اللي عاوزة تتجوز تيجيلي هنا وبسرعه بئه كدة

[phalsteen]

اللي عاوزة تتجوز تيجيلي هنا
وتركز معايا كدة
الطويله ورا والقصيرة قدام يا اخوانا
حافظوا علي نظام الطابور انا مش هفضل اطبطب للصبح انا

عارفه انت الواد الحليوة ننوس عين مامي اللي حاطه عينك عليه
اها هيجي يتجوزك من بكرة
الف بركه يختي لوللللللللللي

بس تعالي اما ارسيكي علي الدور واكسب فيكي
خمناشر ثواب

هيا اخرتها 30 ساعه جواز
ومتقوليليش قولي 30 يوم دا كان زمان يختي
الوضع اتقدم الوقتي

وهتلاقي كرش فشر طنط نعمات وهيا حامل في التاسع
وبعد ما كان بيقولك الرشاقه ثم الرشاقه والجسم الرياضي
سمعيني سلام الراجل من غير كرش ميسواش قرش

لازم ولابد بل وضروري تحتفظي بحاجتين وقت النوم يا
سماعه التليفون وتقضيها صعبان عليا حالي
لحد الصبح يا تحطي في دونك مخده اها
عشان تترحمي من صوت ميوزك حسب الله اللي هتشغل
طول ما البيه نايم
ولما يشوفك نايمه هتسمعي محاضرة بئه
انا قومت يا هانم فين الفطار ؟

تقوليش رئيس مراجيح مولد النبي حضرته

وبعد ما ياكل 20 بيضه واربع طباق فول
ويشرب جردل شاي بكل برود هيقولك تعالي شيلي الاكل
اللي مالوش طعم دا انا هفطر مع صحابي في الشغل

لا تعالي كلنا حضرتك

ساعتين وهتلاقيه مشرف واول ما تفتحلي الباب ولسه هتقولي
حمدلله علي سلامتك هتلاقيه تلقائي بيقولك
طابخه ايه علي الغدا ؟

واستلمي بئه يا قلب اختك
الجزمه كل واحدة في يمه
الشراب اللي عشان تقربي معاه محتاجة انبوبة اكسجين
ومساعده دوليه من منظمه حقوق الزوجات

وبعد كل دا كله هيقولك انتي محتفظه بمرليه المطبخ ليه
وبعدين تخنتي وبقيتي شبه نورا السباعي في امير البحار

يختي كميله
يختي حليوة
هو حضرتك بلس انك دمك تقيل جالك حول
دا الكلام دا ليا انا

دا غير يا اوختي التلاكيك والاستفزاز
وكورسات العلاج للسكر والضغط والقلب ودا كله
لسه السنه مجتش عليكوا

هتقولي عيد ميلادي ؟

هيقولك لا والله طيب مجراش حاجة انا مالي هو عيد ميلادي
ولا ميلادك

هتقوليلي اروح لماما هيقولك المهم اجي الاقي
اكلي جاهز ومتتأخريش عشان هتروح عليا نومه
وهتاخر علي الشغل

ولو اتهبلتي وقولتي خرجني
هيوديكي المقابر عشان تاخدي عظه وعبره
وتعرفي ان الحياه فانية فمتتهبليش تاني

ولو ربنا كرمه وجتله حاله كرم هيجبلك
طبق كشري عشان عارف انك مش بتحبيه
فيقوم واكله هو


يالا لسه عاوزة تتجوزي ؟

[big bốss]

هههههههههه

دا انتى وصفتى الواقع باتقان

بس نسيتى حاجه بعد ما ارمى الجزمه ة الشراب

هخليها تعدك رجلى بميه ة ملح ههههههههههه

امال البنت بعد ما تتجوز بيبقى اسمها وليه ليه ههههههه من كتر الولوله

نايس سما

[™Amiliya]

لالا انا خطيبي كيوت ياسما ونظيف كدا وحاجة الله اكبر يااوختي تفرح

متفائلة هههههههههه

[MĺŔǾ]

ههههههههههه يقطعك شردتي الرجاله .. والبنات هيخافوا يتجوزا كدا
اوعي حد يسمع كلام أم جمني ،، الرجاله حلويات خالص هههههههه
الدور والباقي عليكوا أل كرش أل خليني ساكت يا ثمثمة هههه

[βÄşmα ♥]

هههههههههههـ حلوةة ياآ سسما انا متشاآئمةة بجد ههههـ

وبتتكلمي عن الواقع ...وشكراًع التنبيه (لا جواز بعد اليوم ) ههـ

[السفيره عزيزه]

انا بصراحة كنت وصلت للطابور
بس خلاص بلاهاااااااااااا جواز
خلينا بعيد ..يااااربي

جميله سما وحلوة
دايما بخير
السفيرة

[phalsteen]

اقتباس المشاركة الأصلية كتبت بواسطة big bốss هههههههههه دا انتى وصفتى الواقع باتقان بس نسيتى حاجه بعد ما ارمى الجزمه ة الشراب هخليها تعدك رجلى بميه ة ملح ههههههههههه امال البنت بعد ما تتجوز بيبقى اسمها وليه ليه ههههههه من كتر الولوله نايس سما

لا كدة اوفر
ميرسي نور
نورت

[phalsteen]

اقتباس المشاركة الأصلية كتبت بواسطة ايميليا لالا انا خطيبي كيوت ياسما ونظيف كدا وحاجة الله اكبر يااوختي تفرح متفائلة هههههههههه

الله الله علي الاخبار الحلوة
مبروك يا قلبي
بس كلهم كيوت في الاول ثدقيني

[phalsteen]

اقتباس المشاركة الأصلية كتبت بواسطة mĺŔǾ ههههههههههه يقطعك شردتي الرجاله .. والبنات هيخافوا يتجوزا كدا اوعي حد يسمع كلام أم جمني ،، الرجاله حلويات خالص هههههههه الدور والباقي عليكوا أل كرش أل خليني ساكت يا ثمثمة هههه

مين البيه
ال حلويات ال
اسكت يا ميرو اسكت
لا ياخويا اتكلم
ال خليني ساكت

[phalsteen]

اقتباس المشاركة الأصلية كتبت بواسطة βÄşmα ♥ هههههههههههـ حلوةة ياآ سسما انا متشاآئمةة بجد ههههـ وبتتكلمي عن الواقع ...وشكراًع التنبيه (لا جواز بعد اليوم ) ههـ

شطورة ايوت كدة
انتي كدة في السليم