سمعنا الصلاة على الزين

[ابو نصير]

خزعبليه على الصبح ...
ياصباح الخيرات ... والحورات على الريق وكل واحد يبلع ريقه أحسن مايبلع لسانه اللى مودى الواحد فى ستين داهيه ...
وسمعونا الصلاة على النبى عليه أفضل الصلاه والسلام على سيد البشريه والمرسلين ..
وصلاة الزين على الراجل والواد والعيل والوليه أبو لسان زين
وعاوزك تسمعو كلامى وطرطرو ودنكم قبل ما أقول كلمتين
والأفه أم ودنيين ورجليين لازم يشلوها أتنين..
وخلو بالكم من الواد الحسود والحقود وأبو عنيين
اللى ماشى بالنميمه بين الناس وعامل لسانه ديل
وابو عمه الرمه اللى عايش فى زمن أبو تسلم الأيدين
اللى طول النهار والليل فى بؤه لبانه وعمال يؤول أجبلكم منين
وخليه من العنكبوت عامله خيوط بتصتاد الحر والزين
والنيله السوده ودوله لا بتزرع ولا بتصنع وعايشه على الدين
وياسلام على الحصاد بتاع كل سنه وياصباح الخير
وفى ناس بتزرع وتحصد فى سنة ألفين
وفى ناس بتهدم وتقتل وتسرق وتنهب
وترقص وتغنى وتؤوووووول موال ياليل ياعين
والناس بتطلع القمر وناس بتزرع الكفته فى بلد
أم الفهلوه وأ الدنيا وناس عايشه محايده بين البنيين
ومن كتر صناعة الحلل الأباتشى بئينا دولتين
دوله بتاكول كحك ودوله عايشه على فتات القمح
وشباب ماشى بيكلم نفسه وبيؤوول مستقبلى راح فين
ويارب كل من يشمت فى مظلوم وشريف حر يشوف هلاكه
بين أيده وبين العنيين
وربنا على الظالم السفاح الغادر بتاع نوال
وأعلام السكاره وابو العنيين
وياصلاة الزين على دوله طلعلها ودان ورجل وديل
ابو نصير

[جنون قلب]

الف صلآه وسلآم عليك يا سيدى يا حبيبى يا غالى
منور يا ابو نصير انت كنت فين تعلآلى
منفض لينــآ وواخد طريق لو حدك يا اخى بطل تعَالِ




جيت لينــآ بخزعبلآيه جنــآن
بجد وصفت البلآوى السوده اللى بنعيشهــآ مع دولتنــآ
اللى بتمشى وهى نايمه
هنعمل ايه ما هى معزه قايمه ومعزه نايمه


مشكور يا ابو نصير
ومستنيينك على طول بخزعبلآتك
تسلم اخوى

[كريم*]

اللهم صل على محمد
والله عليك ياحبيب والديك ابو نصير
بصراحة روووووعة عزف منفرد
وكمان على الريق والصبح
وفى ناس بتزرع وتحصد فى سنة ألفين
وفى ناس بتهدم وتقتل وتسرق وتنهب
وترقص وتغنى وتؤوووووول موال ياليل ياعين

كل يوم تكتب لنا الصبح
اوعى تفطر

[The MaSster]

اللهم صلِِِِِى وسلم وزد وبارك على افضل الخلق
يا صباح الفل على الناس المحترمه على الصبح
اعجبتنى الخزعبلايه تسلم يا كبير
وربنا على الظالم

[.Lamar]

عليه افضل الصلاة و السلام

هههه يا خزعبلاتك يا استاذى
دايما مرح متطعم بالوجع
قلم مهموم بمشاكل وطن

احييك اخى على ما تقدمه من ابداع
تقبل مرورى البسيط
و شكرا لك

[العاشق الذى لم يتب]

واللهل ياابو نصير
آخرمنجهة
بجد انت منورالدنياكلها
مش بس الخزعبلات
نايس خزعبلاية

[SaMa.]

عليه الصلاة والسلام
مفيش بعد كده احلى كلام

[جنون الحب]

عليه افضل الصلاه والسلام
يا صلاه الزين ايه الكلام السكر دا
مفيش احلي من كدا

[ابو نصير]

اقتباس المشاركة الأصلية كتبت بواسطة جنون قلب الف صلآه وسلآم عليك يا سيدى يا حبيبى يا غالى منور يا ابو نصير انت كنت فين تعلآلى منفض لينــآ وواخد طريق لو حدك يا اخى بطل تعَالِ جيت لينــآ بخزعبلآيه جنــآن بجد وصفت البلآوى السوده اللى بنعيشهــآ مع دولتنــآ اللى بتمشى وهى نايمه هنعمل ايه ما هى معزه قايمه ومعزه نايمه مشكور يا ابو نصير ومستنيينك على طول بخزعبلآتك تسلم اخوى

.........
حبيب قلبى جنون.......
اجمل شيء ياواد دايما معاى على الخط
وربنا يفكها فى القريب العاجل
اجمل التحيه وأجمد سلام للمعلم جنون القلب
ابو نصير

[ابو نصير]

اقتباس المشاركة الأصلية كتبت بواسطة كريم* اللهم صل على محمد والله عليك ياحبيب والديك ابو نصير بصراحة روووووعة عزف منفرد وكمان على الريق والصبح وفى ناس بتزرع وتحصد فى سنة ألفين وفى ناس بتهدم وتقتل وتسرق وتنهب وترقص وتغنى وتؤوووووول موال ياليل ياعين كل يوم تكتب لنا الصبح اوعى تفطر

حبيب قلبى كيكو
اولا وحشنى كتير
ثانيا مزاجك عقران يعنى معفر شويتين
خليك كده بعيد عننا ياعم الحجز ومن تواضع على الله رفعه
واضربها خرطوش علشان نخلص
حبيب قلبلى كيكو يارب ربنا يسعدك ويبعد عنك وعنا تلك الهموم العويصه
اخوك ابو نصير
على فكره ياكيكو انت عامل زى الفكهه الندره فى المنتدى التى نشتاق لها
بس موش اى حد يتزوقها
هههههههههههههههههه