انا عاوزة اعيط يسعدك اشك اشك ,,,

[phalsteen]

انا اتجننت والحمــــــــــــد لله
انا عموما عندي ربع ضارب
يعني مرة تلاقيني فجـــــــــأة مكتئبه وبعيط
والجو خنيق متعرفوش ليه
ومرة اقلب البيت تريقه وبرضو من غير سبب معين لدا
بس اصلا هما عارفين اني هبله

علي الفيس لاقيت واحدة باعته مشكتلها يا خونا وبتقول
ساعدوني وقولولي اجيب ايه لحبيبي في الفلانتين
وهنا افتكرت ان اللي اسمه ايه دا فاضل عليه كام يوم

يعني اختنا الحلوة سابت الحداد والدم اللي سايل
وبتقولك عيد الحب

لا البت حلوة وبنت ناس
عيب نشتم يا خونا

انا حاولت ادور علي شبشب بس ملاقتش الا اللكلوك بتاعي
وبتاع حمني
ودا لا هيسيح دم ولا هيوديها النار

انا خايفه انشل ولا انهبل لا قدر الله
وانا صغيره وزي القمر
خسارة برضو

روحت لطنط احكلها الموقف يعني
عشان تتعاطف معايا
والاقي حد احط همي علي همه ونلطم سوا
لاقيت الحجه ازبهلت كدة
وال ايه بتقول وعمك ولا سأل
كويس يا بت انك نبهتيني

لا بئه اسمحيلي دا كتير
كتير يعني واووووفر
انتي لسه ناوية تحتفلي احجه
دا انا كــــ سما هعمل حداد وانزل اشتري موز بلبن واتكيف ؟

جـــــــتك نيلا سدتوا نفسي

حــــــــــــد يناولني مهدأ ولا يجبلي انبوبه اكسجين
دا كتير علي صحتي وربنا

استغفر ربنا واسكت
واقول يا بت بطلي حقد علي الناس وانتي مالك
خدي انتي ابنك في حضنك
وحبيه للصبح


خدت الواد وقولت اهو افسحه واتفسح
واشتري هاند فري جديدة اسمع فيها
ايها الراقدون تحت التراب
بالمناسبة السعيدة دي ^________________^
وانزل من البيت واتمشي واتمشي
لحد ما من هبلي اروح عند الجـــــــــــامعه

عند شط الهوا

والاقيك يختي من له لها
الكابتن والهانم قاعدين واخر انسجام
لا والامن واقف اد كدة
والدبابير بالكوم وربنا

ابصلهم يختي انهم ينكسفوا
يستحوا
يخلوا عندهم دم
يا كابتن لسه 4 ايام علي الموقف دا
النهاردة لسه 10
يا آنسه عيب كدة اتلمي انتي معندكيش دم خالص كدة
يا بت وربنا ما هيجبلك دبدوب ولا هيعبرك
ولا حد سأل عني


طب حبونا معاكوا
اهو نسمع بقالكوا ساعه بتتوشوشوا في ايه ؟

مهو لو مكنش في الاوضاع السياسيه الحاليه
هيكون في الاوضاع الرياضيه

عارفكوا مثقفين وولاد ناس

المهم انا اتكسفت بئه وقولت عيب اروح
الاقي الفون بيزن
فرحت انا وقولت حد ناوي يوديني الملاهي
ولا يعزمني علي جوافه بالبن
بمناسبة عيد الهبل

لاقيته اخـــــــــــــويا

قولت الواد محترم وهيقولي كل سنه وانتي معايا
وربنا يخليكي ليا
ايوت هما الكلمتين دهم مبيقولوش غيرهم

انا : ايوة يا دوك
هو : ايوة يا حبيبي ازيك
( الواد رومانسي قالي حبيبي )
انا : انا حــــــــــلوة لا بجد حلوة
هو : ايه اكتر هديه تعجب البنت
انا : هاتلها فلونكه سودة وجزمه سودة
وشنطه سودة وقولها مهي ايامك كلها سودة
امشي من امشي لتبرا منك ومن اللي بنا
جتك نيلة


يـــــــــــــــــالا البنات السناجل علي اليمين
والمتزوجين دول غلابة اوي وربنا
علي الشمال



وجنب اختك هنا يختي منك لها

[۩۩ elMagic ۩۩]

خمستاشر موضوع ف بعض دول
سيبى الناس تتفلتن وتلعب ي عم

[دمعه حائره]

ههههه ماهو من خيبتك يابت ده الفلانتين اتعمل للمتجوزين
دول الناس الشجاعه اللى صامدين لحد دلوقتى وعايشين
ولازم ياخدو مكافأه
اقعدى من النهاردة فكرة هاتحتفلى بيه ازاى وعرفينى
والا هاتشوفى اعمل فيكى ايه
ال فلانتين ال

[جـــــراح المشــاعر]

والله العظيم ما انا لاعب
ههههههههههههههههههه
اللهم لاتجعلنا من الناس اللي بتجيب هدايا بالبتاع دة

[سيناا]

ههههههههههههه

معلش ي آبليتي الناس من كثر الحب دخلت بالحيط


معك حق بربي


بس كلوا كوم وطريقة طرحك كوووم الله يسعدك ام محمد دائما مواضيعك الها نكهة خاصة عن بقية المواضيع

[عشق الحنين]

عسل والله يا سما وياسيدى على التعديد ^_^
فسحى لاختك ملكة بقى بس بالصف اليمين
وعاوزة اعيط يسعدك تشك تشك
مالهم السناجل ميت فل يلا ياسماا دعى الخلق للخالق
ملناش دعوة بحد ربنا هو الى هيجيب حقنا

[الفيلسـوف]

هههههه انا عايز حصان حلاوه انا سنجل هاتى حصان حلاوه ليه انا وحمنى ناكل منه ونلعب بيه بلاموز بالبرتقال بلا بتاع ههه بطلوا حقد وسيبوا السناجل ف حالهم نيس توبيك ههههه

[The MaSster]

طريقه رائعه لسرد الموضوع

ال عيد الحب ال

وانا الحمد من غير اى احداث عمرى ما احتفلت بيه

وبعدين كده كده مقضينها حب على طول

[العندليب الاسـمر]

يقال ان الخليفة نور الدين محمود

سالوة لماذا لا نراك تضحك ابدا

قال وكيف لي ان ابتسم ودمياط في يد الفرنجة

واحنا بقينا كامة اسلامية كلها في ايد الفرنجة

بيلعبوا فينا ويشقلطوا فينا ويموتوا فينا

بايديهم بايدين مندوبينهم

المهم في الاخر بقينا آآآآآآآآآآآآخر دلع

قدام الاستاد ماشي جوة الاستاد ماشي

علي الحدود ماشي في الشوارع ماشي

المهم نددددددددددددددددددددددلع

اااااااااااااااااااااااه يا بلد

[شاعر الحب الحزين]

هههههههههههههههههاي

اهو الجنان جاب نتيجة حلوة برده

عشان ده بجد من اجمل مواضيعك اللي شفتها يا سما

زي مواضيعك القديمة الجميلة اللي اتعودت اقرأها وانا بضحك

هم يبكي وهم يضحك يختي بكرة نقعد جنب الحيطة ونسمع الزيطة

بس بجد عجبني جدا الموضوع وطريقة طرحك الساخرة بشكل لطيف جدا

يارب دايما كده مواضيعك جامدة ومميزة يا سما وبالتوفيق ليكي دايما

احترامي وتقديري