ظاهره فى المنتدى

[big bốss]

السلام عليكم و رحمة الله و بركاته

يعنى ملاحظ ظاهره معينه و هى أقبال الاعضاء الجديد على كتابة الشعر

و على التواجد بكثافه فى قسم الابداعات

و قليل جدا الى بيهتم بهواية الفوتو شوب او بالخزعبلات او الكتابه فى قلم الاعضاء

يا ترى أيه السبب ؟

هل الاعضاء بتنجذب لقسم الابداعات بسبب نشاطه و كتابات الاعضاء الجميله

ام بسبب هوايه داخليه فيهم ؟

طيب و السؤال التانى

ليه النفور من تعلم الفوتو شوب او الكتابه الخزعبلات او كتابة مقالات

و حتى الاستضافات فى قسم اليوميات مبقاش فيه اعضاء جدد ليها

الرغبه تعمل كدا يا ترى ليه ؟

هل دا دليل على انهيار المنتديات و فقدان الرغبه فيها ؟

و لا كما يقولون تنويه عن انتهاء عصر الاعضاء المتميزين متعددى المواهب ؟

مش عارف بصراحه

كذا سؤال مش لاقيله أجابه

فى انتظار ارائكم و تفسيركم

دومتم بود ،،،،،

[همس الحنين]

هى مش ظاهره يا نور

هى فى اغلب المنتديات هتلاقى الاقبال اكثر على الشعراو الابداع عموما

مسأله تعلم الفوتو امر مرهق ومحتاج مده طويله وبرضو دى هوايه

بالنسبه لى بحب الكتابه عن الرسم رغم انى برسم كويس

والشعر مش كلنا بنجيد كتابته بس الاكيد

كلنا بنحب نقرأه

واللى بيمتلك موهبة الكتابه بيقدر يعبر والتعبير بالقلم اقوى

تسلم

[phalsteen]

انا شايفه انه طبيعي جدا الظاهرة دي
وشئ متوقع
الشعر والخواطر والابداعات مهمه جدا بس متوافر اصحابها
ورواد اقسامها لان المغزي والغرض هو هو في كل المنتديات

لكن الخزعبلات قسم له ذوق منوع ومختلف نوعا ما
يعني سهل تلاقي شاعر كل يوم
لكن مش سهل تلاقي اسلوب ساخر مميز تحب تقرا لمجرد انه تضحكك
لا ومتنساش ان الكأبه معششه في الشعب كله انور

كمان الاستضافات
يعني هو زمان كنت بتلاقي استضافات تذكر الا من اشخاص بعينهم
اغلب البرامج كانت عاديه ومش اكتر من انها متداوله
ودا مش بس عاوز جهد لا عاوز حد متابع الاخبار وعارف سياسه المنتدي اوي
انت عاوز حد جديد يعمل برنامج يشد كل الاعضاء
وكمان متنساش ان المنتدي من قريب كان في شبه وعكه صحيه
لغياب الاعضاء ولظروف الامتحانات

اكيد في ناس عندها مواهب
بس الاهم من ان العضو يبقي عنده مواهب كتير
انها فعلا تكون مواهب تذكر
يستفيد منها المنتدي

وكلنا نتمني الصالح
تسلم

[۩۩ elMagic ۩۩]

هى بتبقى ميول
كل شخص بيشتغل ف المجال اللى بيتميز فيه
وغالبا الجانب الادبي بيبقى له النصيب الاكبر
لانه جانب مرتبط بالعاطفه والمشاعر
وبيقدر كل شخص يوصل اللى بيحس به بإستخدام قلمه
بس دايما الميزه اما تكون موجود ف مكان بيشمل كل المجالات دي
لان التنوع مطلوب خصوصا ف عالم المنتديات اللى بيقوم
وبيشتغل بفضل اعضاءه ونشاطهم وروح الود والمحبه اللى بينهم

[big bốss]

اقتباس المشاركة الأصلية كتبت بواسطة همسات فوق القمر هى مش ظاهره يا نور هى فى اغلب المنتديات هتلاقى الاقبال اكثر على الشعراو الابداع عموما مسأله تعلم الفوتو امر مرهق ومحتاج مده طويله وبرضو دى هوايه بالنسبه لى بحب الكتابه عن الرسم رغم انى برسم كويس والشعر مش كلنا بنجيد كتابته بس الاكيد كلنا بنحب نقرأه واللى بيمتلك موهبة الكتابه بيقدر يعبر والتعبير بالقلم اقوى تسلم

الشعر و الفوتوشوب برضو هوايه و اكيد لها معجبين و موهبين بيها

مفيش حد بيجيد الشعر أجاده تامه الغالبيه هاوى لا اكثر

موهبة الكتابه زى موهبة التصميم مفيش اختلاف

الاختلاف ان مفيش اقبال علي التانيه

شكرا لرايك بسنت

[big bốss]

اقتباس المشاركة الأصلية كتبت بواسطة nefertiti انا شايفه انه طبيعي جدا الظاهرة دي وشئ متوقع الشعر والخواطر والابداعات مهمه جدا بس متوافر اصحابها ورواد اقسامها لان المغزي والغرض هو هو في كل المنتديات لكن الخزعبلات قسم له ذوق منوع ومختلف نوعا ما يعني سهل تلاقي شاعر كل يوم لكن مش سهل تلاقي اسلوب ساخر مميز تحب تقرا لمجرد انه تضحكك لا ومتنساش ان الكأبه معششه في الشعب كله انور كمان الاستضافات يعني هو زمان كنت بتلاقي استضافات تذكر الا من اشخاص بعينهم اغلب البرامج كانت عاديه ومش اكتر من انها متداوله ودا مش بس عاوز جهد لا عاوز حد متابع الاخبار وعارف سياسه المنتدي اوي انت عاوز حد جديد يعمل برنامج يشد كل الاعضاء وكمان متنساش ان المنتدي من قريب كان في شبه وعكه صحيه لغياب الاعضاء ولظروف الامتحانات اكيد في ناس عندها مواهب بس الاهم من ان العضو يبقي عنده مواهب كتير انها فعلا تكون مواهب تذكر يستفيد منها المنتدي وكلنا نتمني الصالح تسلم

تمام يا سما

ليه مش سهل نلاقى مصممين مع ان زمان كان غالبية اعضاء المنتدى بيتعلموا الفوتو

ليه مش بنلاقى هاوى استضافت زمان كنا بنلاقى كتير جدا و برامج منوعه

و هكذا ،،،،

تحسي فيه حلقه مفقوده يا سما

ممكن الوعكه الصحيه الى اصابة المنتدى هى السبب

شكرا لرايك

[حـيـــــآة ❤]

هو يعتبر موهبه او هوايه
والاقبال الكتير عليه يمكن عشان يثبتوا وجودهم
ف المنتدى
تسلم ع الموضوع

[big bốss]

اقتباس المشاركة الأصلية كتبت بواسطة ۩۩ elmagic ۩۩ هى بتبقى ميول كل شخص بيشتغل ف المجال اللى بيتميز فيه وغالبا الجانب الادبي بيبقى له النصيب الاكبر لانه جانب مرتبط بالعاطفه والمشاعر وبيقدر كل شخص يوصل اللى بيحس به بإستخدام قلمه بس دايما الميزه اما تكون موجود ف مكان بيشمل كل المجالات دي لان التنوع مطلوب خصوصا ف عالم المنتديات اللى بيقوم وبيشتغل بفضل اعضاءه ونشاطهم وروح الود والمحبه اللى بينهم

اكيد يا ماجيك هى ميول مفيش خلاف فى كدا

بس تحس زمان كانت الاعضاء متعددة المواهب و دا شىء جميل

دلوقتى تحس مكبوتين على الشعر بس

منورنى برايك يا كبير

[big bốss]

اقتباس المشاركة الأصلية كتبت بواسطة ♥حيآة آلروح♥ هو يعتبر موهبه او هوايه والاقبال الكتير عليه يمكن عشان يثبتوا وجودهم ف المنتدى تسلم ع الموضوع

أثبات الوجود مش حكر على الشعر بس

ممكن بالتصميم او الكتابه فى الاقلام او الخزعبلات او بالاستضافات

نورتينى برايك

[شاعر الحب الحزين]

هههههاي سيبنا ناكل عيش ونسترزق يا عم نور هههههاي

هقوللك على حاجة لولا الملل والإحساس بالوحدة مكنش حد دخل المنتدى

علاج الحاجات دي دايما بييجي من خلال الكتابات الأدبية والكلام الحلو

الإقبال موجود على كل الأقسام وكل شخص حسب ميوله وهواياته

هيا دي اجمل ظاهرة لا وكمان نسبة الزوار في الابداعات تفوق النسبة ف باقي الأقسام

انا واحد من الناس مستحيل اكتب موضوع بره الابداعات

لكن بشارك في ردود على المواضيع اللي في باقي الأقسام

تسلم يا نور حقيقي مواضيعك جميلة

بحييك على نشاطك ومجهودك الجميل

احترامي وتقديري