تاكلوا كحـــــــــــــــــك

[phalsteen]

انا مش عارفه عادات وتقاليد الجمهوريتات كلها يعني
بس احنا كـــ جموهورية شرقاويه بنحب اي حاجة بتخن
اه وربنا بئه
احلي بلد تعك في الدنيا

لكن وربنا بتوع المنصورة بخله
اكسكيوزمي يعني بئه انا صريحه ولساني متبرا مني
والمنوفيين دول يا خراثي انا الجنيه بيطلع بمعجزة وحداد خمناشر يوم
واحلي سلام مع اعتذار للمنوفيه عشان خاطر سعد الفنان

( المنصورة والمنوفيه اكتر البلاد اللي بحبها بعد الشرقية
حدش يضرب بئه )

فرح بنت خالتي الاسبوع الجاي وطبعا دا احلي اسبوع نعرف نعك فيه
طنط كعادتها في اي فرح لازم تديني فرصتي
والعب بالعجين واعمل عروسه
وانضرب

انا بحب اوي الجو دا خصوصا ان خالاتي بسم الله ما شاء الله
اوزانهم قد كدة فخدي عندك بئه منك لها

يا سما هاتي الصاج دا يا قلبي معلش
سما قولي لعمك كلم طنط
سما هاتي ميه لطنط
سما اعملي غدا للناس عيب
سما لمي ابنك هيحرق ايديه
سما كلمتي خالك فكرتيه ان الغدا هنا
سما هاتي عبايه خالتك من فوق
سما اطلعي نيمي سما من الدوشه
دخلي ابنك هيتحسد
سما هاتي ايديك قوميني



لا ودا كله حماده ووقت النوم حماده تاني خالص

خالتو : انتي مش هتنخمدي انتي وابنك دا
انا : محمد مش هينام طول ما انتي في الاوضه ما تطلعي تنامي فوق
خالتو : هههههههه لا انا مش هنام الا في اوضتك
انا : طب يا خالتو انتي اتعشيتي مرتين قبل كدة كفايه بئه عشان الدايت
خالتو : طب شيلي المكرونه في التلاجه وحطي الفراخ هنا علي جنب
انا : حاضر
خالتو : وانا جايه هاتي طبق كحك واعملي كوبايه شاي
انا : اه الكحك حلو للدايت فعلا معاكي حق

بس دا كله عادي يا اخونا اصلا هيا قمر كدة


يبقي بئه امي دعيالي لو لاقيت مرات خالي صاحيه
يا نهار ضحك

طبعا اختنا مارجيريت دي بتتكلم عربي بطلاقه
زي اختنا صافينار في فيلمها معرفش اسمه ايه دا

وانا طبعا بحب امارس هوايتي كبنت مصرية وكمان شرقاوية اصيله
وابينلها قد ايه مصر عظيمه واقعد جنبها مبتسمه ابتسامه عريضه
وامسك الفون واعمل نفسي ال ايه بشوف صاحبي اخدوا ايه في الجامعه
وهيا طبعا مشغوله وصوتي عاملها اعلي ازعاج

فانا اقرر احترم نفسي واسيب الفون
وبعدين اقول اي كلام فاضي مع تكرار كلمه طنط اكتر من 10 مرات ورا بعض

عارفه يا طنط انا دايما بقول لخالوا طنط دي احلي طنط
في كل الطنطات اللي عندنا في البيت اه والله يا طنط

وهنا الحمد لله هتحمر وتبرق وتسيب المكان وتدخل تنكد علي خالو

يختي عليا وعلي عسلي

بالمناسبه تاكلوا كحـــــــــــــــــك




وقال ايه بيقولوا عليا رغاية الايام دي كتير
بئه انا رغاية

[SaMa.]

تؤ تؤ. موش رغاية خالص هاتي بقا الشاي نأكلو سوا
مبرووك للعروسة

[همسه دموع]

هههههههههههههههههههههههه
حشا وكلا ال رغايه ال ههههههههههههههههههه
ده انتى نسمه
طب هاتى الكحك وانا هعمل الشاى
ههههههههههه الف مبررررررررررررررررروك

[الفيلسـوف]

هههههههههههههه احلى حاجه عملتيها الطبق اللى ف الاخر برده كده قصدك انك رغايه
ههههه ده انتى عديتهيه بمسافات واحنا نقدر نستغنى عنك وهل يحلى بنات مصر من غيرك
نيس توبيك ام حمنى

[Stop Ana Eltop]

انتي بقيتي رغايه بشكل لا يتحمله بشر ولا بني ادمين حضرتك
وبعدين تعالي يابه هنا مالهم بقن بتوع المنصورة هااه مالهم

الكحك من الحاجات الجميله طبعا في الافراح
ومابكرهش حاجه في حياتي قد دهس البيوت في المناسبات
عقبال فرح محمد بقن يا ام محمد
وفرحي كمان قبل ما اموت بقن

[.Lamar]

اظن انا مع هبة
انتى تعديتى مرحلة الرغى هههه
مش عارفة افراحنا فى اسكندرية
مفيهاش كحك ليه
مبروك الفرح و عقبال ما تفرحى بابنك
و تعملى حماة
وربنا يستر على العروسة

[ابو نصير]

سيدتى نفرتيتى.....
لما الكلام الكبير ده والكتير عن الكحك طب لو اكلمتى على القراقيش ايه اللى هيحصل
الفرن هينفجر وخليكى بيتفور يانفرتيتى ......وياريت طبق غريبه بالقرفه على اهل الخير
الف مبروك وعقبال البكارى وفرح مفهوش كحك زى البيت الوقف
ابو نصير

[جنون قلب]

الحمد لله ان انتى قلتى ع الشرقـآويه
بلد بتحب العكـ
بس انتى غلطتى جـآمد فى المنوفيه
وبعدين معانا ناس هنــ من المنوفيه
وممكن يزعلوآ وهيبقى سوآد اسود هنـــآ
أنـــآ بهدى النفووووس سـآمعنى يا صــآحبى يا اللى نايم


ده كـآن فــآصل رخم منى قلت ابدأ بيه
عشان اعرف الناس من حبيبهم ومين عدوهم
بس مش اكتر
امـــآ بقى عن الكحك فتسلم ايدكـ والف مبروك ع الفرح
وعقبـآل كده مـآ نعمل كحك حمنى او نبقى تشريه من بـآتــآ وخلآص
بالنسبه بقى ل موضوع الرغى
مش وآخده بالكـ أن انتى مزودآهــآ آوى اليومين دول بجد هههه
الموضوع كبر اوى والنــآس ابتدت تزعل وتتكلم
انــآ بهدى النفوس مش اكتر والله

.
.


فى النهــآيه احب افكر النـآس بتوع المنوفيه
ان نفرتيتى بتقول ان انتم بخلآء بالهمزه اهوه يعنى اللى ميشوفش يشوف
وأخد بالكـ يا صــآـآـآـآـآـآحبى

[phalsteen]

اقتباس المشاركة الأصلية كتبت بواسطة جنون قلب الحمد لله ان انتى قلتى ع الشرقـآويه بلد بتحب العكـ بس انتى غلطتى جـآمد فى المنوفيه وبعدين معانا ناس هنــ من المنوفيه وممكن يزعلوآ وهيبقى سوآد اسود هنـــآ أنـــآ بهدى النفووووس سـآمعنى يا صــآحبى يا اللى نايم ده كـآن فــآصل رخم منى قلت ابدأ بيه عشان اعرف الناس من حبيبهم ومين عدوهم بس مش اكتر امـــآ بقى عن الكحك فتسلم ايدكـ والف مبروك ع الفرح وعقبـآل كده مـآ نعمل كحك حمنى او نبقى تشريه من بـآتــآ وخلآص بالنسبه بقى ل موضوع الرغى مش وآخده بالكـ أن انتى مزودآهــآ آوى اليومين دول بجد هههه الموضوع كبر اوى والنــآس ابتدت تزعل وتتكلم انــآ بهدى النفوس مش اكتر والله . . فى النهــآيه احب افكر النـآس بتوع المنوفيه ان نفرتيتى بتقول ان انتم بخلآء بالهمزه اهوه يعنى اللى ميشوفش يشوف وأخد بالكـ يا صــآـآـآـآـآـآحبى

اصطبح وقول يا صبح يا اسلام
بدل ما تشوف الخناق اللي علي اصله
ولاحظ اننا في اليوميات ومورشو اصلا منوفي
وبعدين انا قولت اني مبغلطش عادي هما قابلين مني اي كلام
اختهم الصغنونه يعني اطلع منها انت وهيا هتعمر ان شاء الله

وبعدين انا مش رغايه خالص بالعكس
لو سكت تزعلوا ونرجع نسأل نفرتيتي زحلانه ليه
ضحكت ورغيت صدعنا
اسبلكوا المكان وامشي
وميرسي بئه عقبال فرحك ولو متجوز يبقي عقبال المرة التانية
او عقبال عيالك
وابقي هاتلنا حكك جاهز من عند بسام

[phalsteen]

اقتباس المشاركة الأصلية كتبت بواسطة ابو نصير سيدتى نفرتيتى..... لما الكلام الكبير ده والكتير عن الكحك طب لو اكلمتى على القراقيش ايه اللى هيحصل الفرن هينفجر وخليكى بيتفور يانفرتيتى ......وياريت طبق غريبه بالقرفه على اهل الخير الف مبروك وعقبال البكارى وفرح مفهوش كحك زى البيت الوقف ابو نصير

الغريبه بتخن وانا همي مصلحتك ^______________^
منور ا/ ابو نصير
وعقبال افراحكوا بئه
وابقي اعزمني علي كحك
انا عندي عاوزة اتخن