الحق ليه يابلادي مات

[كبريت]

دم الشهيد
دم الشهيد
راجع بلون الحزن تاني
ومن جديد
دم الشهيد
ولامتى يابلادي رخيص
دم الشهيد
ولامتى محكوم ع الغلابه
انهم يبقوا عبيد
ولامتى صوت الحق يتندم
ويتالم وحيد
ولامتى ما في عدل وما في حق
وما في صدق يعود يفيد
ولامتى صرخات الارامل
في البلد دي راح تزيد
ولامتى اوجاع اليتامى
بقت علامه او وعيد
دم الشهيد سايل على الطرقات
احنا بنحيا الحياة
ولا احنا كالاموات
احنا عبيد للاله
ولا عبيد هفوات
احنا واحنا واحنا
وزايده فينا ياصرخات
رايح اشجع ناديا في بورسعيد ارجع
غرقا في دمي وبثبات
رايح اشجع نادي الابيض الزمالك
كان مصيري الموت بلا اثبات
رايح اشجع كلي حب للرياضه
بقت الرياضه في البلد دي / ممات
احنا الزمان الحزين
ولا ايه يا حضرات
احنا الزمان الحزين
والخزي من ثورات
ثورات مذله بتنشر سمها فينا
والعله المصلحه ومنصب ولا عزاءات
العله وهم ملان بهم ملان بغم
ملان بخيبتنا الكبيرة ومن سكات
ومن سكات يفضل يسيل دم الشهيد
والحق ليه يابلادي مات
الحق ليه يابلادي مات
الحق ليه يابلادي مات
مات
مات
ماااااااااااااااااات

[Aya 7ekaya]

مش محكوم على حد انه يكون عبيد اللى عايز يبقى حر هيقف قدام كل الظلم يا يعيش بكرامه يا للاسف يموت مقتول

كلمات معبره جدا

تسلم ايدك وربنا يصلح حال البلد

[كبريت]

اقتباس المشاركة الأصلية كتبت بواسطة aya 7ekaya مش محكوم على حد انه يكون عبيد اللى عايز يبقى حر هيقف قدام كل الظلم يا يعيش بكرامه يا للاسف يموت مقتول كلمات معبره جدا تسلم ايدك وربنا يصلح حال البلد

لا اسمحي لي اقولك محكوم علينا كلنا كده
سواء بمزاجنا
او بطيبتنا
او بعدم وعينا الفكري لحقوقنا اللي برغم كل ده
وكل الدم ده
وكل الشهداء دول
احنا فعلا عبيد
قولا وفعلا وبطرق مختلفه ومتنوعه
متشكر لوجودك الكريم

[The MaSster]

الاخ كبريت
راق لى ما كتبت
ولكن انا بختلف معك غى نفس النقطه اللى علقت عليها الاخت Aya 7ekaya

وبعلق على ردك ليها

ان احنا كلنا عبيد

فاذا كان البعض من الشعب راضى ان يكون عبد للسطه
فالكثير لا يرضى بذلك

الشباب والفتيات اللى بينزلوا يعتفوا ضدد النظام

وهما عارفين انهم ممكن فى لحظه يموتوا او يعتقلوا

ما نقدرش نفول عليهم عبيد
علشان لو رضيوا بكده كانوا هيغهدوا ف بيوتهم اريح ليهم

نحن جميعا عبيدا لله

شكرا يا غالى واتمنى يكون وصلك رأيى

[كبريت]

اقتباس المشاركة الأصلية كتبت بواسطة the masster الاخ كبريت راق لى ما كتبت ولكن انا بختلف معك غى نفس النقطه اللى علقت عليها الاخت aya 7ekaya وبعلق على ردك ليها ان احنا كلنا عبيد فاذا كان البعض من الشعب راضى ان يكون عبد للسطه فالكثير لا يرضى بذلك الشباب والفتيات اللى بينزلوا يعتفوا ضدد النظام وهما عارفين انهم ممكن فى لحظه يموتوا او يعتقلوا ما نقدرش نفول عليهم عبيد علشان لو رضيوا بكده كانوا هيغهدوا ف بيوتهم اريح ليهم نحن جميعا عبيدا لله شكرا يا غالى واتمنى يكون وصلك رأيى

اولا اهلا وسهلا ومرحبا بك اخي
ومؤكد بحترم حضورك ووجهة نظرك
انا ما قصدت اللي بينزلوا يهتفوا
انا قصدت عسري يموت بلا سبب !
ناس رايحين تتابع مباراة يموتوا دون ذنب !
وكلامي عن العبوديه مش مجرد مفهوم مني او اتهام للكل
انما الغالب اصبح الطبع ده
تقدر تقولي لي فين دم الشهداء لغاية دلوقتي ومن ايام مجزرة بورسعيد للان ؟
لو جاوبت هطلب فورا حزف الخاطرة
متشكر جدا لحضرتك وشرفتني اخي

[همس الحنين]

قلمك راقى ثائر حقا

ولكن من اراد العبوديه هو من دفن رأسه مخافة الحق

وارتضى بالظلم يسير فى موكبهِ رُغماً عنه

فنسأل الله الهدايه

تسلم

[كبريت]

اقتباس المشاركة الأصلية كتبت بواسطة همسات فوق القمر قلمك راقى ثائر حقا ولكن من اراد العبوديه هو من دفن رأسه مخافة الحق وارتضى بالظلم يسير فى موكبهِ رُغماً عنه فنسأل الله الهدايه تسلم

قلمي يوجعني من تكرار موضوع الشهاده
الامر اصبح بالغ الخطورة
ولا نعرف من
ولا نجد فاعل
ولا نشعر بامن
ولا نشعر بعداله
ربي يحفظك يارب
شكرا للمرور الطيب منك

[أ حمد مصطفى]

ورقة وقلم
وكل يوم فى الم
متفوق يا بلد وكفايه
ندم ابنك الشهيد
ملفوف فى العلم
ما كفايه يا بلد
حزان والم الدم
غرق النيل والميدين
والنسر والعلم ولحد
امتى هتكون الجانى
والحاكم متفوق يا بلد
ابنك الشهيد بيسيل دم
من غير متعرف ام
ومن غير ماتشيلى هم
وعايز يحميك وهو ظهر
مضروب والاثر معلم
ومين يتكلام فيك يا وطنى
والكلام جريمة يعاقب
عليها القانون كضرب الرصاص

[دمعه حائره]

مستحيل الحق يموت طول ما فيه ناس لسه عندهم اصرار وضمير
قادرين ينطقوا حتى لو حواليهم الرصاص والتهديد
تسلم خاطره جميله

[A-rab3awya]

نسأل الله ان ينصر هذا البلد العريق
و ربكم قااادر على ذلك
لكنه يمهل و لا يهمل....
النصر قريب بإذن الله
و نهاية الظالم اصبحت وشيكة

كل الشكر لنبض قلمك و حروفك الرااائعة....

تحياتي..!