اختـــبار القدرات الثالث (لاختيار ) مشرف/ة للفـضفـضة

[phalsteen]

مساء الخيــــــــــــــــر

انا بقالي فترة الاعضاء بتسألني عن المسابقات
فانا جيت اهوت
علي الله ملاقيش 30 او 40 مشترك

انا كنت هعمل المسابقه علي نص الشهر
يعني علي ما انهي مسابقه الخزعبلات
بس خير البر عاجله بئه
انا مبتفألش بالعباره دي بس ما علينا ^_^

المســـــــــــابقه :

مختلفه الي حد كبير اوي
دي الفائز فيها مش هياخد وسام ولا نجوم ولا مشاركات
ايه دا يا سما انت داخله تهزري ؟

القسم محتاج مشرف ودي القضيه بكل بساطه
فالفائز في التنافس اللي مش هيكون بيا انا

لو جديد او قديم في المنتدي هتعرف ان المشرف القديم
بيبقي عامل زي الزوجه الاولي زمان لما بتختار عروسه جوزها
لا وكمان بتروح تخطبها معاه وتشكر فيه بئه وبتاع
بما انه الاقدم فبنحترمه شويتين

يا امثالك يا سما والنبي انفع ضره عسوله

طب ايه المطلوب يا ام محمد

7 صور شخصية + صورتين للرقم القومي + واهم حاجة
استمارة 6 جند

لا طبعا المطلوب اولا :

انك تدخل الموضوع وتعلن اشتراكك
او استعدادك للون الازرق علي الفضفضه
ويا بختك يا عم ولا يا هانم هتبقي معايا اهوت
زومل يعني
العرض للجميع ما بين كل الالوان فيما عدا اللون الموف والاحمر

ملحوظه : هتم الاختبارات بالتعاون مع لجنه حكم
تتضمن لجنه متنوعه شامله الادارة للاشراف علي الفكرة

عدد الاختبارات ثلاثه
هتشارك في وضع افكار الاختبارات لجنه التحكيم
عشان محدش يفتكرني ليا اي دخل

هقوم بأعلان الفائز وايضا الفريق التحكيمي
المشرف علي كل الاختبارات

في النهاية سيقام حفل تتويج لمشرف /ة القسم الجديد/ة

اخيرا / قدامكوا اسبوع لاعلان المشتركين
عشان نبدأ الاختبارات

ارق التحايا
الزوجه الاولي للفضفضه

[انا جيجي]

مشتركة معاكى يا سما وربنا يستر من افكارك

[SaMa.]

روحك جميلة وأفكارك حلوة اوي
ربنا معاكم ف المسابقة

[طبيب الهوى]

الحمد لله مليش في الإشراف


فكرة قيمة جداً يا سَما


بالتوفيق إن شاء الله للمشتركين


تحياتي وودي وورودي


أبو عصام

[The MaSster]

هى دى الديمقراطيه

بانتظار المسابقه وبالتوفيق لجميع المشتركين

[عشق الحنين]

ياسيدى على الافكار
لولا عدم استقرارى فى مسائلة النت كنت اشتركت
امنياتى بالتوفيق لكل المشتركين
تسلمى ايتهاا الزوجة الاولى للفضفضة على المجهود الرائع

[محمود أبوزيد]

مشترك بأذن الله

[جبل عالي]

فكرة روعة وديمقراطية بحق
وانا كمان كان نفسي أشترك
عشان انا بحبك وبحب الفضفضة
رغم قلة تواجدي بس بحبها
بس فعلا ظروفي بقت صعبة شويتين تلاتة اربعة
خمسة ستة ............ كملي بقااا

ان شاءالله بالتوفيق للجميع يارب

[Lamees]

حتى وانتي بختاري ضرة دمك خفيف
موفقين ان شاء الله

[الفيلسـوف]

ههههههههههههه انا حظى كده اشتركوا اتنين تقال شاعرنا الكبير محمود وطبعا جيجى
اقولك هههه انا حدخل رخامه بقى مشترك انا عارف حظى معاكى لا بكسب كروت ولا بكسب نقط هههه وانا كسبت باخد المركز الاخير