النسيان . ممكن أفضفض ليكم شوية

[اشاعة شمس]

في الحقيقة
ولما حد يقولك في بداية كلامه في الحقيقة اعرف ان الحقيقة انه نفسه يكون يكون كده يعني ممكن يكون بيكذب ومن شخص منافق جدا توقع اي شيء
في الحقيقة بجد
انا بحب اضحك وسعيد ديما بحاجات بسيطة
وراضي بكل شيء انا فيه
يمكن السبب حبي لربنا وتوكلي عليه
فديما بحس ان الحزن مبيقدرش يقتحمني كتير
بيكون ضيف غير مرحب بيه في قلبي يعني وجوده محدود جدا بيرتبط بموقف معين وجوده لحظي ممكن لو موضوع كبير يقعد يوم او يومين علي اقصى تقدير
اوقات كنت بحس اني مبزعلش من حاجة . والاحساس ده كان غريب جدا احساس بيموت بيحسسك انك شخص بارد مفيش عندك احساس بالاخرين
فعلا وصلت لمرحلة غريبة من التعامل مع الناس بمعنى
لو فلان خذلني فلان جرحني فلان شتمني وغلط في حقي

كنت بسامح ديما كل الناس
ولا ابالي بأي تصرفات منهم ضدي
لكن جوايا انا عارف حقيقة موقفهم مني واسائتهم ليا . لكن كنت بقول ( بدل ما تطلع الوحشة من لساني تطلع الحلوة ) كنت بحب العفو والصفح الجميل
بس معظم تصرفاتي دي بتكون حب وخوف اني اخسر انسان
اخسره بمعنى انه يكون عدوي او بكره
لكن مكنتش بعرف اكره حد ولا يكون ليا اعداء
انما خسارة البعد وان شخص يبعد عني
حقيقي عمرها ما فرقت معايا

يمكن السبب اني كنت بقول هو ربنا مش معانا خلاص اللي عاوز يمشي يمشي
واللي عاوز يقطعني يقطعني
واللي عاوز يجرحني يجرحني
بدعوة واحدة وساجدة واحدة
كل شيء بيهون

قالوا ديما مؤلفين الروايات والكتاب والمثقفين ان النسيان صعب خصوصا نسيان الاحبة

ولكني من كتر هموم الحياة عرفت حلي سحري للنسيان
ده حتى هتنسى نفسك

الحل ده ملخصة
صلاة صلة تواصل بين خالق وعبد
فتكون النتيجة مع المحافظة علي الصلاة والتقرب للربنا بالقرأن وخصوصا القرأن الكريم
انك تنسى مش تنسى حبيبك بس ده انت لو فعلا قربت ودخلت لزة القرب من الله قلبك
تنسى امك وابوك ونفسك وكل حاجة
وتحس انك طاير في السما

تحس انك فرحان اوي تحس ان قلبك او الفراغ اللي تركوه في قلبك اتملى بحاجة جميلة

تخيل بقى ربنا هيسعدك انك تنسى وبالعكس هديكي راحة ووناسة وطمائنينة في قلبك يمكن محستهاش مع حبيبك او حبيبتك

صدقني عن تجربة ده افضل علاج للنسيان ومش هتلقيه عند اي دكتور او كاتب او مؤلف
هتلقيه عندي هنا في عالم ثلاثي الابعاد

[ساحر الأحزان]

جميل الكلام منك

وربنا يوفقك بحياتك

[™Amiliya]

مااجمل النسيان ومااكره الذكريات التي تسحب اذيالها وتنغص علينا الحياة
لكن فعلا وعن تجربة ايضا الاستغفار والصلاة القيام يساعدو وبكل قوة ع تخطي اي ازمات
في حياتنا

سلم قلمك ابدعت

[Lamees]

هو حل سحري لكل مشاكلنا ومش بس النسيان
التقرب لرب العباد والانشغال في العبادة والصلاة وقراءة القرآن
يكفينا ولن يترك لنا وقت للتفكير في الكثير من تفاهات الامور

طرح راقي
تحيتي

[اشاعة شمس]

شكرا
لردودك تقبلوا تحياتي

[SaMa.]

يسلام عليك كلام جميل مفيش اجمل من القرب من ربنا
والل يبعد عنه بيعيش مكتئب وحياتو صعبه
فضفضه حلوة اوى ويريت نعمل بيها
ثانكس

[اشاعة شمس]

شكرا ليكي يا سما

[Words Whisper]

أكيد وجودنا مع ربنا
هو اللي بيعطينا القوة
وربنا عالم بينا عشان كدا خلق لنا البشر
عشان احنا بنشوف رحمة ربنا وانه معانا في حاجات ملموسة
ف انه يكون معانا حد بنحبه بيسندنا
ف ان حد بيحبنا يسأل ( مالك ؟ )
ف دعوة شخص مش نعرفه
وأمثلة تانية كتييير
أيوه قربنا من ربنا بيساعدنا
بس احنا بشر بنحتاج " نشوف " رحمة ربنا
ومن فهمي للدنيا و الناس
فالشخص اللي الناس بتعدي عنده عادي
والفراق بيعدي عنده
دا مش بجد الأمور بتعدي معاه
دا اتوجع اوي لدرجة انه زهق من الوجع فقرر يعمل نفسه ( عادي )
كويس بس كويس كمان لما يقعد مع نفسه يكون صادق معاها ويخرج الوجع اللي جواه ..


دوام التوفيق ..