( morshooo ) و ( صفحات الاعضاء تانى 1 ) ^_^

[morshooo]

بسم الله الرحمن الرحيم

مزاج الخير

اهلا بيكم وحلقه جديده من

( morshooo ) و ( صفحات الاعضاء )

الموسم الثانى



تعالو نشوف جبتلكم ايه النهاردة

ساعات الواحد بيحب اماكن معينه وبيحب يروحها

عشان يقعد كدا ويحكى ويعيد الزكريات الجميله

ويقعد بقى مثلا على الشاطىء ويسمع فيروز مثلا

يااااااااااااااااه ايه الحلاوة دى اجدعان

أول مره أعد قدام البحر وملاقيش حاجه اقولهاله

مش عارفه ده مؤشر حلو ولا وحش بصراحه

بس مش حاسه البحر زي ما كنت بحسه

طيب حسيتى ايه يا بنتى قلقتينا عليكى والله

عموما انا عرفت خلاص .

احب اقولك ان كان مضحوك عليكى ( احمد ) جوزك

كان مقعدك قدام البانيو وقالك ان هى دى ( اسكندريه 2015 )

( dr.sma )




الواحد اكيد يعنى بيكون مبسوط لما يرتبط

ببنت وياسلام بقى لو بيكتب شعر كمان اخرابى

هيهريها شعر وخوأطر وقصائد وبلاوى زرقا .

فقلت لأمنية روحى

منذ متى لاأدرى
أبحث عن مشوقتى
ملأت بحبها مدونتى
وحروف اسمها منقوشة بمهجتى
وعذب صوتها هو مداد محبرتى

كلام جميل كلام رائع

طيب وقالتلك هى ايه بعد الكلام دا يا سيدى

فقالت لى:
بجنون اليك اشتقت
وباعلي الصوت اليك ناديت

طيب واحنا بنقولكم كا اعضاء

قوم يارفعت انتا وامنيه
ريحو شويه فى الغرفه ديا

العاشق الذى لم يتب




فى ناس يا جماعه بتتعب والله من المزاكره

وفعلا الواحد بيكونو صعبانين عليه جدا

واول لما بياخدو الاجازة ماقولكوش

بيهتمو انهم يستفيدو ويعملو حاجا كويسه

زى العضوة دى بالظبط

أحيانا نجد راحتنا بالأخطاء !!

//

supway وأسامة منير الراعى الرسمى للأجازة ./

ايه العضوة دى دى مش ممكن دى فظيعه

هم دول الراعى الرسمى ليكى فى الاجازة ^_^

احب اعرفكم بس ان العضوة المتميزة دى

طالبه فى كليه تجارة

يبتاعت ( supway )

śèá pèárł




الواحد بيكون مبسوط جدا لما بتجيله هديه

وبيكون فرحان بيها جدا وممكن ينزلها على الفيس او المنتدى

عشان الاعضاء تشوفها ويشاركوه الفرحه من كدا يا .....

كملت ياجدعااااااااااااااااان

جاتلي هدية حاااااااااااااااااااااااااالاً

تخيلوااااا تكون إيه ؟؟؟؟

طب هسيبكم شوية تخمنوا ماشي ؟

انتى جايه تقرفينا يعنى ياستى

خلصى فين الهديه والا عباره عن ايه

حد تخيل ؟؟؟ طب حد فكر ؟؟

بلاااااااااش تحتاروا وتعالوا شوفوا



هى دى الهديه الى قرفانا بيها

وان شاء الله مين كان هيفكر ان يجيلك قطه يعنى

عموما شكلها حلو

ملحوظة ... الصورة اللي فوق مش صورتها الاصلية

بس نسخة طبق الاصل يعني

هبقا اصورهالكم بس عايزة حد يقترح اسم بقااا

يادى النيله مش بقولك جايه تقرفينا وسيبانا نفكر

وسبتينا نتخيل ان هو دا القط

وفى الاخر نازله بملحوظه ان مش دا القط

ندعى عليكى يعنى والا نقول الاهى يرمى نفسه من الشباك

جبل عالى




الواحد يا جماعه اكيد بيحب يعرف الناس

على شخصيته حتى لو ما يعرفش مين الى بيسئله

بس المهم انه يوضح شخصيته حد فاهم حاجا ^_^

بمناسبة الآسك دا هو له مواقف معايا

مره واحد شتمنى فيه لما انتخبت السيسى

و مره واحده أعترفت بحبها لى بس من غير ما أعرف هى مين

و غير الاسئله الى بشد شعرى منها

استنى بس كدا مبحبش انا الرغى الكتير

واحد دخل شتمك لما انتخبت السيسى عادى

ممكن يكون الواد ( ياسر ) بس الحقيقه هو كان

بيتشتم مش بيشتم دى حقيقه يعنى

لكن واحده اعترفتلك بحبها دا من ايه بس عشان نعرف

اتاكد يابنى يمكن هى غلطانه اساسا وبتحسبك الى بتحبه

big boss



وبكدا بتخلص حلقه النهاردة

ماتقلقوش لسه

الى جاى احلا



بمناسبه لقاء القمه

[big bốss]

يخربيت دماغك يا مورشو

التعليق دا موتنى من الضحك


قوم يارفعت انتا وامنيه
ريحو شويه فى الغرفه ديا :d


ربنا يهنيهم يا عم و عقبال ما نرتاح احنا كمان فى الاوضه الجوانيه

ههههههههههههههه

ياسر كان غلبان والله و الناس كلها جايه عليا

دى بنت معجبه بقا يا مورشو

ما انت عارف معجبينى كتير

روح شوف الوليه بتنادم عليك

نايس برنامج الى مغلبنا و فضاحنا دا

[رووكه]

عينى عليهم الاعضآء قآلت خلاث آرتآحو
من مقالبك آحج وبقو يفضفضو براحتهم

تيجى تقفشهم كدهون

فيه حآجات منهم فصلتنى فعلا وانا بمرع المدونآت

الله المستعآن عليك آبو حمود

منتظرين الضحآيا الباقين

[جنون قلب]

منورنا يا برنس
انا هروح اعمل موضوع فى صفحـآت مكشوفه
عشان خـآطركـ مش اكتر من كده
( اسلوب تثبيت )



تسلم يا كبير

[كريم*]

هههههههههه
انا وناس كتير غيرى بصراحة
خايفين ندخل نرد لان بردنا ممكن نلفت نظرك
وانت طلعت مصيبة
والله يامورشو لولا بعتلى رابط ماكنت دخلت
انت فضاح يامان هههههه

[phalsteen]

وليه تقلب موضوعك اللي الاعضاء بتحبه
لساحه للخلافات
عموما شكلك عاوز تقلب التوبيك خلاف
عشان تحتفل بعودة التوبيك
ربنا يعينك اكينج

[انت احلى الناس]

ههههههههههههه
فعلا كان معاك حق لما قولت كل واحد يخلي باله من مدونته عوده جميله بجد مورشو
تسلم ايدك يا جميل

[العاشق الذى لم يتب]

من زمان وحشتناقفشاتك
ربنايخليك لينا
ولايحرمنا من تجسساتك
ومنورالدنيا احمد

[العاشق الذى لم يتب]

انت نسيت تقولى فين الغرفة
يارب تاكون دافية شتاءا وباردة صيفا
روح ربنامايسلط عليك ولية

[Words Whisper]

مشاركة سما
أنا كـ أسماء مش عارفة هي بتحب إيه ف البحر !
وحشاني والله ياسمسمتي ..

بحب التوبيك دا
عودا حميدا بئا ..

دوام النشاط ..