فضفضة اسم جميل ولكن ....؟

[اشاعة شمس]

فضفضة
يعني تحكي وتقول كل اللي نفسك فيه
وتعبر عن اللي جواك اوقات بتحتاج لحظة فضفضة مع حد تكون واثق انه ستر وغطى عليك
مش هيفضحك في يوم لو اختلفت معاه
مش هيجري ويقول للانسان اخر كنوع من الفضفضة ما هو كمان عاوز يفضفض عن نفسه
فضفضة اظن معنها اللغوي اتساع وراحة
لما بتيجي تتشاكل مع حبيبتي وتكون لابسة حاجة ديقة عليها
بتقولها اية ؟؟ ألبسي حاجة فضفاضة علية
الفضفضة هي الاتساع ولما بيكون هموم الدنيا مديقة عليك الحياة
وقلبك جواه حجات ديقت المساحة جواك
فبتكون محتاج حبة اتساع يعني فضفضة
في اللغة المصدر لكلمة فضفضة فضفض
والفعل فضفضَ يفضفض ، فضفضةً ، فهو مفضفِض فهو فَضْفاض ، والمفعول مُفضفَض - للمتعدِّي
فَضْفَضَ الشيءُ : اتَّسع فهو فَضْفاض
فَضْفَضَ العَيْشُ : اِتَّسَعَ
فَضْفَضَ الثَّوْبَ : وَسَّعَهُ
فضفضَ الشَّخصُ : نَفَّسَ عن نفسه

واخدين بلكم من نفس عن نفسه دي
محدش يفهمنا غلط

اصل في نفس عن نفسه انفاس ريحهتها وحشة

كاتب قذر يحمل معاني مش لطيفة بس عادي عادي
فضفض في كلا الحالات انت محتاج اتساع في قلبك في بطنك
وفي حياتك ؟؟
الدنيا مش اوسع من قلبك عشان تكتم اللي جواك
كذلك بطنك فضفض ومتخفش هتلقي اللي هيسمعك
ولو ملقتش حد يسمعك والكل كان رد فعله كده
حاول تفضفض لنفسك نفس عن نفسك لشخص انت بتصنعه في احلامك
خلي عندك شخصية في عالم ثلاثي الابعاد محدش يشوفها ولا حد يعرفها لما تلاقي الكل جاي عليك ومحدش فاضي يسمعك خليها هي اللي تسمعك وتتكلم معاك وتلومك
صدقني هتحس وقتها بالراحة
كل اللي انت محتاجة تفضفض لحد بيحبك وبيخاف عليك وعمره ما هيضرك لو حضل بنكم اية وان ملقتهوش وسط الناس اصنعه في خيالك ولو مقدرتش تصنع في خيالك حد تفضفضله شوف قطة او اي حيوان وفضفض له لو ملقتش حاجة فضفض للكرسي فضفض بقلمك فضفض بتسجيل صوتي وقول كل اللي في نفسك وسجله عندك المهم تقول وترتاح وتحس بأتساع
في عالم ثلاثي الابعاد هتقدر تعمل كده

[ساحر الأحزان]

الفضفضة شىء جميل

بسى مش كل حاجة تقدر تقولها

بتكون زى السيف على رقبتك

اسلوبك ظريف

وموضوعك جميل

بالتوفيق

[اشاعة شمس]

ساحر الأحزان
*****
الله يخليك تسلم

[العندليب الاسـمر]

في النهاية كلنا بنحتاج الفضفضة ايا كانت الوسيلة

لكن النصيحة اننا لازم نحسن اختيار الوسيلة

لانها ممكن يتبني عليها حاجات كتير في حياتنا

في عالم ثلاثي الابعاد

سلمت اخي علي طرحك

[™Amiliya]

الفضفضة نوع من الثرثرة المباحة في زمن قل ماتجد من تبوح له ومن تستأمنه ومن يستطيع ان يجعلك
تحكي وﻻ تتوقف


راقني جدا التوبيك محمود ونورت الفضقضة

[اشاعة شمس]

اولا بغتذر عن المشاركات اللي نزلت بالموضوع بالغلط لاني كنت مطبق امبارح بالليل ونزلتها هنا وانا مفكر اني في موضوع عالم ثلاثي الابعاد
المهم حصل خير وتم حذفها من هنا ونقلها لموضوعها المعني

[اشاعة شمس]

العندليب الاسمر
****
اي كانت الوسيلة او كانت التباعات اللي وراها
صدقني الفضفضة حتى لو مع كرسي او طربيزة علي اسوء الفروض
افضل من الصمت ولا اية يا استاذ ؟؟

راقني ردك جدا
دمتم بخير استاذي
وجمعة مباركة لحضرتك

[اشاعة شمس]

ايميليا
*****
شكرا ليكي والفضفضة منورة باهلها
وفعلا لما بحثت عن معنى كلمة ثرثرة في معجم اللغة
ثَرْثَرَ الْمُتَحَدِّثُ : أَكْثَرَ مِنَ الكَلاَمِ وَبَالَغَ فِيهِ
ثَرْثَرَ فِي الأَكْلِ : أكْثَرَ مِنْهُ وَخَلَّطَ
ثَرْثَرَ الْمَتَاعَ : بَدَّدَهُ ، فَرَّقَهُ

فعلا في تشابة جميل بين الفضفضة الاتساع والثرثرة الكثرة
جمعة مباركة علي حضرتك