كل الشكر والاحترام

نغـــم الشـــام بعــد المغيــب..

[™Amiliya]

حلقة بجد جميلة
منور عندليلنا
ردودك عقلانية جدا ربنا يحميك

[هادية]

استضافة جميلة جدا

لشخصية محترمة

واجابات لطيفة

تحياتى وتقديري

[حَرفُُ هجآءّ]

لا بجد جميلة ياجبل
الاسئلة جميلة ودمها خفيف
والعندليب رائع باجاباتة
وخصوصا دى بئا

اقتباس بموت في الاكل البايت طبعا .. انتي عاوزة توديني في داهية مع الحكومة

ههههههههههههههه ايوة كده يامدام حلو جو السيطرة ده

[إيلاانا]

استضافة واجابات جميلة من شخص محترم جدا
يستحق كل الاحترام والتقدير

شكرا لك اختي جبل على الاستضافة وشكرا لك أخي العندليب

تحياتي وتقديري لكما
في حفظ الله
بقايا صمت