ثانوية عامة وشكلى هضيع

[Hearts Whisper]

السلام عليكم
طبعا دى ااول مرة ادخل من فترة طويلة ااوى
طبعا الى عارفنى عارف انى تالتة ثانوى عام
انا دخلت النهاردة ومحتاجة اتكلم ونصايح منكوا

انا علمى رياضة .. اتحديت مصر كلها عشان ادخل رياضة ..
طبعا احنا فى شهر 2 العد التنازلى بداا
تعبانة ومبقتش عارفة انظم وقتى ولا الم المواد الى اخدتها ..
وباجى تعبانة من الدروس ادخل انام شوية .. يوم اقدر اصحا و 10لاء
فعلا تعبانة وخايفة وحاسة انى بضيع .. احلامى كانت اكبر من ان ادخل هندسة الوقتى تعبانة وحاسة انى مش هجيب هندسة حتى

قولولى اعمل ايه انظم وقتى ازاى الم موادى ازاى
وايه الطريقة الى اذاكر بيها .. حل ايه

[βÄşmα ♥]

بصي ياآ قممر
اولاً ربنا يوفقك وينجحك ياآآأإرب

وما ضاقت الا فرجت ان شاء الله

ثاآنياً انا هقولك طريقتي الخاآصةة

حاولي ما تضيعيش وقتك كله في النوم يعني شويةة نامي واصحي اتوضي واقرأي قرآن كده وبعدين علي طول اقعدي ذاآكري


ذآكري بتفآئل واوعي تفقدي الامل

وابدأي بالمواد اللي انتي بتحبيها ولما تراجعيها هتلاقي نفسيتك اتحسنت لمذاكرة بقيت المواآد

وياآرب ياآآآآرب تدخلي هندسةة كده وتبقي باآش مهندسةة اد الدنياآ

وطمنيني عليكي ديماً ♥ ♥

[جنون قلب]

بصى اهم حاجه تحطى حلمكـ قدآمكـ
وميبقــآش مجرد حلم لآزم يكون هدف
والسن اللى انتى فيه ده بيكون سن الاحلآم
لآ غيرى فكره الحلم ل هدف
والغــآيه هتبقى كليه الهندسه طـآلمــآ حـآبـآهــآ
ومفيش قدآمكـ غير وسليله وآحده بس تقربكـ من هدفك وغايتك
وهو المزآكره
يعنى اتعبى الفتره دى شويه
وحـآولى تقللى من الدروس انا متهيـألى ان دلوقتى كل المنـآهج خلصتيهــآ
اعملى بقى على المرآجعه فى البيت
ووفرى وقت الدروس للمزآكره
وقللى من النوم / وبرضه لآزم يكون نومك بالليل بلآش نوم النهـآر ده
يعنى زآكر بالنهــآر زى ما انتى عايزه ولو فى دوشه حـآولى تبعدى عنهــآ




بالتوفيق لكـ ان شاء الله
وعايزين بيبسى 2 لتر وكروت شحن :d

[انت احلى الناس]

ربنا يوفقك وينجحك يا رب
معلش انتى زي ما قالت basma
مش لازم تنامي كتير اهو تريحي بس نفسك من الضغط
وابقي زاكري اول باول المواد عشان تتسهل عليكي
وخلي عندك امل انو ربنا مش بيضيع تعب حد
وعلى قد ما حتزاكري على قد ما حتجيبي معدل
وتوكلي على ربنا
وربنا يوفقك يا رب

[الأميرة رودي]

نظمى وقتك ياشوشو
وخلى حد في البيت يتابع اوقات نومك وينبهك
اعملى جدول مذاكره وابدأي بالمواد السهله
صحيح هنتعب شويه شهرين او تلاته عشان نرتاح بعد كده ونفرح بالنتيجه
ربنا يوفقك ياحبيلتى وهسمع اخبار حلوه ف النتيجه

[phalsteen]

اقولك بعد كلام كل الاعضاء دا
انتي هنا مش محتاجه غير ربنا ومن بعده نفسك
انتي الوحيدة اللي عارفه نفسك وعارفه قدراتك
وحلمك اول طريق لدا
ربنا يوفقك

[Words Whisper]

منورة
بآلي كتيييييييير مش شفتك
أنا هزود بس حاجتين رفيعين :
1- مش تمسكي مادة واحدة وتقولي هخلصها وبعدين أذاكر غيرها
لا . ذاكري كله سوا عشان مش يبئا فـ مادة ضايعة كلها منك
لأنك لو مسكتِ مادة مادة الوقت هيسرقك
قولي النهاردة مادة ------- هعطيها ساعتين و بعدها مادة ---------- تاخد ساعتين
بكره أذاكر مادة غيرهم و أحدد وقت وهكذا ..
2- خلي قدامك هدف و اسعي له
والأهم انه يكون هدف بجد مش مجرد عشان الناس بتقول دي كلية كويسة
و فـ نفس الوقت برمجي نفسك ان الهدف دا هتعملي كل حاجه عشان توصلي
بس حياتك مش متوقفة عليه ولا هتنتهي بدونه ،
مش تشوفي الحياة من منظار واحد ( هندسة ) وبرمجي نفسك ان فـ مناظير تانية
عشان لو لاقدر الله كانت الأمور مختلفة مش تحسي ان فقدتِ منظارك الوحيد
وللمرة الألف مع برمجة نفسك على دا وان اللي الله هيكتبه خير لااااااازم تبذلي كل جهدك ..


بالتوفيق ..




متعاطفة معكم والله ..

[Hearts Whisper]

ميرسى ليكوا بجد .. طبعا انا هحاول اعمل الى اقدر عليه ..
ادعولى بقا وكدا