لو انت مريض ،، ماتزعلش و أفرح :)

[A-rab3awya]

بسم الله الرحمن الرحيم

السلام عليكم ورحمة الله وبركاته


ازيكم؟ .. ان شاء الله فى احسن حال

من حكمه ربنا ،، انه خلى حياتنا الحاجه و عكسها ،،

_فرح وحزن
_ سعادة وضيق
_ نجاح وفشل
_صحة ومرض

وانا عايزه اتكلم بالذات عن الصحه و المرض دول ،،

الانسان لما بتكون صحته كويسه وتمام بيكون فرحان ويقولك انا بروح وباحى وبعمل اللى انا عايزه ،،

لكن اول ما ربنا يبتليه بمرض ولو حتى مش خطير .
تلاقيه خلاص زعل و كشر وبقى مضايق و يقول ليه كده ياربى و اشمعنا و غيره و غيره ...
وده اللى بيقول عليه ربنا سبحانه و تعالى ..


وَلَئِنْ أَذَقْنَا الإِنْسَانَ مِنَّا رَحْمَةً ثُمَّ نَزَعْنَاهَا مِنْهُ إِنَّهُ لَيَؤُوسٌ كَفُورٌ (9) وَلَئِنْ أَذَقْنَاهُ نَعْمَاء بَعْدَ ضَرَّاء مَسَّتْهُ لَيَقُولَنَّ ذَهَبَ السَّيِّئَاتُ عَنِّي إِنَّهُ لَفَرِحٌ فَخُورٌ (10) إِلاَّ الَّذِينَ صَبَرُواْ وَعَمِلُواْ الصَّالِحَاتِ أُوْلَـئِكَ لَهُم مَّغْفِرَةٌ وَأَجْرٌ كَبِيرٌ (11))سورة هود

وان الآيات ديه بتبين ازاى الانسان بيكون مبسوط و فرحان لكن اول ما ربنا يبتليه بإى شئ ف الولد او المال او الصحه

بييأس و يضايق و يحس ان ربنا كده بيعاقبه ،،

واحنا فعلا بيقنا شايفين الامراض بقت منتشره ازاى حوالينا ...

(ربنا يعافى الجميع )

بس عارف ان المرض اللى ربنا ابتلاك بيه ده ،،

فيه خير كبييييير اوى ليك ،،
طب ازاى
حديث عن الرسول (عليه افضل الصلاة والسلام ) :

ما يُصيبُ المُسلِمَ، مِن نَصَبٍ ولا وَصَبٍ، ولا هَمٍّ ولا حُزْنٍ ولا أذًى ولا غَمٍّ، حتى الشَّوْكَةِ يُشاكُها، إلا كَفَّرَ اللهُ بِها مِن خَطاياهُ


مش كده و بس ،، دة كمان ربنا لما يبتليك بمرض بتبدأ تغير كل وحش ف قلبك ،، وقلبك يبدأ يرق ،،
ولما تتألم و تتوجع تقول ياه اومال الناس اللى ربنا مبتليهم ببلاء اكبر من كده و مرض اصعب من كده ،، بتبقى عايشه ازاى فيبدأ قلبك يرق و يتملى بالرحمه ،،،

الحمدلله على كل حال ..

وافتكر الناس مهمومين و تعبانين اكتر منك 100 مره ،،

(ربنا يفرج همومهم باذن الله ) ..

وألزم ذكر الله و الاستغفار ،


(ربنا يشفى جميع مرضى المسلمين عاجلا غير اجل باذن الله )

[همسه دموع]

اللهم امين
تسلم ايدك
تحياتى

[كريم*]

اللهم امين
اللهم اشف مرضانا ومرضى المسلمين
بيكون ضعف ايمان بيكون ناقم ويائس
وعنده خيارين اما يعود الى الله لان المرء بيبتلى على قدر
تحمله او يؤس قنوط
متعك الله والجميع بالصحة والستر

[.Lamar]

مواضيعك دايما يا الاء ليها هدف و معنى جميل
دايما تجمع بين الدين و الدنيا
ربنا يحفظك
و معاكى ان فيه كتير بيحزنوا ان اصابهم مرض او حزن
بس هو فى الحقيقة ابتلاء و تكفير ذنوب
و يبتلى المرء على قدر دينه

كل الشكر ليكى يا جميلة
ودى لكى

[Sea Pearl]

كلمة الحمدلله تغنى عن اى بؤس او ضيق
فـ الحمدلله على كل شىء
موضوع قيم

[محمود الصاروخ]

الحمدلله على كل شىء
تسلمى الاء ع الموضوع

[جبل عالي]

الله الله بجد كلام رائع وجميل
فعلا حبيبة قلبي وأكيد كمان ياقمر

بس صدقيني ساعات المرض
بيفرض عليكي الصمت والسكون
وساعات كتير أوي الشكل الحزين
بس مش شرط انه يكون بسبب عدم الرضا
لا ياقلبي كتير بيكون بسبب الألم اللي بيحسه
فبيفضل الصمت والسكوت وغصب عنه
بيظهر على ملامحه التكشيرة
وفي الوقت ده بيكون محتاج حد يحس بيه مش اكتر
حد يساعده انه يخرج من حالته ولو بالكلام مش اكتر

حبيبة قلبي ربنا يشفي مرضانا أجمعين
ويلهمنا كلنا الصبر على البلاء


تحيتي لقلبك الجميل
كوني بكل الخير دائما

[The MaSster]

اللهم ءامين يارب
موضوع قيم اختى A-rab3awya
جعله الله في ميزان حسناتك
والحمد لله على كل شيء
بانتظار جديدك فلا تحرمينا

[A-rab3awya]

اقتباس المشاركة الأصلية كتبت بواسطة همسه دموع اللهم امين تسلم ايدك تحياتى

شكرا ع المرور

احترامــــي لك

[A-rab3awya]

اقتباس المشاركة الأصلية كتبت بواسطة كريم* اللهم امين اللهم اشف مرضانا ومرضى المسلمين بيكون ضعف ايمان بيكون ناقم ويائس وعنده خيارين اما يعود الى الله لان المرء بيبتلى على قدر تحمله او يؤس قنوط متعك الله والجميع بالصحة والستر

آمين يارب


اشكرك من الرد و المرور

في أمان الله