انا عاوزة امي

[phalsteen]

مساء الخير
كل سنه وانتوا بالف خير يارب
بقالي كتير ساكته مش بفضفض بس المرة دي مش مشكله دا وجع
جوايا شعور بالوجع
انا حضرت وفاه والدي وبعدها بفترة قليله اوي مكملتش شهر والدتي
وكانت صدمتي ابشع ما يمكن انها تتوصف بكلام بس ربنا كبير اوي
زي ما اتقلي مرة محدش بيموت عشان حد
هو اه فعلا انت مبتموتش عشان حد حتي لو اهلك
بس بتموت جواك ميه الف حاجة
ماتت جوايا الثقه وطعم الفرحه ماتت الضحكه اللي من القلب
بالفعل مات جزء كبير من قلبي
انا مبنساش و حتي يوم ما انسي هنسي امي وابويا
هنسي ايامي قبلهم وبعدهم
هنسي حلمي ان بابا يحضني يوم فرحي ويسلمني لعريسي
هنسي اني عمري ما صاحبت حد غير امي
انسي ايه ولا ايه
دي ام ودا اب
بس الفترة دي حاليا مختلفه جدتي ام والدتي كانت حضن دافي
وسند
كانت راحه وامان كانت ريحه امي
محضرتش وفاتها بس صممت ادخل اشوفها واحضر الغُسل
انا دموعي قريبه اوي بس وقتها مدمعتش
فضلت ساكته سكوت خوف كل اللي حواليا
اللي راحت مش اي حد ليا ومفيش حد موجود يساويها ولا هيعوضني عنها
ليه دموعي وقفت وليه فضلت اكابر اني امنعها
اكون اتظاهرت بقوة كنوع من الكبرياء
اني مش ضعيفه واني ثابته وقويه
ولا عشان عارفه انها عند امي وهتفرحها
بس حالتي مطولتش واندبحت تاني في نفس اللحظه
لما اتفتح قبر امي
ياااااااااااااا
كنت بتمني لما ينفتح اكون انا اللي معاها
مينفتحش تاني لحد ياخد جزء مني وانا لسه بتنفس
انا حاسه اني متحاصره بهاله من السواد وكأني طول الوقت
مستنيه هخسر مين مهم عندي
مين هيسبني
بتمني من ربنا اروح انا ولا اني احضر وداع حد بحبه
حاسه اني دموعي بقت جوه قلبي
انا مبقتش عارفه انام ولا اتناسي
القدرة علي الحياه بقت 0%
صوره امي وجدتي ووالدي مبتفارقش خيالي
مش عاوزة اتكلم مع حد قريب مني وكأني خايفه اتكلم معاها ليلاحظ انا فيا ايه
عاوزة ابعد
مبقتش عارفه السواد بيحب حياتي وليه دايما ساكنها
اتمردت علي كل الالوان لانها حقا لا تليق بي
سأظل حتي نفاذ انفاسي
ذات الرداء الاسود
لون مماثل لحياتي

انا عاوزة امي
وبس كدة

[.Lamar]

هرب منى الكلام يا سما
كلام الدنيا كله عارفة انه مش هيهون عليكى
و ميحسش بالنار الا اللى عايش فيها
مش بيتنسوا حبيبتى
و دايما هتحسي انك محتاجاهم
ادعيلهم و استعينى بالله يصبرك
ربنا يبارك لك فى زوجك و ابنك
و يعوضك بيهم خير

[يحيى الفضلي السودان]

العزيزة الغالية
قلبتي في نفسي المواجع
مصير مش حنهرب منه
هكذا سبة الحياة لا تمشي على وتيرة واحدة
ربنا يعوضك من الحوليك دنيأ واخرى
انن قريب مستجأب الدعأؤ

رجعتينأ الى الالم الكنا نحاول ننساه منذ عشرات السنين

لك شكري وتقديري

يحيى الفضلي

[العاشق الذى لم يتب]

والله ضاع منى الكلام اختى سما
حسيت باللى جواك
وكل كلمة كتبتيها طالعة من قلب موجوع اوى
وحزين اوى
لكن اختى لازم افكرك بكلام ربناسبحانه وتعالى
انه حرم عليناالحزن
ومش معناه ننسى الوالدين والاحبة
ولكن امرنا ان نتذكرهم وندعولهم
وهاانااسوق اليك كلام العظيمة سيدتنافاطمة الزهراء رضى الله عنها
بعد وفاة سيد البشر ابوهاصلى الله عليه وسلم
{اوهاالناس وقد خلعت ملابس الحداد
اى الملابس السوداء
فسألوهامتعجبين
أماتحزنين على ابوك النبى عليه السلام
قالت بلى وقلبى عليع يعتصر
ولكننى سمعته يقول
لايحق لامرأة أن تحدفوق ثلاث
إلا على زوجها
أى لايجوز لمخلوق أو أنثى بالذات
ان ترتدى ملابس السواد
وتحزن أكثرمن ثلاث ليالى الاعلى الزوج فقط
وقد نهاناالله ورسوله عن الاحزان
اسعدالله قلبك
ورحم الله والديك وجدتك وجميع امواتنا
والهمك الصبروالسلوان
وبارك لك فى زوجك وابنك واخوك وباقى الاهل
هونى عليك اختى وناجى الرب الكريم

[هادية]

مش عارفة اقولك ايه بس ربنا يصبرك ويرحمهم يغفر لهم يارب

احسن شئ انك تتصدقي على روحهم يوميا ولو بجنيه لاى حد غلبان

ان شالله يكون بتاع السوبر ماركت اللي بيجيبلك الحاجة بتاعتك يوميا

وادعي لهم دايمااااااااااااااااااا

الدعاء والصدقة لما بتعمليهم بتروح للقبر على هيئة كورة من النور على طبق فضة

والملك الموكل بالقبر بيقول للي فيه .. ياصاحب القبر قد جاءت هدية فتقبلها

وقتها القبر بينور اوى والمتوفي بيفرح وبيتباهى بهديته امام الاموات اللى معاه

ربنا يوسع قبر مامتك وباباكي وجدتك وينوره ويجعله روضة من رياض الجنة لاحفرة من حفر النار

[الفيلسـوف]

اختى القديره الاستاذه سما
المشاعر المكبوته احيانا تكون شى موجع ومولم ولكن خروجها بعض الاحيان يكون كالدخول والخروج ف ناس كتير بتقولك مايحس بالموقف الا اللى جربه يمكن انا الموقف ده اتعرضت ليه بس الحمد لله مش ف ابى ولا امى لا بااختى التى كانت ف نفس سنى وكانت بعد كده عمتى بعد كده عمى بعد كده جدتى اشخاص او دائره مكتمله تشعرك بالحب تبعد عنك واكيد طبعا بفتكر بالرغم انى الحكايه مره عليه 6 سنين ولكن بفتكر قول ربنا اللى كان بيصبرنا احبب ماشئت فانك مفارقه انك ميت وهم ميتون يمكن انا ماليش الحق انى اقول راى بس خديها نصيحه من انسان عاش ع الاقل فتره من اللى عشتيه وفقد النطق لمده سنه عمر ماكان الزعل حل ولكن الايمان بالقدرخيره وشره احد اركان الايمان وانا متاكد انك قويه كما عرفتك منتديات بنات مصر وقادره ع تعدى هذه الازمه لانى متاكد مش انا اللى حيعرفك كلام الله ولكن انا ع يقين انك معه دائما تعرفيه ف كل وقت
وفقك الله وحفظك وفرج همك وكربك ونور طريق يذهب به الحزن ويبدله بالسعاده ف قلبك

[ندى المهندس]

هنا قلبتى عليه همومى
فلم ارى الحروف من دموعى
ضاع منى الكلام فأرجو السماح لى بالصمت
وترد عليكى دموعى
----------------------------------

[ساحر الأحزان]

ان بعد العسر يسر

واصبرى واحتسبى

فهم عند ربهم

رحمهم الله برحمتة الواسعة

والهمك الصبر على فراقهم

[ємρєяσя]

الأخت الفآضله Nefertiti

الله عز وجل قال: { كُلُّ مَنْ عَلَيْهَا فَانٍ . وَيَبْقَى وَجْهُ رَبِّكَ ذُو الْجَلَالِ وَالْإِكْرَامِ}(سورة الرحمن:26-27).

اختى الغآلية
الدار الدنيا دار مصائب وشرور، ليس فيها لذة على الحقيقة إلا وهي مشوبة بكَدَر؛ فما يُظن في الدنيا أنه شراب فهو سراب، وعمارتها - وإن حسنت صورتها - خراب ، إنها على ذا وضعت، لا تخلو من بلية ولا تصفو من محنة ورزية، لا ينتظر الصحيح فيها إلا السقم، والكبير إلا الهرم، والموجود إلا العدم، على ذا مضى الناس؛ اجتماعٌ وفرقة، وميتٌ ومولود، وبِشْرٌ وأحزان


فَمَنْ من الناس على وجه الأرض لم يصب بمصيبة صغرت أو كبرت؟!.

ثمانيـة لابد منها على الفتى ولابد أن تجري عليه الثمانية
سرور وهم واجتماع وفرقة وعسر ويسر ثم سقم وعافية


هذه كلمات أحببنا من خلالها توجيه رسالة لكل من ابتلي بفقد حبيب أو عزيز أو قريب، ليتصبر ويرضى ويسلم راجيا من الله تعالى عظيم الأجر وحسن الخلف،

فقد وعد الله عبادة الراضين الصابرين أجرا عظيما وفضلا كبيرا.
لو تدبر العبد قول الله تعالى: { وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ.الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ.أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ}( البقرة:155-157).


اختى الغآليه الفرج قريب

يا صاحب الهم إن الهم منفرج أبشر بخير فإن الفارج الله

اليأس يقطـع أحيانـا بصاحـبـه لا تيأسن فإن الكافي الله

الله يُحدث بعـد الـعـسر ميسرة لا تجزعن فإن الكاشف الله

إذا بليت فـثـق بالله وارض به إن الذي يكشف البلوى هو الله

والله مالـك غـيـر الله مـن أحد فحسبك الله في كل لك الله

اصبرى واحتسبى

[السفيره عزيزه]

تعرفى مش انتى بس ال عوزه امك
انا كمان عوزه امى بس والله ما عوزها
ترجع لالا انا عوز انا ال اروح لها اروح بعيد
عن هنا .هنا وحش أوووى.
وبعدين دى مسئلة وقت ونلتقى ثانيا
.المهم يكون الوقت ده مثمر
والناتج لصالحنا يعنى يكون ربنا راضى عنا ونفوز.
و الابتلاء حب من الله .موت ام نصبر ربنا.موت اب
بك ومنك الصبر ربنا.الاصعب والأَمر موت نظرة
الامل فى الغد وان تغلق ابواب الرحمة التى يتحكم
فيها من اصبحوا بدائل عن الوالدين.
ان كانوا ماتوا وتركونا فلنا الاه رحيم وحنون ودود
لا يموت ابدا ...الله المستعان

عمر الدنيا قصير.يكاد ان يكون
يوما او بعض يوم كما حكى القرآن الكريم
وغدا لقاء بلا فراق
وسعادة لا يهددها حزن
ومقام كريم لا نبغى عنه حولا
بعد غمسة فى الجنة ننسى بها
ما لحق بنا فى الدنيا.
فقط انتظروا واجملوا الطلب

ربى احن منهما حبيبتى
وهو سبحانه لا يموت

السفيرة