تظبطنى ....... أظبطك

[haytham ali]

تظبطنى ....... أظبطك




تظبطنى ....... أظبطك
· صباح الخير يا عم سيد
· صباح الخير يا أستاذ
· واحد شاى يا عم سيد
· جاهز يا أستاذ
· خلى الباقى علشانك يا عم سيد
· دول خمسين جنيه يا بيه ... كتير ...!!!
· موش كتير عليك يا عم سيد
· يعمر بيتك و يرزقك برزق الحلال يا باشا
· عايز أسألك على حاجة يا عم سيد
· تأمر يا باشا
· المهندس محسن المدير أسهل و لا النائب بتاعه المهندس عطية ف التعامل ؟
· علشان أيه لومآخذة يا باشا . ؟
· عايز ترخيص أستغلال أرض م الوزارة و لازم هو و الأدارة عندكم توصى بالموافقة علشان الموضوع يمشى
· أقولك نصيحة أبعد عن عطية بيه ده راجل حنبلى
· تعرف يا عم سيد أن الأمام أحمد بن حنبل الله يرحمه و يرضى عنه مظلوم دايما معانا ده الله يرحمه أتحمل العذاب و الجلد و الهوان و ماكانش أبدا بيعقد الناس و لا عمره كان متشدد فى الحياه ... فقط فى أمور العقيدة و التوحيد لأن دى مفيهاش هزار .
· و الله ماعرف يا باشا ربنا يكفينا شر الظلم و الظلمة و كفاية اللى بنلاقيه ليل و نهار ف الشغل مظلوم و بننطحن بملاليم و ف البيت ظلم م العيال و أمهم اللى موش بيرحموا و لا داريين باللى انا فيه ... ما علينا أنا لقيت الناس بتقول كده و خلاص .
· ماشى يا عم سيد بلاش عطيه بيه طب و المدير ...
· لا محسن بيه ده راجل مفتح و سلكاوى و جدع ...
· بس ده مربى دقنه يا عم سيد ...!!!
· سبحان الله يا أستاذنا ... مال دى و مال دى يا باشا الراجل يؤم الناس فى صلاة الضهر ف الشغل و بيصوم تطوع كتير و كل سنة بيروح عمرة رمضان ميفوتهاش أبدا مهما حصل ...
· ما علينا يا عم سيد ح اروح دلوقتى له أسلم عليه و أشرحله الطلب و لما المكتب يفضى أبقى أراضيه
· يا خبر أسود ..... أوعى تعمل كده ..
· طب ليه يا عم سيد موش أنت اللى شورت عليا ...
· لوما آخذه يا بيه هو أنت جديد ف الشغل يعنى متآخذنيش موش عايز أقول غشيم كار لتزعل منى .
· ليه بس أنا لو غشيم كنت رحت عليه دوغرى و فعلا جت فترة كنت بعمل كده لقيت كل واحد فى أى منصب موش محتاج أسأل عنه أدخله على طول و أخلص نفسى ... كله كده يا عم سيد ... لغاية مرة ما واحد أحرجنى ... بجد الخير فيا و فى أمتى حتى الساعة رجعت أسأل تانى ...
· أصلك متعرفش المصيبة اللى حصلت هنا قبل كده
· أيه ؟؟؟؟؟
· عصام بيه المدير اللى فات الله يسمحله بقى كان راجل دكر و كانت أيامه أحسن أيام زقوا عليه واحد ابن حرام و صورته الرقابة جوه المكتب و من ساعتها و الناس بتكش ...
· يا خبر و حصل أيه ..؟
· الراجل يا ولداه من ساعتها ف الحبس و بقت فضيحة له و لولاده البنات المخطوبين ... بالذمة موش حرام ..
· حرام ليه بقى يا عم سيد هو موش مذنب و غلطان و أخد جزاؤه ..؟
· لا لا .. اسمحلى يا باشا ... ده كل الى مسكوه بيه 2000 جنيه .. الراجل يادوب دخله على قد مدير عام على وش وكيل وزارة بالفلوس دى و عمره ما كان بينسى حد من رجالته و كان على أيامه الأدارة منغنغة ..
· ده ما يبررش يا عم سيد أنه غلطان و أخد جزاؤه .. الحلال بين و الحرام بين ... و كمان الحق بين و الباطل بين ... و الصح قانونى بين و الغلط و الجرم بين ..
· ماشى يا بيه أنا معاك ... بس عصام ده أيه يكون وسط الناس اللى فوق البلد سمعت انهم بيبيعوها حتة حته .. أرض أرض.. و شركة شركة .. بيقزأزوا فيها يا بيه ذى اللب و السودانى ... لازم يقفلوا المحبس الكبير اللى بيخر صرارة الأول و بعدين يدورا ع النقط بتاعة عصام و اللى ذيه
· بقول ايه يا عم سيد .. عايز موضوعى ......
· تعرف يا بيه سمعت أن اللجنة بتاعة الرقابة أخدت مكافأة أكتر م المضبوطات باين عليهم لازم يعملوا قضية ذى ضباط المباحث لما يخلوا المخبر يحط ف جيب السواق الغلبان حتة حشيش علشان يضبطه و تبقى قضية ف ملفه .. و يسيب التاجر الكبير ...
· عايز اخلص طلبى يا عم سيد الله يرضى عليك .. موش عايز مشاكل
· تحت أمرك يا باشا
· توصفلى بيت المهندس محسن و أروحله .؟
· فكرتنى يا باشا بالمثل اللى بيقول " جه يكحلها عماها " .
· و الله انتى اللى حيرتنى بجد .
· شوف يا باشا ... اتفضل القهوة الأول بالهنا و الشفا ... انت عليك و على الحاج صلاح .
· مين الحاج صلاح ده .
· ده رئيس المخازن ممكن تقابله ف الجامع فى صلاة الضهر أو فى المخزن و تحكيله الموضوع و هو ح يظبطلك كل حاجة من بعيد لبعيد و لا تدخل للمدير أصلا ... أنت تدفع ف الطرقة ... تسيبهمله فى المخزن ... ورا البضاعة ف المخزن ... المهم موش يدا بيد و كله ح يبقى تمام ان شاء الله .. محسن بيه عمره ما يمسك فلوس ف أيده من حد .. اللى يتلسع م الشوربة يا باشا ..
· كتر خيرك يا عم سيد ..
· خلى بقى القهوة على حسابى يا باشا لتفكرنى طماع لا سمح الله .. لما الشاى بخمسين جنيه شوف بقى قهوة محوجة و ف كباية تبقى بكام .

[ranomaa]

هههههههههههههههههههههه
ههههههههههههههههههههههههههه
لا تعليق يا مان

[اميره القمر]

هههههههههههههههههههههه
هههههههههههههههه
بصراحه عم سيد عمل الواجب
ده كله بخمسين جنيه بس
هههههههههههههههه
يسلموووووووووووو هيثم
دمت بود

[haytham ali]

اقتباس المشاركة الأصلية كتبت بواسطة ranomaa هههههههههههههههههههههه ههههههههههههههههههههههههههه لا تعليق يا مان

ranomaa

دامت الضحكات

وبأنتظار جديدكـ المميز دائما

[haytham ali]

اقتباس المشاركة الأصلية كتبت بواسطة اميره القمر هههههههههههههههههههههه هههههههههههههههه بصراحه عم سيد عمل الواجب ده كله بخمسين جنيه بس هههههههههههههههه يسلموووووووووووو هيثم دمت بود

اميره القمر

دامت الضحكات

وفعلا عم سيد ظبط الزبون وعمل معاه الواجب وزياده

بأنتظار جديدك دائما

[arwa]

ههههههههههههههههههههههههههههههه

......... هههههههههههههههههههههه

الف شكر

[فتى المدينة المنورة]

ههههههههههههههههههههههههههههه
عمل الواجب وزياده
جميله ياجميل وحلوه ياحلو وعسوله ياعسل ورائعه يارائع
شفت انا اد ايه معجب فيك

[سنونو]

تسلم ادمين علي الحوار الضاحك

وجاي في الاخر يقول..... انا مش طماع

هههههههههههه

[محمود صلاح الدين]

هههههههههههههههههههههههههههههههههههههههههههههههههه
لومأخذة ياببيه هو فين عم سيد ده علشان اروحله يمكن يحليلى اللى دايخ عليه بقلى سنة ويبقلك الاجر والثواب عند الله