من كوكب الزهرة كان معكم كابتن السفينة الفضائية للنقاش

[اشاعة شمس]

اعضاء ورواد منتديات بنات مصر من علي متن السفينة الفضائية الاتية من كوكب الزهرة أقرب الكواكب الي الشمس حيث درجة الحرارة العالية والمشاعر الدافئة نحيكم من قلب كوكب الزهرة نخوص بكم في فساحات الفضاء حيث النجوم اللامعة والكواكب المضيئة والشهب والنيازج معكم محدثكم كابتن طيار وقائد المركبة تحياتي
اولا اتمنى صعودكم علي متن المركبة الفضائية

الان نتعرف علي
صورة كوكبنا الزهرة

اليوم هنتكلم عن موضوع مهم شغل الاوساط في كوكب الزهرة وقولنا نيجي نتناقش مع اهل الارض فلو سمحت قبل ما تتهمنا بالرخامة والغتاتة والتفاهةارجوك كمل الموضوع واعمل لايك وقول رأيك في كومنت وا ادعلنا بالتوفيق واشحن لنا كرت عشرة وجزمة كورة مقاس 44 ايوة كائنات كوكب الزهرة مقاس رجليهم كتير وبدون كلام ورغي كتير هندخل في الموضوع والموضوع حقيقي جد
فهي بنا اربطوا احزمة الامان ستنطلق بكم المركبة كوكب الزهرة
----------------
في كوكب الزهرة ظهرت مشكلة كبيرة في الاونة الاخيرة حيث ان الكائنات الزهراوية في علاقات الحب يحدث بينهم شيء غريب
العلاقات بين اي اتنين ولد وبنت في كوكبنا علطول قعدين يوجهوا الاتهامات لعبض وينتقدوا بعض
فعلي سبيل المثال هي تقوله انت سليط وشكاك وبتتغير كذا وكذا
وهو يقولها وانتي فيكي نفس العيوب ويفضل يقولها عيوب ويقولها كلام ربما يكون بيزعلها
ويوصلوا لحارة سد في الكلام
لكن الاغرب برغم انهم كده وفي عز المعركة الكلامية بينهم اللي كل واحد بيلوم التاني بطرقته
الا انهم مابيسبوش بعض ويمشوا بالعكس ممكن كمان هي او هو يقول حاجة في وسط الكلام فيضحكوا عليها وفي نفس الوقت برده يبكي منها لانها جرحته بكلمة وهي مش واخدة بالها او صعبت علية نفسه وبرده مش بيمشي ويسبها فيبدأ يوجهلها النقد والاتهامات
فهي متسكتش فترد عليه ولكن بترد بطريقة هادية لانها حست في الوقت ده انه منهار
فيروح هو يحن ليها بعد ما كانوا من دقيقة مسكين بعض اتهامات وتحس خلاص ان الاتنين دول مش هيكلموا بعض تاني
لكن سبحان الله يرفض انه يمشي من غير ما يصلحها ويقولها حقيقة شعوره بيها انه بيحبها وبيعتذرلها لو كلامه جراحها
وهي تقوله في حفظ الله يعني بتدعيله
غريب اوي الشعور ده لما فكرت فيه
اكتشفت طيب لما هما مش طيقين بعض كده وكل واحد عمال يكيل الاتهامات للتاني في شخصيته وينتقده نقد لازع ؟؟ لية مش بيسيبوا بعض ؟؟
لية بيرجعوا يتكلموا تاني ؟؟
ولية بيعتذر لها كل مرة يكلمها فيها ويحس انه قال كلام زعلها
ولية هي مقفلتش الباب في وشه وقالت خلاص مش هكلمه تاني
؟؟
الاسئلة دي بتحيرني
هل ممكن يكون حب بجد وان دي شخصيتهم كده متعودين يلوموا بعض
ولو مكنش حب ممكن يكون اية ؟؟ مستحيل يكون اعجاب هو في حد هيعجب بحد عمال ينتقد فيه ويوجهله اتهمات في شخصيته ويتهموا انه مش فاهمه
اكيد مش اعجاب
بصراحة محتار هل ممكن يكون حاجة بين الحب والاعجاب ؟؟
انا مش عارف بس ارجوكم اللي يعرف الحالة دي توصفها اية يعرفني ضروري

علاقتهم بالظبط عاملة زي الصور دي
في الاول هي اللي بتبدأ


بعدين هو يبدأ


بعدين يوصلوا للمرحلة دي مع شدة الحوار
لدرجة انهم مبيدوش فرصة لكل واحد فيهم يقرأ كلام التاني الاول
الاتنين بيكونوا بتكلموا في نفس الوقت
بتبقى لو مسكها هيديها بالبونية في منخيرها
وهي لو شفته في اللحظة دي ممكن تعضه تقرم دراعه


بعد ما يطلع كل واحد طاقته في التاني يوصلوا للمرحلة دي
مرحلة الهدوء والسكوت


بعد هو يهدأ ويقوم مصالحها


طبعا بقى حضرتك بتقرأ الموضوع و بتتفرج علي الصور وانت عامل كده


مستغرب الصور والكلام بس فعلا دي حقيقة بتحصل بين اتنين انا اعرفهم
المهم
زي ما سألتكم اية اللي يخليهم يصبروا علي بعض وهما كده
تفتكروا العلاقة اللي بينهم دي اية ؟؟
حب ؟
اعجاب ؟
حاجة بين الحب والاعجاب ؟
ولا عيوبهم زي بعض ؟؟
ولا شخصيتهم قريبة من بعض ؟؟
انا محتار
نشكركم لحسن المتابعة
للنقاش
اية رأيك في العلاقة اللي بين اتنين وفيها الاشياء دي ؟؟ وهل ممكن يكون حب فعلا ؟؟ ولا حاجة تانية

ملحوظة اي تشابة بين كوكب الزهرة وكوكب الارض هو غير مقصود

[™Amiliya]

انا فعلا كنت عاملة كدا وانا بقرا الموضوع يامحمود ههههه

بص هقولك حاجة مهمة في العلاقات بين الناس وحكم دراستي
اي اتنين ذكر وانثى بيكونو عاملين زي المغناطيس سالب وموجب الاتنين بيشدو بعض والاتنين بينفرو من بعض بس في بنهم تجاذب دا في حال الاتنين عايزين بعض لكن شخصياتهم مختلفة عن بعض كل واحد في بداية الامر مش عارف يغير نفسه وعايز التاني يتغير لوحدو
ودا في قانون العلاقات العاطفية غلط لان التغير لازم يكون من الاتنين لاننا عشنا في ظروف مختلفة وتربية مختلفة ومكتسبات مختلفة

الامر الاخر لو هما مش مقتنعين ببعض كان من اول خلاف فرو من بعض او اتلككو لبعض وانتهت القصة

الموضوع كله متوقف ازاي كوكب المريخ وكوكب الزهرة يلتقو في نقطة وسط يبنو عليها حياتهم مهما كانت الخلافات بس بيحصل تقوية للعلاقة لان الاتنين مقتنعين ببعض وبيحبو بعض
ومتقبلين بعض

تحياتي ليك ولموضوعك الرائع وطريقة عرضك للموضوع اكتر من رائعة

[اشاعة شمس]

ايميليا
*******
( الموضوع كله متوقف ازاي كوكب المريخ وكوكب الزهرة يلتقو في نقطة وسط يبنو عليها حياتهم مهما كانت الخلافات بس بيحصل تقوية للعلاقة لان الاتنين مقتنعين ببعض وبيحبو بعض
ومتقبلين بعض )
____
اية حضرتك الكلام الكبير ده بجد انا مصدوم هو فيه كده
وكأنك عايشة معانا في سفينة الفضاء
بجد اعجبني ردك خصوصا هذا السطر تحديدا
خلاص حضرتك حصلتي علي جنسية جديدة كائن حي في كوكب الزهرة
في عالم ثلاثي الابعاد
تحياتي لقلمك ومشركتك الرائعة

[™Amiliya]

اقتباس المشاركة الأصلية كتبت بواسطة منافق جدا ايميليا ******* ( الموضوع كله متوقف ازاي كوكب المريخ وكوكب الزهرة يلتقو في نقطة وسط يبنو عليها حياتهم مهما كانت الخلافات بس بيحصل تقوية للعلاقة لان الاتنين مقتنعين ببعض وبيحبو بعض ومتقبلين بعض ) ____ اية حضرتك الكلام الكبير ده بجد انا مصدوم هو فيه كده وكأنك عايشة معانا في سفينة الفضاء بجد اعجبني ردك خصوصا هذا السطر تحديدا خلاص حضرتك حصلتي علي جنسية جديدة كائن حي في كوكب الزهرة في عالم ثلاثي الابعاد تحياتي لقلمك ومشركتك الرائعة

ههههههههههه شكرا جزيلا ع الاقامة

[السفيره عزيزه]

بسم الله والصلاة والسلام على رسول
صلى الله عليه وسلم.
............................
الاجابه من وجة نظرى سهلة جدا ويسيره أن
كوكب الارض يحكمه قانون السماء .رب
خلق وهو اعلم بما خلق .وبالنسبة لما يحدث
بين الرجل و المرأة فقد علم الله انه سيحدث ولذالك وضع
شيء فطرى فى قلبيهما تجاه بعضهما البعض..
خلق الله المراة من الرجل.ومن اى جذء .الجذء القريب
من القلب فيظل طوال حياته ينجذب لجذئه الذى اخذ منه
وتحن هى الى من اصلها .علاقة ربانية كاملة الاركان
ويدعمها ايضا شعور الحب. توافق الطباع.تلاقي الافكار
وتتفاوت المشاعر التى تخدم هذه الطبيعة زيادة ونقص
ولكن لا تنعدم ابدا إلا عند مختلي العقول.
وبعد هذا ايضا ياتى الحق سبحانه ليقول فى كتابه العزيز
وجعل بينهم مودة ورحمة.من الذى جعل.هو الله .إذا هو شيء موهوب لقلبيهما من الواحد الاحد.
ليدعم الفطرة .فترى الخلاف يبدأ قوي ثم تلتف حوله
الفطرة والمودة فنراه يتلاشى .وايه كمان ..من الممكن
يتهم كل واحد منه نفسه مع الاعتذار .انه من كان السبب
وتتدعم الدموع الموقف .فينقلب الى بحبوبحة من المشاعر
كانت لن تحدث الا بعد هذا الموقف العابر..

كوكب الارض وما عليه والسماوات وما بينها تحت
حكم ..حكيم خبير...

نسال الله ان يؤلف بين القلوب
ويملىء بيوت المسلمين بالحب
ويجمع المتحابين على خير حال
فالقلوب جنود مجندة من تعارف منها ائتلف
ومن تنافر منها اختلف..

وجهة نظر السفيرة
دمت بخير

[Lamees]

اكيد بينهم حب لأن لو مفيش حب هيكون الفراق من اول خلاف
كل الفكرة هنا ان الخلاف بيقرب وجهات نظرهم من بعض
وده اكيد بيكون في بداية العلاقات ومع الوقت بيكون التفاهم اكبر
والتطبع على عادات وسلوكيات بعض اكبر
فبيقل الخلاف تدريجياً وبيزيد التفاهم تدريجياً
مسألة وقت فقط

شكراً للطرح

[(طائر الشرق)]

الاختلاف شئ صحى جدآ

لان ألأغلبية وقت الغضب أو الخلاف

التعامل بيكون بوضوح أكتر أو بصراحه

بمعنى مفيش أقنعه ولا تجمل ولا محاولة

الظهور بشكل كويس ومن خلال النقاش

نقدر نتصور الشخصية وقتها يتم القبول

أو الرفض لو تم القبول خلاص ممكن

يبقى حب لأن فيه أرتياح والخلاف والشد

فى الحوار هو ده سر جمال العلاقة والأستمرار

الى أن يُصبح الطرفين على قناعه ليتحول المسار

خالص دعواتى

[Words Whisper]

طبيعي أي اتنين مهما كانت علاقتهم هيكون فيه اختلاف
وفي علاقات الغرام أكيد فيه اختلافات كتير
اختلاف التربية والبيئة والمعتقدات والصفات الفطرية ( الرجل مختلف عن الأنثى )
لو الحب أو الرغبة في الإكمال مش موجودة يبئا الاختلافات دي هتنهي الموضوع سريعا
إنما لو الحب موجود هيكون فيه محاولة للتقريب والوقوف على أرضية مشتركة
وبطبيعة الحال عشان علاقة تنجح لازم الطرفين يعطوا
يعني لازم الاتنين مش طرف واحد يحاولوا يستوعبوا بعض ويحتووا خلافاتهم
فيه حاجه كمان مهمة جدااااااااااااااا
فرق بين الخلافات والشد أيا كان وبين انتقاص الآخر والتعدي على احترامه
الحالة التانية حتى لو الاتنين بيحبوا بعض دامهم كدا يبئا هيوصلوا للنهاية
علاقة بدون احترام الآخر هي علاقة هشة جداااااااااا ..


موضوع حلو
شكراً لحضرتك ..
دمت بخير ..