موضوع

[™Amiliya]

النهاردة وانا في الجامعة بعد الامتحان الي عدى بسلام الحمدلله في زميلة لينا
مشفتهاش من فترة والنهاردة شفتها لقيتها وشها متغير ولابسة اسود وفيه كمية حزن تغطي العالم
انا قلبي اتقبض قلت اكيد عندها حد متوفي وفعلا خطوة لقدام وخطوة لورا
عايزة اسئلها وفي نفس الوقت خايفة ومرعوبة اول متقولي حد متوفي هفتح ومش هسكت في العياط

وتشجعت ورحت قلتلها مالك انتي مريضة حببتي .؟ بصتلي وعنيها كلها دموع قالتلي انا مريضة جدا انا بموت
ورمت نفسها في حضني وقالتلي امي ماتت في اكتر من كدا مرض

يالله ياعظيم
والله اللحظة دي وانا وهي بنعيط افتكرت شريط بيمر قدامي كانها هي دي اللحظة الي احنا فيها اتعادت من تاني

رجعت البيت فتحت منتدى اخويا يامن الله يرحمه كان مشترك فيه وكان كاتب كلمات عن امنا الله يرحمها وقعدت اقراها
حسيت بوجع فظيع بيقتحم كل حتة فيا لقيتني مش بس مريضة بموت امي لا وبموت جدي وجدتي واخواتي الاتنين

مش حابة انكد عليكم بس حابة تقراو كلام اخويا لامي الله يرحمها

اسيبكم مع الكلمات

-----------

النهاردة 18سيبتمر ذكرى وفاة الله
الله يرحمها ويسكنها الجنة
في نفس اليوم دة من 2002

توفت امي على سجادة الصلاة بعد مصلت الفجر

كنا مستنين تنزل من غرفتها عشان جهزنا الفطار

وكان مستعد ليوم دراسي طويل

الغريب انها في اليوم دة اول مرة تقولي

خلي بالك على اختك مش تتخانق معاها تاني

ويومها اصلا مكنتش متخانق مع اختي وكنت كويسين جدا

قبلها بيوم كانت عمللنا كيكة واول مرة تعملها بالكريمة

هي مبتعرفش تظبط الكريمة بتاعت الكيك ودايما بتبوظ منها

اليوم دة ظبط سبحان الله وكانت اطعم كيكة كلناها

وسهرنا وضحكنا وكان اخواتي كلهم عندنا بعيالهم

كانها كانت بتودعنا كلنا بنظرات وكلام غريب بتقولو

مفهمناش ليه قالته

امي قدمت تنازلات كتير عشان البيت يكبر والكل يكون في مكان مطمن
وقلبو على بعض


هو احنا ليه لما بنفقد حد هو قطعة من روحنا بيكون صعب اوي انك تتأقلم على الحياة من بعدو؟

بتعيش والحياة بتمشي وكلو بيبقى تمام

بس يفضل جواك حاجة ناقصة وخاصة لو الموضوع فيه اب او ام

بتفضل يتيم لابد الابدين مهما كبرت وبقى عندك عيال

بتفضل امك وابوك هما الي انت حاسس بفراغ فظيع بدونهم

عارفين جملة

يظل الرجل طفلاً حتى تموت أمه

والله العظيم دة حقيقي وعن تجربة

بنكبر فاجاة ونشيخ ويفضل جوانا احساس تاني منقدرش نوصفه

لو امك عايشة حاول تكسب رضاها لانها صلتك بالجنة

خليها تفرح بيك متحولش تضايقها ولو حصل وضايقتها

اعتذر وخليك حنين عليها

راضيها دلعها واكرمها

اعملها اي حاجة تخليها سعيدة ولو بكلمة بهدية بعمل تعملو ليها

اياك والقسوة معاها

والله هتندم شديد الندم انك زعلتنا ونيمتها معيطة

او انك خليتها تنكسر وتقول ياريتني مخلفتك

( انتهت )



/

في رعاية الله

[هادية]

يااااااااااااااااه

والله العظيم عينيا دمعت وانا بقرا كلامك

ربنا يرحم والدتك واخواتك وجدك وجدتك

ويرحم ويغفر لكل المسلمين والمسلمات والمؤمنين والمؤمنات الاحياء منهم والاموات

وربنا يصبرك ويسعد كل ايامك ويعوضك خير يارب العالمين

[Lamees]

البقاء لله وهذة سنة الكون
نحيا من بعد فراقهم وكأننا اموات
ينقصنا ارواحهم التي كنا نحيا بها
ربنا يصبرك ايمي على فراقهم
وربنا يرحم امواتنا واموات المسلمين

[اشاعة شمس]

ربنا يصبرك ويصبر اهلك ويرحم كل موتنا
محدش بيحس بالحاجات دي غير اللي عاشت تجربة
ربنا يصبرها صحبتك
ويرحم والدتك
كانت كلمات اخوكي مأثرة جدا
ربنا يرحمه اللي كتب الكلام ده اكيد ربنا هيكرمه وهيهون عليه في القبر

اسف

[شاعر الحب الحزين]

الله يرحمهم جميعا ويسكنهم فسيح جناته

ويرحم جميع المسلمين والمسلمات الأحياء منهم والأموات

الله يرحمه أخوكي يامن كلامه درر وجواهر ونعم الإبن

الموت قدر مكتوب علينا كلنا ربنا يحسن ختامنا جميعا

عزائي الكبير لشخصك الفاضل وربنا يعوض صبرك خير

احترامي وتقديري

[السفيره عزيزه]

نعم تتلون الدنيا بفقدهم بلون خاص
وكان كل شيء اصبح يكسوه
لون حزين .
بفقدهم كسر القلب فعلا ولم ولن يحل
محلهم احد ابدا .
كانت لهم نظرات تتقن نزع الخوف
والتوتر عندما يكون هناك امرا ما
وعزائنا انهم هناك حيث سنلتقى
ثانيا لننعم بلقاء لا يهدده موت
منا من فقد الاثنين والله المستعان
اللهم ارحمهما رحمة واسعة
وارزقهم جوار الحبيب المصطفى
وارحم كل امهات المسلمين
وكل من مات على التوحيد

سبحان الله وكأن القلب يحبس
الدمع عنوة حتى اذا جاءت الفرصة
اخذ حقه وزيادة
دمت بخير
السفيرة

[SaMa.]

الله يرحمها ويرحمه كلام ع قد الوجع فيه
لكنه عظة كبيرة اوى ربنا يصبركو

[ساحر الأحزان]

كلام فعلا مؤثر

لانة جة من احساس عاشة

الفقد غالى علينا

وخصوصا فقدان الاحبة

رحمهم الله برحمتة الواسعة

وصبركم على الم فراقهم

[ابو نصير]

سيدتى ..
ايمليا..
لماذا تجددين الأحزان وتقلبى المواجع هونى على نفسك
وأطلبى لهما الرحمه والمغفره من رب المغفره
أبو نصير

[™Amiliya]

اشكركم من كل قلبي
ورحم الله الجميع احيائا وامواتا