موقف ولو اتعرضتها هتعمل ايه ؟؟؟

[thoma21]

بسم الله الرحمن الرحيم

ازيكم كلكم يارب تكونوا بخير
ورجعت لكم بعد فتره قصيره من المرض
عندما نحب البنات لو شفتك واقف مع بنت هعمل وهسوى ومش عارف ايه ومش هيكون فى بينا كلام تانى
دى بيحصل محدش يقول مبيحصلش
السؤال انته بقه لو شفتها واقفه مع ولد وبتضحك والحياه معاها ايزى ؟
ياترى هيكون رد فعلك ايه ؟
ولو الموقف اتعكس مع البنات بمعنى ان انتى اللى شفتيه مع بنت وضحك وهزار والحياه ايزى برضه بالنسبه ليه هيكون رد فعلك ايه ؟
عايزين مشاركات

[NERA 31]

اولا.الف حمد الله على السلامة
ثانيا .انا عن نفسى هفكروه بالكلام اللى قالوه وهعطيلوه فرصة واحدة لو اتكرر الموقف ده تانى يبقى خلاص على كده

[عاشق ولهان]

اول شئ اهنئك بسلامة الشفاء من المرض
واتم عليك بالصحة والعافية
ردي علي الموضوع دة او الموقف بشدة وتخيارها ام انا او هو
وعليها الاختيار
شكرا علي الموضوع

[ملڪّـہۧ بـگَََـلـِمتـﮯ «]

هاسال الاول

لو هو ما عمليش حساااب وواقف عاااادي

يبقى يرووووح كلب ييجي عشره


مع احترااامي الشديد للاولاد

[lolla]

حمدا لله على السلامة يا هيثم
وميرسى على الموضوع الجميل
وانا اكييييييييد هزعل شوية

وهاعرف هو عمل كدا لييييييه

بس لو اعتذر هاحاول اسامحه

بشرط طبعا انها متتكررش تانى << جامدة انا مش كدا

وشكرااااا يا هيثم على الموضوع

فى انتظار جديدك

[thoma21]

اقتباس المشاركة الأصلية كتبت بواسطة البرينسيسة اولا.الف حمد الله على السلامة ثانيا .انا عن نفسى هفكروه بالكلام اللى قالوه وهعطيلوه فرصة واحدة لو اتكرر الموقف ده تانى يبقى خلاص على كده

ميرسى جدا البرنسيسه على الترحيب الجامد ده
وميرسى اكتر على انك نورتى الموضوع

طيب ولو اتكرر منه الموقف يا برنسيسه هتعملى ايه

[thoma21]

اقتباس المشاركة الأصلية كتبت بواسطة عاشق ولهان اول شئ اهنئك بسلامة الشفاء من المرض واتم عليك بالصحة والعافية ردي علي الموضوع دة او الموقف بشدة وتخيارها ام انا او هو وعليها الاختيار شكرا علي الموضوع

اولا ميرسى عاشق ولهان على الدعاء والترحيب بيا

وميرسى على تشريفك للموضوع
طيب ولو هى اختارتك وقالتلك خلاص مش هيحصل تانى
ولاقيته حصل تانى رد فعلك ايه ؟

[thoma21]

اقتباس المشاركة الأصلية كتبت بواسطة &ملكه بكلمتي& هاسال الاول لو هو ما عمليش حساااب وواقف عاااادي يبقى يرووووح كلب ييجي عشره مع احترااامي الشديد للاولاد

ملكه طبعا خلينى اقولك ان اسلوب الكتابه كده وحش ودى نصيحه طبعا كاخ اكبر لاننا هنا نحترم الانسان مهما كان وعارف انك مش هتزعلى منى لانى اخوكى الكبير

وميرسى طبعا على مرورك الرائع المميز على التوبيك يا قمر

[thoma21]

اقتباس المشاركة الأصلية كتبت بواسطة lolla حمدا لله على السلامة يا هيثم وميرسى على الموضوع الجميل وانا اكييييييييد هزعل شوية وهاعرف هو عمل كدا لييييييه بس لو اعتذر هاحاول اسامحه بشرط طبعا انها متتكررش تانى << جامدة انا مش كدا وشكرااااا يا هيثم على الموضوع فى انتظار جديدك

الله يسلمك وميرسى ليكى انتى على الثناء طبعا على التوبيك ومرورك الجميل على التوبيك على فكره يا جماعه انا من هنا بوجه برضه شكر لمشرفتنا لولا وكل مشرفينا هنا لانهم بجد بيتعبوا اووووووووووى معانا
وميرسى على صراحتك واسلوبك العلمى فى معالجة المشكله ومش عارف ايه حكاية جامده انا دى تقريبا مكتوبه غلط فى نص الرد او حد داسسها
اوعى تزعلى بهزر
وتحياتى ليكى ولكل المشرفين فى المنتدى

[NERA 31]

انا هرد على موضوعك للمرة التانية لانه بصراحة موضوع جمييييييييل .لو اتكرر يبقى هو مش عامل على زعلي وانا هسيبه اكيد هكون زعلانة بس هو اللى اختار