حلقه جديدة من ( المُعتقل ) مع morshooo

[phalsteen]

مســـــــــاء الخير اهلا بكم في حلقه جديدة من المُعتقل مع مورشو بعتذر لتأخير الحلقه عن موعد الاعلان عنها واتمني تنال اعجابكم والآن مع ضيفنا المميز morshooo مساء الخير اكينج هلا بيك بالمُعتقل المعتقل منور بصحابه ههههههههههه طبيعي مع الاعلان عن الحلقه الاعضاء هيعملوا ثورة عشان منفرجش عنك دا بيدل عن العشق والهوى الى بينى وبين الاعضاء استغلال بئه لحوار مع كينج اللقاءات في بنات مصر ايه رأيك في المُعتقل سلبيات وايجابيات وياتري ممكن تضفلنا ايه لتحسين البرنامج اكتر ؟ تابعت الحلقتين الى فاتو وكانو مميزين بس حلقه اسماء كانت الاسئله قليله وكان ممكن تخرجى منها حاجات كتير بخصوص المنتدى بقالك فترة شبه منقطع عن اي اعمال او افكار جديدة وكمان مفيش حلقات جديدة لاي برنامج ليك ايه اكنج انت ناوي تعتزل ان شاء الله ؟ هو فعلا مفيش حاجا بنزلها بقالى فتره بس دا لان المنتدى مفيش اعضاء بتدخله فالاستضافات اعتد مش هتكون مهمه جدا الفتره دى صحيح الاعضاء بدئت تدخل بس دا عشان الاجازة اكيد فاسبوع والا اتنين ومش هنلاقى حد تانى بخصوص المواضيع اهو الحمد لله توبيك صفحات الاعضاء ماشى بشكل كويس جدا واثبت ان الاعضاء بتحب الفضائح وبتهتم بالمواضيع دى بيحبو يشوفو ابداعات زميلهم فى المدونات فحلو كدا التوبيك دا كفايه ان الواحد ينزله يوم ويوم اهو مشغل اليوميات مع باقى المواضيع ومنهم ( المعتقل ) فربنا يسهل الفتره الجايه احتمال انزل توبيك على فترات بس لسه بظبط فيه بعد غياب ساحر الاحزان ورحيل دمعه حائرة وتعيين ادارة جديدة عارضت انت قرار التعيين الجديد ايه سبب اعتراضك مورشو ؟ تقريبا الناس كلها عرفت سبب الاعتراض فمش مستهله ان الواحد يكلم تانى فيها لكن عموما بعد رحيل ( دمعه ) بعد ( طارق ) المنتدى مبقاش فيه حد يقدر يحتوى الاعضاء ويتفاهم معاهم يمكن ( اسماء ) احتمال كبير تعوض الحكايه دى فربنا معاها وايه السبب اللي ورا خلافك مع الادارة الحاليه لبنات مصر ؟ ان مفيش كبير دا باختصار شديد يعنى امجد لو فى خلاف بيختفى ايه تقييمك لاداء المراقبين اللي اختارتهم الادارة طول الفترة اللي فاتت ؟ زى ما قولتلك مبقاش فى فرق بين الاعضاء الى بيدخل بيدخل الى مش بيدخل عادى جدا حتى لو فضل سنين مفيش مشكله وحلقه اسماء سمعت ان فى ترقيات هتحصل تقريبا فعايز اسئل ترقيات بناء على ايه يعنى مثلا هنلاقى منتدى بيدخله 20 والا 30 عضو مثلا نلاقى منهم 8 مراقبين و10 vip و 10 مشرفين وبعد اسبوع نلاقى الناس مش بتدخل ونقول نعزرهم لحد لما يرجعو على شهر 6 فى الاجازه ........ الخ عموما كل اداره وليها دماغها وتفكيرها ومن حق الاعضاء انها تعترض لو شايفا ان فى حاجا بس الاعتراض يظهر مايتحزفش والتوبيكات تتنقل عشان دى عاده ظهرت الفتره الى فاتت سؤالك ترقيات بناء علي ايه اعتراض ان في ناس تستحق الترقيه حتي لو في ناس تستحق لو مكنش النزول يبقي العزل عموما ولا انه مش وقت للترقيه ؟ انا شايف ان لو فضلنا نرقى نرقى نرقى كلنا هنكون اداريين ومراقبين المهم المراقب او المشرف الى مش شغال او مش بيدخل خلاص نعيين غيره وزى ما قولت احنا كلنا على بعض 30 مثلا وكلهم هيكونو اصحاب الوان وياريت وبتمنى مش بعد الترقيات لو هتتعمل اليومين دول نلاقى الى بيدخل المنتدى 10 اعضاء والا حاجا مسابقه / المتحدث عن الاعضاء هيا دي الخطوة الجادة او المنتظرة او الكافيه اللي هتساعد في انتعاش المنتدي ؟ اكيد لا لان مفيش اعضاء عشان نخلى عضو يكلم بصوتهم كان فى افكار كتير زى دى ظهرت وقت ماكان المنتدى فيه اكتر من 150 عضو بيدخولو وكل يوم خلافات وحوارات لكن دلوقتى الدنيا هاديه وفاضيه فالعضو الى هيترشح حتى هيعمل ايه وهيستفيد ايه وايه المشاكل الى هيحاول يدخل فيها عشان يحلها وانا متاكد ان لو ياسر او نور نجح هيعوزو اعضاء تحل مشكلتهم مع الادارة مش بقلل منهم على فكره لكن انا متاكد من كلامى وبكره نشوف وياتري الخطوة في وقتها ولا كان في قرار مفترض يسبقها من وجهه نظرك ؟ اسماء بتحاول تعمل حاجا وربنا معاها بس هى عايزه تعمل حاجا فى وقت مفيهوش حد انا شايف ان اسماء لو كانت موجوده وقت ( دمعه ) كانت الامور هتتغير كتير فى المنتدى فربنا معاها وفى انتظار تنفيذ الفكره واتمنالها التوفيق بما انك شبه قولت رأيك في ترشيح نور وياسر دا دليل علي موافقتك علي باقي المرشحين وتأيدهم ( رفعت / هبه | جنون قلب ) ولا اعتراف ان نور وياسر اقرب المرشحين ؟ انا اخر مره عرفت ان ياسر ونور معرفش ان رفعت وهبه وجنون داخلين بس السؤال هنا لما يعملو تصويت ولقينا ان الاول كسب بـ 7 اصوات مثلا يبقى دا كدا يستحق يكون المتحدث عن الاعضاء ايه اللي اختلف في سياسه الادارة وقت عهد ادارة دمعه حائرة وساحر الاحزان والعهد الحالي ؟ زى ما قولت وقت دمعه كان فى كبير بتكلم معاه يعنى كانت بتدخل الشكوى تقول مين صح ومين غلط مكنش عندها حته المماطله وتدخل طيب هشوف طيب استنى طيب هدى نفسك .......... الخ لكن دلوقتى لو عملتى شكوى فى ادارى هو الى بيحكم فيها والباقى بالمراقبين مبيكونوش موجودين والا اكن فى اى حاجا ودا حصل معايا صحيح اسماء دخلت قالت رئيها وكان كافى بس محصلش اى حاجا دا اعتراف ذكري اهوت ان الادارة النسائيه اللي عملت حاجة واللي عندها القدرة تعمل ؟ ليه هو طارق كان ايه فى البطاقه بصى انا اتعاملت او كنت قريب من طارق ودمعه ودول اكتر اداريين الواحد لما اتعامل معاهم شاف يعنى ايه احترام بين الادارى والعضو بغض النظر عن انى عضو قديم وكفايه ان الواحد لما بيشوف طارف او منه بيبعتلهم ويسلم عليهم ودى كفايه لعضو كان صاحب منصب . في عدد معقول من الاعضاء الجدد اصحاب التواجد والمواضيع المميزة ياتري لاحظت مين فيهم وتتنبأله بمكان في بنات مصر ؟ بصى انا مش بتابع اوى انتى عارفا بس فى جنون الحب ماشى بشكل كويس وداليا المصريه لما بتشارك بس بقالها فتره مكسله وفى اعضاء تانيين بس مش فاكرهم دلوقتى بصراحه وايه اللي المفترض تعمله الادارة للحفاظ علي الدم الجديد في المنتدي ؟ الناس تهتم بيهم المفروض الادارة تعين عضو يهتم بالاعضاء دى يكون دوره مثلا : يعمل بنرات لمواضيعهم المهمه ويطلب من الادارة تحط البنر كا اعلان اعتقد لو عضو شاف حاجا زى كدا لموضوع ليه هياخد دافع انه ينزل موضوع تانى وتالت ورابع فليه مايكونش فى عضو وفى منهم يستحق التكريم اكيد ودا دور الاداره والمراقبين الادارة اخيرا قررت تستغني عن المشرفين اللي طال غيابهم تفتكر الخطوة بدايه لتغيرات واضحه في المنتدي زي مثلا عزل المشرفين اصحاب غياب التفاعل والافكار داخل الاقسام ؟ كل فتره كان بيحصل تغيير ودا مش وحش اكيد عشان الاعضاء المتواجده تاخد فرصتها بس زى ما كلنا عارفين هم فين الاعضاء اساسا لكن انا مع ان الاعضاء الى مش بتدخل تتشال اكيد اليوميات حاليا مبقاش فيها غير مورشو هتحتاج مشرف قريب معاك ولو هترشح مشرف هترشح مين من الوجوه الجديدة ؟ اليوميات فيها مورشو وجيجى ونفرتيتى وساعات نور يعنى ماشى كويس واكيد مش زى الاول نتيجه غياب الاعضاء عموما عن المنتدى ودا حال كل الاقسام . لو هرشح عضو تانى معتقدش ان فى قسم عايز 2 مشرفين الفتره الحاليه مع ان فى اقسام عليها 3 كمان عموما لو الادارة عايزه تحط عضو معنديش مشكله لو عايزه تشيلنى انا كمان وتحط عضو عادى مفيش مشاكل المهم مصلحه القسم اكيد بعد 8 شهور من فترة حكم السيسي حكم مصر مدني ولا عسكري ودليلك علي اختيارك لنوع الحكم ؟ مدنى والا عسكرى مش هيفرق معايا فى حاجا المهم الى يمسك البلد يكون بيحبها وحاسس بشعبها واعتقد كلنا متفقين من ايام مرسى حتى مفيش واحد هيجى فى يومي وليله يخلى مصر دى احسن بلد فى العالم فربنا يكرم مصر وشعبها ان شاء الله الفتره الجايه ايه الفرق من وجهه نظرك بين 25 يناير و30 يونيه مع الاعتبار ان بعض السياسين والاعلاميين حاليا اطلقوا علي ثورة 25 يناير بالنسكه ؟ والله كل واحد يشوف زى ماهو عايز هو احنا هنشوف الامور دى احسن من السياسيين عموما ثورة يناير هى قدرت انها تغير نظام محدش كان متوقع انه هيتغير صحيح الامور اتطورت فجاه ومكنش فى مطالب فى البدايه بس زى ما تقولى كدا ربنا كرم الشعب ونزل وملايين نزلت وبقى فى طلبات لحد ما ربنا كرم يونيه كان الشعب نازل وليه مطلب واضح وهو عزل ( مرسى ) والحمد لله حصل فى ناس بتقول ان دا انقلاب من الجيش سواء انقلاب او مش انقلاب المهم انه اتشال وعايز اقول حاجا بسيطه الناس موقفتش مع السيسى عشان خاطر عيونه لا وانا متاكد لو كان اى شخص هو وزير الدفاع وقتها وخد القرار دا الناس كانت هتقف معاه حتى لو كان ( مرسى ) نفسه هو وزير الدفاع والسيسى كان ينتمى لجماعه ( الاخوان ) وهو رئيس مصر كانت الناس هتقف مع ( مرسى ) فالى حصل دا والناس واقفه مع الرئيس الحالى لانه حقق مطالبهم وهو دا دور الجيش حمايه الشعب مش حمايه رئيس تفتكر المطالبه باسقاط الجنسية المصرية علي اصحاب فكر التحريض علي قتل افراد الجيش والشرطه او المدنيين بشكل عام فكرة كافيه ؟ اكيد الى بيحرضو برا مصر اساسا لكن لو هنا فى مصر والداخليه قدرت انها تجبهم يبقى اكيد يستهلو الاعدام مش اسقاط الجنسيه عنهم الوقت مناسب دلوقت عشان نقول ان 30 يونيه كانت ثورة اثبتت ان الشريعه للشعب مش للحاكم ؟ بغض النظر عن الى احنا فيه لان دا طبيعى والبلد واقعه اقتصاديا لكن 30 يونيه ثورة شعبيه والناس نزلت تعزل رئيس ودا حصل وربنا يوفق الرئيس الحالى انه يصلح حال البلد خلال الفتره القادمه بعد براءة مبارك توقعاتك للحكم ضد مرسي ولا اخطاء مرسي في سنه حكم اقوي من اخطاء مبارك 30 سنه ؟ والله انا مقتنع جدا بقضاه مصر ومهما كان الحكم هكون مقتنع بيه سواء بالبراءه او انه ياخد حكم وعادى جدا ممكن واحد يجى فى سنه يخرب بلد عن واحد بقاله 30 سنه في نهاية حواري معاك بشكرك لقبولك دعوتي وبتمني تكون سعدت باللقاء انا سعيد بالحلقه اكيد وبالتوفيق فى الحلقات الجايه وياتري في حاجة عاوز تقولها سواء للمنتدي او لمصر عموما قبل خروجك من المعتقل ؟ للمنتدى اتمنى الجميع يتعامل باحترام مع باقى الاعضاء يعنى مادخلش اخبط فى الخاص او فى الشكاوى واكون منتهى الديمقراطيه والبراءة الى خلقها ربنا قدام الاعضاء لمصر ان شاء الله الحال يتصلح والامور تمشى بشكل كويس الفتره الجايه ونبعد عن جو التقسيم وانتا اخوانى وانا سيساوى ونبدء من جديد ونبنى مصر اخيرا بس احب اقول اقدم التعازى لجميع المصريين مهما كانو بيشجعو مين لوفاة اكثر من 25 شهيد مين غلط مين كان صح معتقدش ان توصل للموت لشباب عنده 16 و 20 و 24 سنه ربنا يرحمهم وان شاء الله فى الجنه نورتنا مورشو تسلمى وبالتوفيق وبكدة خلص حوارنا مع مورشو استنونا الحلقه الجاية يوم السبت ان احيانا المولي مع مشرف الخزعبلات ا/ عاشق لم يتب

[توحد ارواح]

حوار جميل صراحة و قراتها كلها حسيت خلصت بسرعه مش ممله
الاجابات من أ/مورشو قويه وصريحه كالعاده و كما هو متوقع
تسلمي ع مجهودك، الرائع سما و الاستضافه المميزه
تحيتي و تقديري

[العاشق الذى لم يتب]

كلام جميل كلام معقول
ماأدرش أوقول حاجة عنه
جامك ياواد يامرشو
عارفك من ايام سيدنا كوالح
جريئ ولايهمك
منور والله
فيك حاجة بتعجبنى وحاجة مابتعجبنيش
أصدى على كلام السياسة
تسلمى مذيعتناسما
عفروتة وعارفة كل خبايا الاعضاء
برنامج جميل ولذيذ
ربنامعاك
وتحياتى لكما

[كريم*]

اسئلة ذكية ام حمني
وضيف مميز مورشو
فكانت النتائج رائعة

[همس الحنين]

حلقه حلوه يا سما

واسئلتلك روعه بجد

مورشو منور المعتقل جقيقى

رغم اختلافى الكلى والجزرى فى بعض ارائك بس نعديها

نورت الحلقه بجد مورشو

[Stop Ana Eltop]

الحلقه طبعا جميله كالعاده
معجبه باراء مورشو في سياسة المنتدي حساها فكره اقرب كتير للواقع
سما ترشيحي في متحدث الاعضاء دي كان هزار وانا بعدها ماوافقتش ع الفكره اصلاا

مورشو مش هعترض ع ارائك السياسيه عشان مانخسرش بعض

تسلمي اسما ع المجهود بقن
وبالتوفيق دايما

[احساسى صحيح]

اسئله متعمقه وذكيه منك سما
ومورشو متغير كتير
حاسه موش زى زمان
بتمنى يرجع لموده ونشاطه القديم
وطريقتة فى البرامج الجميله اللى كان بيقدمها
بالنسبه لاراءه السياسيه نو كومنت
موفقين دايما ..

[.Lamar]

عجبتنى الحلقة كتير
اسئلة جميلة سما
وضيف يتميز بالحضور القوى
ناقش كل سؤال من وجهة نظر عقلانية
و بصراحة شديدة

شكرا ليكى و لضيفك المميز
تحياتى و تقديرى

[الفيلسـوف]

اسئله قويه كالعاده ام حمنى واكيد عاجبنى اجابات الضيف لانها قويه وخاليه من المماطله واكيد يتمتع بخفه دم جميله تشد وتخليكى تكملى معاه للنهايه وف انتظار باقى الضيوف

[morshooo]

فى البدايه اشكر نفرتيتى
على الاستضافه بس تعالى هنا
ليه كل المصارعين دول يابنتى
كان كفايه مصارع واحد بس وانا مكنتش ههرب والله ^_^
تسلمى على الحلقه
وان شاء الله الجاى يكون احسن
بالتوفيق