قبل ماتش القمه النهارده : اهلاوى ~ زملكاوى .. اجمع :)

[محمود الصاروخ]

السلام عليكم ورحمة الله وبركاته
-

حبيت اعمل الموضوع ده فى القسم هنا عشان الناس كلها تشوفه
وده بعد اذن المشرف طبعا
مكبرهالك اهو يامورشو

أهلاوى ، زملكاوى = مشجع مصرى أصيل وره منتخب بلده فى كل حال
طول عمر الزمالك ماشى والاهلى بيطارده وبياخد منه بطولات وعشان احنا بلد
بتتنفس كرة قدم دايما هتلاقى كل واحد فينا وره الفريق المفضل له وبيتمنى
انه يفوز ولكن المباراة هى اللى بتحسم الكلام ده

ماتش القمه النهارده مش نهاية الكون

الاهلى مقامه معروف وسيد افريقيا وكلنا عارفين كده ومحدش ينكر الكلام ده
الزمالك أول من أسس مفاهيم البطولات عبر امتداد القاره السمراء

النهارده هتكون ليله مصريه جميله فى كل شوارع مصر
تجمع بين الزمالك المتصدر والأهلى الرابع وله ماتشات مؤجله
وفى الحالتين الجمهور المصرى هو اللى رابح

الزمالك سطر من سطور الكره المصريه الجميله
الأهلى سيد افريقيا وبنتمنى له المزيد من النجاح دائما


اللى عاوز أقوله وزى ما بيحصل بعد كل ماتش كلنا بندخل نشمت فى بعض
وبنضايق فى الفريق المهزوم مش عاوزين الكلام ده


عاوزين الكسبان نقوله مليون مبروك عليك ال 3 نقاط
والمهزوم نقوله هارد لك وفى النهايه كلنا هنستمتع بكرة قدم حقيقيه
وهنبص ف الاخر هنلاقى نفسنا كلنا كسبانين والله


انا مش عارف أقول ايه فى الموضوع ده بس النهارده يوم كروى جميل
فى كل شوارع مصر واتمنى اننا نشوف اداء يليق بكرة القدم اللى اتعودنا عليه

تحياتى للجميع

[الفيلسـوف]

تسلم ايدك يامحمود بجد مشاعر جميله ويوم جميل مش عارف اقولك ايه بس تسلم ايدك

[morshooo]

تسلم يا صاروخ يا جامد
هقولك حاجا يمكن ميزه كره القدم
فى الى بنعمله دا ان كل واحد بيتمنى فريقه يكسب
والحاجات دى مش ظاهره فى مصر بس
دى فى كل دول العالم وانا شايف ان كويس ان فى انتماء
لكل عضو بالمنتدى وكويس انه بيقول ويعلن دا
ويتمنى فريقه يفوز
المهم
بعد المباراه الامور تكون كويسه
الفائز يفرح ويقول الى عايز يقوله فى حدود
احترام الفريق التانى دى اهم حاجا
بالتوفيق للفريقين
وان شاء الله الاهلى يكسب اصاروخ
^_^

[عشق الحنين]

احنا مهما اختلفت انتمائتنا الكروية
هنشجع بروح رياضية وبدون تعصب
وان شاء الله اليوم هيعدى بسلام وبدون مشاكل
والكل هيكون سعيد بيوم كروى مميز
اكيد هنفرح للفائز(الزمالك ) والخسران هنقول هارد لك
موضوع مهم جدااخى محمود كل الشكر لجهودك الجميلة
تحياتى وتقديرى

[انت احلى الناس]

روح رياضيه جميله يا محمود
تسلم على التوبيك

[جنون قلب]

فى النهايه اسمها مبـآرآه كره قدم
وإن شاء الله متبعدش عن المنطق ده وعن التعريف ده
انا اه نفسى الاهلى يكسب بس مش عشان دورى
ولآ عشان اى حاجه من الحجـآت دى
هو فى شخصيه لآزم اعرفهــآ انهــآ مبتفهمش اى حاجه
وعشان برضه محدش يسال ده شخصيه بره المنتدى
لآنى قلت ليه مليون مره مبتعصبش عشان كوره
وهو مصمم ينرفزنى / الاهلى يكسب وهعرفه النرفزه ازاى


لا اكتر ولا اقل
بصرآحه بعد اللى شوفنـآه فى مصر مبقــآش فى طعم للكوره
بس اهه الوآحد بيزيط مه الزيطه
مش اكتر يعنى
تسلم ايدك حبيبى على مجهودك
والمبــآدره الطيبه دى

[۩۩ elMagic ۩۩]

بغض النظر عن الفايز
ان شاء الله نشوف مباراه تليق بأسم الفريقين
تسلم ي معلم لمجهودك

[The MaSster]

قمه الاحترام والروح الرياضيه العاليه

اتفئنا كبير

بس يا رب الزمالك يكسب علشان اغيظ ابو نصير بس وبعدين اتوب

جنون مش هتنول اللى فى بالك ولا هتسلك

ههههههه فاهمك يا نمس

[توحد ارواح]

وعليكم السلام ورحمة الله
نتمني فعلا تكون مباراه جميله
وتكون دي مبادره ودعوه للتحلي بالروح الرياضيه

شكرا لمجهوداتك

[ابو نصير]

تحياتى وتقديرى يامحمود
اخ كريم وراقى واشكرك محمود على سمو خلقك ومشاعرك الفياضه
وطول عمرك منور المنتدى
اخوك ابو نصير