استطلاع للرأى .. هل انت مع عودة الدورى من جديد ام ضد عودتة ؟

[محمود الصاروخ]

السلام عليكم ورحمة الله وبركاته
اعضاء وادارة ومشرفين منتدى بنات مصر



طبعا بعد اللى حصل فى مجزرة الدفاع الجوى واللى حصل لـ جماهير نادينا العظيم
الزمالك

والناس كلها بتتكلم عن الدورى هل يتم الغائه هذا العام ام يتم استكماله

حبيت ان اعرف رأى الناس هنا وحبيت اعمل استفتاء بين الناس
عشان نشوف اكتر الاراء هتقول ايه

سؤال للنقاش
هل انت مع عودة الدورى ام رافض لعودتة ؟ مع ذكر السبب





خالص حبى
محمود الصاروخ

[جـــــراح المشــاعر]

طيب تعالي نمسك الموضوع بس بشكل عام بلاش النظرة الخاصة للموضوع
ناس ماتت فين حقهم واية السبب عشان يموتو الكورة يتسعدنا
علي الاقل اهو بتحسسنا بالانتماء لشي
لكن لية كل دة بيحصل
واكتر من برنامج وشخص وفكر بيقول وبيعيد
تاهت الحقيقة بينا
فين مش عارفين ومع مين ياريت نعرف
لكن الشي الحقيقي الوحيد موت بشر بلا ذنب وبدون اي وجه حق
اذا ما كنا متحضرين وبقينا بني ادمين
واتعلمنا واتربينا علي اننا نحترم فكر وثقافة وراي بعض
يبقي بلاها اننا بدل ما نختلاف وننتمي يبقي نلعب بلاستيشن احسن اهس كورة برضة
يا اخي دة حتي وانا بعلب لما فوزت علي حسام صاحبي
بيقولي ف البلايستيشن الحكم دة معاك وحكم ظالم
طيب اقولة اية
ياريت بس علي الاقل نعرف ان مافيش حق اكبر من حق الحياة نفسها
احترامي لك ولموضوعك وساحة الفكر والنقاش دي

[محمود أبوزيد]

مع عودة الدوري

سؤال ما النتيجة التي حدثت حين ايقافه بعد مجزرة بورسعيد سوي أثر سلبي علي اللاعبين وهبوط حاد بمستواهم انا مع عودته بدون جمهور فترة لحين تأمين الملاعب تأمينا أمنيا مشدد ...
تقبل مودتي

[توحد ارواح]

و عليكم السلام ورحمة الله

ارفض عودة الدوري تاني ف الفتره الحاليه


لسببين انا عن نفسي مش هقدر اتابع تاني اي ماتشات

لانه اصبح في قلبي غصة حزن رهيبه ع اللي ماتوا

نحسبهم شهداء وربنا يصبر اهاليهم يارب


تاني سبب اما الامور تتظبط كدا من جميع النواحي

بحيث ان اللي حصل ده مش يكرر تاني

شكرا ع مجهودك المميز

[محمود الصاروخ]

اقتباس المشاركة الأصلية كتبت بواسطة جـــــراح المشــاعر طيب تعالي نمسك الموضوع بس بشكل عام بلاش النظرة الخاصة للموضوع ناس ماتت فين حقهم واية السبب عشان يموتو الكورة يتسعدنا علي الاقل اهو بتحسسنا بالانتماء لشي لكن لية كل دة بيحصل واكتر من برنامج وشخص وفكر بيقول وبيعيد تاهت الحقيقة بينا فين مش عارفين ومع مين ياريت نعرف لكن الشي الحقيقي الوحيد موت بشر بلا ذنب وبدون اي وجه حق اذا ما كنا متحضرين وبقينا بني ادمين واتعلمنا واتربينا علي اننا نحترم فكر وثقافة وراي بعض يبقي بلاها اننا بدل ما نختلاف وننتمي يبقي نلعب بلاستيشن احسن اهس كورة برضة يا اخي دة حتي وانا بعلب لما فوزت علي حسام صاحبي بيقولي ف البلايستيشن الحكم دة معاك وحكم ظالم طيب اقولة اية ياريت بس علي الاقل نعرف ان مافيش حق اكبر من حق الحياة نفسها احترامي لك ولموضوعك وساحة الفكر والنقاش دي

حبيبى انا عاوزك تعرف ان انا مشجع زملكاوى ومع الناس اللى ماتت دى
اللى حصل ده كله مدبر تماما وسيناريو بين مجلس ادارة الزمالك والداخليه

بس انا بقول ان عدم عودة الدورى مش هيجيب اى نتيجه
واحنا علينا اننا نطالب بحق الناس دى

مع ان واثق ان مفيش حق حد جاى
احنا بقى لينا دم ف كل شبر ف أرض البلد الوسخه دى

نورت يامعلم

[محمود الصاروخ]

اقتباس المشاركة الأصلية كتبت بواسطة محمود أبوزيد مع عودة الدوري سؤال ما النتيجة التي حدثت حين ايقافه بعد مجزرة بورسعيد سوي أثر سلبي علي اللاعبين وهبوط حاد بمستواهم انا مع عودته بدون جمهور فترة لحين تأمين الملاعب تأمينا أمنيا مشدد ... تقبل مودتي

سألت نفسك ليه ضاع حق الناس اللى ماتت فى مجزرة بورسعيد ؟
عشان سكوتنا .. انا معاك ان الدورى يرجع تمام بس حق الناس دى
مش لازم نسكت عليه

نورتنى استاذ محمود

[محمود الصاروخ]

اقتباس المشاركة الأصلية كتبت بواسطة توحد ارواح و عليكم السلام ورحمة الله ارفض عودة الدوري تاني ف الفتره الحاليه لسببين انا عن نفسي مش هقدر اتابع تاني اي ماتشات لانه اصبح في قلبي غصة حزن رهيبه ع اللي ماتوا نحسبهم شهداء وربنا يصبر اهاليهم يارب تاني سبب اما الامور تتظبط كدا من جميع النواحي بحيث ان اللي حصل ده مش يكرر تاني شكرا ع مجهودك المميز

ومين فينا مش حزين ع اللى حصل
ومين فينا مش عاوز حق الناس دى ترجع


نورتينى

[العاشق الذى لم يتب]

اناعاوز كل حاجة تعود
وترجع مصرعزيزة
وانااعشق كرة القدم
وهى المتنفس الوحيد لمعظم الشعب المصرى المطحون
وبااتمنى الدورى يعود وكل البطولات الرياضية
وتعود كمان روح المودة والتسامح للشعب المصرى
وعدم عودة الدورى
بتاثرسلبى على المنتخب
وربنايصلح الاحوال

[Aya 7ekaya]

الاول هو راينا هيفرق حاجة ؟اذا كان المباراه اللى حصل فيها كل ده كملت عادى !
الدورى هيكمل


بس رايى انا كرهت الكورة بشكل عام

[عشق الحنين]

لما حق الشهيد يرجع يبقى الدورى يرجع
واحد زائد واحد تساوى اتنين والمفروض ملهوش تالت لكن هنا تالتهم المجهول
انا مش مع عودة الدورى وانا زملكوية جداا لكن حسبى الله ونعم الوكيل
فى كل من كان له يد فى قتل الابرياء