( morshooo ) و ( صفحات الاعضاء تانى 2 ) ^_^

[morshooo]

بسم الله الرحمن الرحيم

مزاج الخير

اهلا بيكم وحلقه جديده من

( morshooo ) و ( صفحات الاعضاء )

الموسم الثانى



تعالو نشوف جبتلكم ايه النهاردة

مش عيب ان الواحد يعمل دعايه لنفسه

مش يمكن بيدور على عروسه والا يمكن

هو عنده عروسه بس حابب يعرفها هو ايه بالظبط

ممممممم
بطبعى مرح وكتاباتى بتميل لنفس اللون
قلبى طيب وحنون كاره للحزن والنكد
بحب الحياة ومُقبل عليها
بهوى الصور المتحركة ومش هسامح اللى يسرقها
هكنس عليه السيدة والحسين
مدونتى هتكون من كتاباتى بطريقة
عامية احياناً وبسيط

بص يا معلم انتا بتفكرنى بقنوات كدا اكيد سمعتها

فيها بنات بتقعد تقول

( احنا بنات عائلات محترمات للتواصل معنا برجاء الاتصال )

ايه ياعم دا ايه ياعم انتا دا بس يا ابو قلب طيب ياحنون

المهم اوعى تكون دى كمان مقدمه من لمار*

كريم*




الواحد دائما بيكون مبسوط لما حد يديله

عمر غير عمره وسن غير سنه يعنى مثلا الواحد يكون 30

وحد يقوله انتا عندك 25 سنه مثلا

زى العضوة دى بالظبط ^_^

من الحاجات السعيدة الحلوة اللي تحصل بيومي
ان واحدة مش نعرف بعض تسألني : عندك كام سنة ؟
فأنا كالعادة أقولها : إيه رأيك ؟ خمني كدا
تقوم تقولي : شكلك صغيرة ف أولى أو تانية كلية
فابتسم بفخر و أقولها : لازم أعدل الياقة d=

ياله من حدث مبهج
بحب أنا كدا ان الناس بتعطيني أصغر من سني ^__^
مع ان قبل مش كنت شايفه كدا غير لما لقيته اتكرر أكتر من مرة
بس على فكرة عادي بعد ماأسمع التخمين برد على السؤال ..

انا بس عايز اعرف حاجا طالما الموضوع

دا بيحصلك كتير انتى فى حاجا ملفته فيكى

عشان ناس تسئلك السؤال دا او مثلا

دا الناس فاضيه فبتقضى وقتها وتسئلك

عموما انتى عايزه

( ريهام سعيد )

تجيبلك شيخ يسننك عشان كله يعرف

سنك الطبيعى

words whisper





مفيش احلا من الرومانسيه بين الزوجين

يعنى تيجى تكلم المدام تغنلها مثلا

( بحلم بيك ) لـ ( كريم محسن )

او اى اغنيه رومانسيه عشان فى اللحظه دى

هتلاقى المدام بتقولك الكلام دا

مراتي بتقولي لو فكرت تجوز عليا احطلك سم في الاكل
هيه ممكن تعملها بجد ممممممم
الحمد لله اني مش بفكر ولا افكر فيه ابدا

مين دى ياعم وانا الى عمال اقولهم

ياخدوكم مثال ليهم

عموما يابنى انا نفسى تفكر

عشان نخلص ياعم

واد حبيب




الواحد مش عيب لما يكون صوته حلو

ومش عيب انه يظهر موهبته دى قدام حد

حتى لو اعضاء المنتدى لانهم

يستهلو كل خير

الحب كده

وصال

ودلال

ورضا

وخصاااااااام

واهو من ده وده

الحب كده

مش عايزة كلام الحب كده

الــــــــــاــــــــــــه عليكي ياست

ست مين بس الى الله عليها

الله عليكى انتى يا بنتى

حاسك مولعه سجارة وعماله

تشربى قهوه وبتغنى معاها

صحيح الحب بهدله بس مكنتش متصور انه بجنان

هاديه




جميل جدا ان الواحد يطمن على حبيبته

ماهو لازم مش بيحبو بعض والجميل

ان يكون الكلام حلو أوى

وطعم أوى وجميل أوى

وانا أوى وانتو أوى وكلنا أوى

أمسى عليك حبى
وحشنى أوى
والمكان من غيرك وحش أوى
ومشغول عليك أوى
دعيتلك ربنايشفيك ويعفيك

نسي أوى على فكره ويعفيك بس عموما

كمل ياعم الحاج

أنت عارف حبيبى
لماقولتلى تعبان وعاوز أكشف
حسيت انى مريض وتعبان اوى
وفضلت أدعيلك ربى يعفيك ويشفيك
وكانت ليلتى طويلة اوى

ايه ياعم أوى الى ماسكهالنا دى

عموما انا قولت لازم ارد عليك بكلامى دا

عرفنا انكم بتحبو بعض أوى
وهتجوزو فى الصيف الجاى أوى
وانكم متفقين أوى
ومتفاهمين أوى
وقربتو تفقعوهالى أوى
المراره عشان دماغك ماتروحش بعيد أوى

العاشق الذى لم يتب





وبكدا بتخلص حلقه النهاردة

ماتقلقوش لسه

الى جاى احلا




ربنا يرحم شهداء الوطن

[phalsteen]

لا دنا اللي مرارتي هتنفقع من الضحك
حلوة الحلقه والاحلي كريم ولمار
انت مبيفوتكش حاجة ابدا
ما تسيب الناس تحب وتعيش حياتها امورشو
دا حتي عيد الحب داخل وهتلاقي من دا كتير

اختيار في وقته لليوتيوب
الله يرحمهم ويرحمنا من ذنبهم يارب

[جنون قلب]

والنبى انت بتقول كلآم زى الفل يا عم الحج
تسلم يا موروشو على الصفحه الجميله دى
وخليكـ كده وآقفلهم ع الوآحده
بس أوعى تقرب من نـآحيتى عشان ساعتهــآ
مش هكتبلكـ عربى


منور يا ريسنـــآ بموضوعكـ
تسلم ايدكـ

[big bốss]

ههههههههههههههه

يخرب بيت عقلك يامورشو

موتنى ضحك تعليقك على رفعت اوى

مصيبه انت من يومك اوى

و حلوه بتاعت كريم احنا انسات محترمات هههههههه

دى بتيجى على قناة ايه

نايس مورشو

[ويبقى الأثر]

هههههههههههههه وربنا انت مشكله
تعليقاتك رهيبه البرنامج مينفعش من غيرها
احنا بندخل الصفحات بس رؤيتك انت للمشاركات بجد جامده
استمر بئا وربنا يخليلك الصفحات عامره بكل جديد
فى انتظار الحلقه القادمه

[الأميرة رودي]

هههههههه انت مسيرك تتمنع من دخول الصفحات .
حلوه تعليقاتك اوى بجد
واليوتيوب احلى ربنا يرحمهم ويغفرلهم
تسلم ياباشا

[رووكه]

　
والله يا مورشدى هما مش بيراعو مثاعر أخواتهم القصر
آرحمونا يرحمكم ربنا
آحج كريم هتلاقى رسايل كتير من المعجبآت علشان مواصفاتك دهين
والحج رفعت الله يسعدكم بس دارى ع شمعتك

وشكر خآص لمرارتى آنها ساده معايا لحد دوقتى

..

حلقه جميله وضحكت من قلبى ربنا يسعدهم كلهم

بقآ وآسكت آمورشدى لحسن هتوقعنا ف الاعضآء

[توحد ارواح]

جميله جدا الحلقه
دا انا هفضل علي مبدئي
وعمري مش هعمل صفحه علشانك مخصوص بقا هههه
بس بجد كلها تحفه
ي.دوم التميز

[العاشق الذى لم يتب]

اولا اعتذر لمروة علشان هى اول حد يشوف الحكاوى
وربنايكون فى عون مرارتهابجد
وحاضر هدارى على شمعتى
مش علشان شمعتى تقيد
لأ علشان برضو ماحدش يتفقع مرارته ولايغير ويقول اشمعنى انا
وانت يامرشو يعنى لازم تتجسس على كل كبيرة وصغيرة
مش الواحد يفضفض ويعرف حبيبته الحكاوى والبلاوى
روح منك لله
بتاع فضايح انت
بس والله موتنى ضحك من تعلقياتك آخرروقان

[كريم*]

ههههههههه
كان قلبى حاسس انك جايلى
وقولتلك انت فضاح يامان
عموماً انا مش بسيب طار
ودورك جاى احترس منى
مشكلتك بس انك اتجوزت يعنى فلت خلاص